رحلتـــي باختصار!!

[JuStice]

.

متاااابع وبانتظار الباقي ..

مهما أسمع أو أقرأ عن الطب وطلاب الطب وحكاويهم أبدًا ما أمِل وأبغا أكتر كمان !

وتمامًا نفس حالة "لقيت روحي" كل ما أشوف طلاب الطب مو بس أطالع فيهم .. إلا أتنح وبزيادة خخخ

عقبااااال ما أصير من طلبة الطب .. دعواتكم إني أكون معاكم *_^"

.

[dr.CILIA]

نتابع

- كيف تصفين دراسة الطب ؟

دراسة الطب ممتعه للغايه خاصة إنها تحكي عما يتعلق بالإنسان جسده ونفسه ..ويمكن تقسيم الطب لـ:
السنوات الثلاث الاولى ندرس فيها بعمق تركيب جسم الانسان وكيفية اداءه الوظائف الحيويه سبحان الله!! شي عجيب ودقه متناهيه ولاتخطر على بال وبعدها في علم الأمراض ماهو الخلل الذي حصل وادى لإختلال النظام بأكمله..
اما السنوات الأخيره تناقش الاعراض اللي ممكن يشكو منها الانسان والعلامات اللي تظهر عليه وطرق الكشف عن هذا المرض وعلاجه وهنا التحدي الكبير في اكتشاف المرض وعلاجه في فتره قصيره قبل ان يتطور وينتج عنه مضاعفات..
فالطب جميل بكل اقسامه!!

[dr.CILIA]

- ما هي أكثر المواد التي يحبها طلاب وطالبات الطب ؟

يختلف من شخص لاخر بس في الطب كل المواد حلوة يعني في حاجات زي البايوكميستري ماتنحب لأن المشكله في التدريس ولا هي ماده حلوه انا عن نفسي احب التشريح وعلم الامراض وبصراحه الطلاب صاروا يحبو الماده اللي الدكتور يعطيك الاسئله ولا يعطيك درجات يعني المسأله صارت مصالح

[dr.CILIA]

- هل سلب منكِ الطب الكثير من الأشياء ؟ في حال "نعم" اذكري بعض الأمثلة .

طبع اكييد سلب مني اشياء كثير بس اغلبها مو بسبب الطب نفسه بس مشكلة الوقت مع الطب

هواياتي مثلا كان عندي هوايات كثيير ومع الطب خلاص انتهت مثلا كنت احب الخياطه بس لما انشغلت بالدراسه مو بس بطلت اخيط الا زياده سارت يدي ماهي متمكنه زي زمان هذا الشي مرره زعلني اني فقدت هذا الشي ولازم أرجع اتعلمه من جديد

احس كمان الطب خلى قلبى يقسى شوي يعني مو زي زمان يمكن من كثر مانشوف المرضى اللي منومين ومعاناتهم صرت اللي يمرضو امراض بسيطه انا احسها مو شي بالنسبة للي شفتهم فأطنش يعني احيان يطلبوا مني استشاره ولا يعرضو مشكلتهم مااعطيهم ذاك الاهتمام حتى لمن يقولوا فلان مات وانا اعرف انه عنده مرض صعب علاجه سبحان الله أقول الله ارحم بعباده لأنه ممكن كان حيعاني يقومو الناس يطالعوا فيا بنظره كأنهم بيقتلوني

اكبر شي سلبه مني الطب -راحة البال- هذا اشي مفقود عندي من يوم مادخلت هنا طبعا هذي مشكله بس مااتوقع احد في الطب سواء دارس او ممارس للمهنه يجي ينام او حتى وهو جالس يفكر مع نفسه يكون باله مرتاح اي قرار بحق اي مريض ان شاءالله شي بسيط بنقعد نراجعه مع نفسنا لمن نفكر -طيب يمكن لو قلنا كذا كان افضل! طيب ممكن يحصل له كذا...
حتى دحين واحنا لسه بندرس وفي امتحاناتنا نفس الشي بيصير معانا يمكن مو الكل بس انا يصير لي الله يعين

[dr.CILIA]

