طلاب وطالبات السنة التحضيرية إلي مو فاهم جدولوا يدخل أنا أفهموا

[dal3 No0oNah]

والله مرة انا مو فاهمه جدولي
فياريت تف تحي المرفق وتشوفيه وتشرحيلي هو اذا ماعليك امر عيوني

[رندا البحري]

المشاركة الأصلية كتبت بواسطة dal3 No0oNah والله مرة انا مو فاهمه جدولي فياريت تف تحي المرفق وتشوفيه وتشرحيلي هو اذا ماعليك امر عيوني

">


السبت والإثنين والربعاء
إنجليزي من 8-11
فيزياء من 1-2
مهارات إتصال من 2-3
أوقات الفراغ السبت والإثنين والربعاء من 11-1

الأحد والثلاثاء
رياضيات من 8-9.20
مهارات الحاسب من 9.30-11
الإنجليزي من 11-2.20
أوقات الفراغ الأحد والثلاثاء=لايوجد


كل محاضرتك في لكل المواد في المبنى الخامس إلا الحاسب فهو غير محدد عندك فلازم تروحي المبنى الثالث وتسألي عن المبنى والغرفة حقت الحاسب الألي

[رندا البحري]

المشاركة الأصلية كتبت بواسطة dal3 No0oNah والله مرة انا مو فاهمه جدولي فياريت تف تحي المرفق وتشوفيه وتشرحيلي هو اذا ماعليك امر عيوني

">
الجدول حقك مقسوم إلى 9أعمدة:
العامود الأول(التسجيل):هادا العامود بس حاططلك تاريخ نزول المادة في جدولك..فسبيك من هادي الخانة ماحتستفيدي منها.
[COLOR="Red"]العامود الثاني(المادة)=وهو منقسم لثلاث أعمدة:
[COLOR="red"][COLOR="YellowGreen"]العامود الأول(رمز المادة)COMM CPIT ELSC PHYS MATH
فمثلا لوأخذنا مادة مهارات الإتصال رمزها في الجدولCOMM وهو إختصار لكلمةCOMMUNICTION SKILLS إلي معناها بالعربي مهارات الإتصال.
[COLOR="YellowGreen"]-العامود الثاني(الأرقام)=101 100 101 110 110
وكل مادة بجانبها رقم خاص لها مثلا لو مادة الرياضيات في الجدول لو نظرنا الرقم بجانبها لرأينا أنو 110 هو رقم المادة الخاص بالرياضيات...بس بعد كم ترم ممكن تاخذيها مادة رياضيات وبنفس الرمز بس الرقم غير علشان كدا لازم الواحد يتأكد من رمز مادتو
العامود الثالث(الشعبة)= شعبتك في هادي الماد جنب كل مادة شعبة معينة...وإذا مثلا صحبتك متشابهة معاك في نفس الشعب فحتكون معاك في المحاضرات بس إذا اختلفت شعبتها عنك فأكيد ماحتكون معاك في المحاضرات.
العامود الرابع(الوحدات)=عدد ساعات كل مادة.. كل مادة وجنبها عدد ساعاتها
العامود الخامس(الأيام)=علشان تفرقي بين السبت والأحد
السبتs والأحد كمانs بس الفرق إنو السبت قبلها مافي نقطة أما الأحد قبلها نقطة زي كدا(s.) (وانتي بتحاولي تفهمي الفرق تابعي الجدول معك علشان تفهمي ياحلوة)
الإثنين M
الثلاثاءT
الأربعاءW
العامود السادس(الوقت)= يوضحلك متى تبدأ المحاضرة ومتى تنتهي؟
حتلاحظي من خلال جدولك إنو في فراغات تحت الإنجليزي وهادي الفراغات كلها تابعة لمادة الإنجليزي(الله يهديهم الجامعة لخبطت الطلاب بدي الفراغات إلي مالها داعي تتقسم بدي الطريقة) أهم شي لاحظي العلامات الحمرا والخضرا إلي حطيتها
">
الدائرة الحمرا المحاطة برقم 8 تمثل بداي المحاضرة
والدائرة الحمرا المحاطة برقم 10.50 تمثل نهاية المحاضرة
يعني كل سبت وإثنين وربوع عندك الإنجليزي تبدأ محاضرتها من 8 وتنتهي 10.50

ولاحظي يوم الأحد والثلاثاء بالنسبة للغة الإنجليزية الدائر الخضرا الأولى والمحاطة برقم11 تمثل بداية المحاضرة
والدائرة الخضرا الثانية والمحاطة14.20 تمثل نهاية المحاضرة
يعني المحاضرة يوم الأحد والثلاثاء لمادة الإنجليزي تبدأ من 11وتنتهي 14.20
كمان دا الجدول يساعدك علشان تعرفي الأوقات بالضبط(لأن في بنات مايعرفوا مثلا إنو 14 معناتها الساعة 2 وكمان مثلا مايعرفو إنو 14.50 معناتها الساعة 3 فعلشان كدا سويت دا الجدول)
">
العامود السابع (المبنى)=ماعندك مشكلة في المبنى كلهم في المبنى الخامس إلا الحاسب ماهو محدد عندك
العامود الثامن(الغرفة)= كل مادة وبجانبها رقم غرفتها
في معلومات لازم تعرفيها
Aالدور الأرض
Bالدور الأول
Cالدور الثاني
TBAيعني الغرفة مو محددة لسع
Lمعناتها معمل
العامود التاسع(النوع)=ليس لها فائدة أبدا