أسعار بيع الكتب

[v500000]

أبغى أفهم ألحين أتصلت عليكم ورد علي واحد الأثنين مو اللي طاف اللي قبله يعني تقريبا من 10 أيام وقالي 10 أيام بالكثير وبتوصل الكتب فقلت اوكيه وسجل رقمي وقال برسل رساله

المهم دقيت امس وقال برضو 10 ايام فما أدري وين مصداقيتكم؟؟

هاذي نقطه النقطه الثانيه يوم أكلمه قالي راح تكون الأسعار بنفس أسعار جده طيب هالزياده اللي طامر بالمنتدى وجاي تستشير الطلاب فيها على أي أساس؟

يعني فوق انتظارنا وصبرنا عليكم تقول بزود 10 ريال على الكتاب

ياحبيبي الكتاب بنفسه غالي وأرباحكم كمسوقين تاخذونها من الناشرين وهذا من حقكم وتقدر تطالب أدارة الجامعه بذلك وتتوصل لحل وتوقع اتفاقيه كجامعه معتمده بالرياض لطلاب الملك عبدالعزيز

انتهيت من النقطه الثانيه

النقطه الثالثه انا كطالب أسكن بالشرقيه وبيتعنى زميلي الى عندكم بحكم تواجده هناك وبيشتري الكتب ومتى ماجاء بيجيبها معاه يعني التوصيل كان من طرفي وش الفايده المرجوه من رفع الأسعار ولايعني تكلفتو

ترى أرباحكم مضمونه وبلاش الحركات هاذي

50 ريال زياده على 5 كتب

50 ريال تكلفة مشوار داخل الرياض للمكتبه روحه وجيه

يبقى 50 ريال توفير عن قيمة الشحن اللي من جده وبتوصل بنفس اليوم

تصدق بالله أفكر أعطيها زميلي كسعي له لأنه جاب الكتب

وش فايدة انتظاري 20 يوم وكان من الممكن اني أجيبها بظرف 3 ايام بنفس أسعاركم

ولاتقولي بتفرق 100 ريال انا قلتلك 50 مشوار الرياض للمكتبه والعوده

و50 نفرض انها لراعي توصيله الكتب

يعني الفرق بهالشي ايام اضافيه بالأنتظار

على العموم حنا قلنالك رأينا وانت جيت تستشير والغالبيه رفضت الزياده مثل ما انا اشوف

وأتمنى أخي العزيز انك ماتحمل أخطائك للطلاب واللي أعتمدلك الكتب رجعها له وهذا من حقك

وبالنهايه أقول لك شكرا لأنك ماراح ترفع الأسعار