.. الخـلـطة السـريّـة ] ~ علّمونا طقوسكم فترة قبل و أثناء الاختبارات ..

[L O T U S]

بالنسبه لي ^_^

- ابعد عن كل شي احب اذاكر في مكان هادئ .
- ما اشوف قدامي اي شخص لأنو بمجرد مايجلس احد خلاص التهي عن الكتاب .
- واحب الأوقات عندي بالليل الى الفجر ... حاولت كثير ابدل طبعي هذا بس بدون فايده ماعرف الا بالليل مع اني احب النهار اكثر من الليل > مطوله ^_^ .
- ابعد عن اي شي ممكن يلهيني الجوال الكمبيوتر .. بس التليفزيون احيانا يكون موجود في مكان مذاكرتي وافتحه على اي شي بس يكون الصوت مره منخفض يعني عشان احس المكان فيه حياة .. لكن المهم مايكون احد من اهلي عندي
- واحب المكان يكون منور كثير عشان لمن يكون النور منخفت احس جوه يجيب النوم
- بالنسبه للاكل والشرب مستحيله هذي عندي لأنو مو من النوع اللي يكون لي بالين اكل واذاكر لازم بالي ينشغل بحاجه وحده والاكل وقت البريك بس

هذا طبعاً لجو المذاكره

:

وبالنسبه للمذاكره نفسها
- لازم دفتر واقلام ملونه عشان تنفتح نفسي لمن اشوف الكتاب فيه الوان
- وابدا بأصعب المواد وادسمها عشان اخلصها واختمها بأسهل شي
- كل ما اخلص باب امسك الملخص واراجع فيه مع شوية أسئله
- احدد المهم عشان التحديد هذا اذاكره وقت المراجعه السريعه قبل الإختبارات
- احاول احط في راسي انو مافي شي صعب بإذن الله
ولكل مجتهد نصيب ..
وفعلاً اقتنعت أكثر بالكلام هذا بعد نتيجتي الترم الأول
والله المواد اللي تعبت فيها اخذت نتجيه حلوه الحمدالله واللي كانت مذاكرتي فيها مش ولابد للأسف سيئه
عشان كذا الغي من راسي مصطلحات صعب مستحيل مقدر .. واخلي دايماً قدامي حلمي اللي ابي اوصله هذا يعطيني دافع اضغط على نفسي شوي خلاص كافي اللي راح


والله يوفقنا يارب