السلام عليك اخواني واخواتي القسم يقولو ا صعب؟؟

[الزيتونة]

في واحد من اقاربي اللي اعزهم كثير أخذني مرة معاه لبحر بعيد عن الناس وكان غواص وصار يدربني على الغوص معاه تحت البحر 20 متر
ففي اول محاولة لبسني الثقالات فقط مع السنوركل Snorkel وأول ماحاولت اوصل الكسارة اللي بداخل البحر صابني خوف فهنا سألني ايش تشوفين قلت اشوف نفسي راح اموت واغرق او سمك القرش راح ياكل لحمي او حنش البحر راح يلسعني او او او
فكان رده رائع
قال لي اجل لا تغوصين لانك راح تحصلين على اللي تفكرين فيه
بعدها صرت احاول وكل مرة يسألني اش تشوفين ومرة قلت خليني اتخيل اني بداخل البحر متحكمة بنفسي وبأني استمتع بالحياة الخلابة اللي الله سبحانة ابدع فيها لبست ملابس الغوص ونزلنا حوالي اربع امتار
وبصراحة بالفعل شعرت اول مانزلنا بشيء من الخوف ولكن بعد فترة انبهرت بالوان السمك والمرجان بعدها قلت خليني اسوي اختبار لنفسي وانا بداخل البحر حاولت اخوف نفسي وبالفعل بعد خمس دقائق شعرت ان الماء بدأ يدخل الى فمي وانه جسمي صار ثقيل ونبضات قلبي تسارعت وبدأت ارجع الى الكسارة حتى اضع رجلي على شيء صلب وووو

الزبدة انه ماتتصورة بداخلك عن نفسك بالضبط راح يحدث لك فلو قلت القسم صعب وانا راح افشل فيه وماراح اقدر اكمل فيه ..........فأنت على حق
ولو قلت القسم ممتع ورائع وأنا احبه وراح استمتع بمذاكرتي فيه فأنت ايضا على حق
أليس المولى عز وجل قال: (إن الله لا يغير مابقوم حتى يغيروا مابأنفسهم )

الله يوفقك