اتمنى سرعة الموافقة على قيادة المراه للسيارة كي اشتري لزوجتي السياره

[soma al7elwa]

يا كفو وجاد يا عزيزي

إنت بتناقش موضوع مفروغ منه

المرأة حتسوق حتسوق

في 10 -15 سنة وإن كترت كترت كترت بالمرررررررررا يعني 20 سنة

المسألة مسألة وقت بس

واللي يقول غير كدا ويجلس يبرر ما بيكزب غير على نفسو

يعني الأمر مفروغ منه سواء رضينا او ما رضينا

أتمنى اننا نناقش وجود مواصلات عامة حاليا للسنوات المعدودة القادمة وما بعدها

يعني ليش ما يعملو مترو للاحياء والجامعات مثلا

ولا يعملوا باصات كبيرة مكيفة وعدلة وموسعة زي اللي اللي نشوفها برا

ويكون في كل حي موقفين تلاتة تستنى فيها الباص أو المترو

يعني ما أظن انو طلب تعجيزي !

بالعكس راح يريحنا كلنا حتى بعد قيادة المرأة

لأنه حتى لو قادت راح تكون في شروط ومو كل وحدة حتقدر تسوق

وانو الدنيا دحين زحمة موووت خصوصا عند الجامعة والشوارع الرئيسية اللي تلاقي فيها عشرمية مليون سيارة وفكل سيارة شخص ولا اتنين ما بالك بعد السماح للاناث بالقيادة؟؟؟

يعني المواصلات العامة حتنفعنا كتييييييييير سواء كان دحين ولا بعدين

صح ولا لأ؟