- كيف تنظمين وقتك أيام الدراسة ؟ وما هو جدولك اليومي ؟

حكاية النظام دي طويله طبعا انا دحين ماني ماشيه على اي نظام لأن السنه هذي الحمدلله ربي كرمنا في الوقت احس عندنا شويه وقت زياده عن السنوات الماضيه بس غالبا تقسيمتي كالتالي
ارجع من الجامعه اغلب الايام الساعه5<تقريبا مع المشوار
والى المغرب هذا وقت راحه مع الغداء يعني العب ,تلفيزيون, نت اي شي
بعد المغرب أنام مو اكثر من ساعتين وبعدها اقول اتنح ساعه واتعشى
بعدين يبدأ يومي اذا عندي مثلا شغل , واجبات, مذاكره لإمتحان <طبعا مو كل المذاكره في يوم نكون مقسمين من قبل الامتحان كل يوم جزء يعني امسك جزء اليوم , واذا مخي مقفل وماعندي امتحانات قريب لعبت والحمدلله
استمر الى يجيني النوم احيان الساعه 1 او 2 ممكن 3 وانام واصحى الفجر اصلي وارجع انام للساعه 7 وبعدين اتجهز وعالدوام

يعني معدل نومي في اليوم كله مايزيد عن 6 ساعات وفي الويك اند يوصل ل10 يوم الربوع و8 خميس وجمعه
طبعا الويك اند غالبا ماامسك ولاشي الا اذا في اختبار

.
.
.
يتبع

[Dr.AlJuhani]

المشاركة الأصلية كتبت بواسطة dr.CILIA - هل سلب منكِ الطب الكثير من الأشياء ؟ في حال "نعم" اذكري بعض الأمثلة . طبع اكييد سلب مني اشياء كثير بس اغلبها مو بسبب الطب نفسه بس مشكلة الوقت مع الطب هواياتي مثلا كان عندي هوايات كثيير ومع الطب خلاص انتهت مثلا كنت احب الخياطه بس لما انشغلت بالدراسه مو بس بطلت اخيط الا زياده سارت يدي ماهي متمكنه زي زمان هذا الشي مرره زعلني اني فقدت هذا الشي ولازم أرجع اتعلمه من جديد احس كمان الطب خلى قلبى يقسى شوي يعني مو زي زمان يمكن من كثر مانشوف المرضى اللي منومين ومعاناتهم صرت اللي يمرضو امراض بسيطه انا احسها مو شي بالنسبة للي شفتهم فأطنش يعني احيان يطلبوا مني استشاره ولا يعرضو مشكلتهم مااعطيهم ذاك الاهتمام حتى لمن يقولوا فلان مات وانا اعرف انه عنده مرض صعب علاجه سبحان الله أقول الله ارحم بعباده لأنه ممكن كان حيعاني يقومو الناس يطالعوا فيا بنظره كأنهم بيقتلوني اكبر شي سلبه مني الطب -راحة البال- هذا اشي مفقود عندي من يوم مادخلت هنا طبعا هذي مشكله بس مااتوقع احد في الطب سواء دارس او ممارس للمهنه يجي ينام او حتى وهو جالس يفكر مع نفسه يكون باله مرتاح اي قرار بحق اي مريض ان شاءالله شي بسيط بنقعد نراجعه مع نفسنا لمن نفكر -طيب يمكن لو قلنا كذا كان افضل! طيب ممكن يحصل له كذا... حتى دحين واحنا لسه بندرس وفي امتحاناتنا نفس الشي بيصير معانا يمكن مو الكل بس انا يصير لي الله يعين

لسا حنقول بسم الله ولسا حندخل رابع بأذن الله وأنا بفكر
ومنجد كلامك صح بعد اول أسبوع في المستشفى هذا الصيف
ومع اول بيشنت (mesthenia Gravis)
كل الويك أند صار كآبه وماأقدر انام بس أفكر فيها
:(
الله يعيننا ويساعدنا ويقوي قلوبنا بس مايقسيها

[dr.CILIA]

المشاركة الأصلية كتبت بواسطة dr.aljuhani لسا حنقول بسم الله ولسا حندخل رابع بأذن الله وأنا بفكر ومنجد كلامك صح بعد اول أسبوع في المستشفى هذا الصيف ومع اول بيشنت (mesthenia gravis) كل الويك أند صار كآبه وماأقدر انام بس أفكر فيها :( الله يعيننا ويساعدنا ويقوي قلوبنا بس مايقسيها

اهلا اختي منوره
الله يوفقكم ويعينكم
كنت في الدوره حقت البريكلينيكال؟؟ في اي قروب؟ انا جيت في يوم الجهاز الهضمي شرحت لقروب 6