لكل المنتدى

[فرحة]

لزوزه كيف حالك ؟
ان شاء الله تكوني تمام وميه ميه ...
لزوزه انتي انسانه راقيه جدا اعترافك بخطئك واعتذارك اذا دلو على شيئ يدلو على انك انسانه محترمه
انا اليوم زرت صفحتك بعد الموضوع الي كتبتيه في الصباح
دخلت على صفحتك عشان اشوف المواضيع الي اشتركتي فيها والمواضيع الي نزلتيها
بصراحه كنت ابغا اشوف من خلال مشاركاتك هل انت انسانه متسرعه دايما في كلامك وغير محترمه ؟
ولا انتي انسانه راقيه وكلامك لبق وموزون ؟
لقيت ردودك كلها ماشاء الله ردود حلوه ولبقه مافيها اي قله ادب وتدل على انك شخصيه مثقفه ولبقه ومحترمه
ودخلت على مواضيعك الي كتبتيها لقيتك منزله شرح للاحصاء وتلخيص لبعض ابواب الاحصاء وهذا ان دلني على شيئ فدلني على انك انسانه معطائه وافدتي الاعضاء كتير بمواضيعك
ماشاء الله عليك
انا دايما يالزوزه اتعرف هنا في المنتدي على شخصية العضو من خلال ثلاثه اشياء
اسم العضو اولا ثم توقيعه ثم ردود العضو وبعض الناس هنا محترمين مره ولبقين اتعلمت منهم كتير وافادوني كتير
والبعض للاسف اولا اسمو او اسمها تلاقيه مو محترم والصوره الي تحت الاسم كمان تلاقيها "منيله" والتوقيع تلاقيه " انيل" وردوده مع الاعضاء " انيل وانيل "
بس انتي من الناس المحترمين ماشاء الله عليك ان شاء الله انا راح استفيد من مواضيعك في الاحصاء شكرا لمجهودك
اختك فروحه