تجمع للمتقدمين على ماجستير حاسب 1431

[itx005]

المشاركة الأصلية كتبت بواسطة leenah2010 أشوفكم تتكلموا عن المصفوفات!! وأنا الصراحة ما مرت علي أبدا، على حد علمي إنه هذي المواضيع من شابتر 3 3.1algorithms 3.2the growth of functions 3.3complexity of algorithms 3.4the integers and division 3.5primes and greatest common divisors 3.6integers and algorithms من الملف اللي حاطينه البنات في بداية التجمع.. إذا فعلا داخلة بركة إنها ما جات والمواضيع اللي ما دخلت زي ما قال اتكس.. أسئلة نظم تشغيل كانت الأشمل وبعدها داتا بيس، لكن رياضيات وتنظيم فيها إجحااااف بقوة!! مممم في سؤال افتكرته في الرياضيات وواحد في نظم وأضفتهم في الملف المرفق..

ايش قصدك إنها فيها إجحاف صعبة يعني؟ مافهمت
الرياضيات كانت سهلة والصراحة في مواضيع زي البروف والريكيرسف صعبة والحمدلله انها ماجات ، بس التنظيم كان مركز على جزئية وحدة أو شبتر واحد وهو شبتر الميموري
غير كده ماجات أي أسئلة تحويل بين الأنظمة العددية (الثنائي - الثماني - العشري - السادس عشري)

[leenah2010]

المشاركة الأصلية كتبت بواسطة itx005 ايش قصدك إنها فيها إجحاف صعبة يعني؟ مافهمت الرياضيات كانت سهلة والصراحة في مواضيع زي البروف والريكيرسف صعبة والحمدلله انها ماجات ، بس التنظيم كان مركز على جزئية وحدة أو شبتر واحد وهو شبتر الميموري غير كده ماجات أي أسئلة تحويل بين الأنظمة العددية (الثنائي - الثماني - العشري - السادس عشري)

يعني أقصد إنه تنظيم ورياضيات مو شاملة، ركزوا بس على حبتين من المقرر وجابوا منها كل الأسئلة والباقي كأنه ما دخل..
طيب والتعب والوقت اللي راح على مذاكرة الباقي؟؟
جيبوا منها لو فقرة يا هوووو ولا لا تدخلوها من الأساس

تعالوا نشوف كيف ينحسب المعدل..
حسب كلام الأستاذة الاختبار عليه 40%، يعني كل فقرة 1%
لنفرض إني جاوبت على 30 فقرة، معناه جبت 30%

60% الباقية تنحسب من 6 مواد، كل مادة عليها 10%
لنفرض إنه درجاتي كانت 90 - 91 - 92 - 93 - 94 - 95 في الست مواد
معناه إني في المادة الأولى جبت 90*10÷100 = 9% ونفس الطريقة بالنسبة للبقية
يعني المجموع حيكون= 9 +9.1 +9.2 +9.3 +9.4 +9.5 = 55.5 بالتقريب 56%

تصير المحصلة 56 +30 = 86%
وسمعت إن المنيمم 70%، يعني اللي تجيب أعلى منه تنقبل؟؟ ولا ياخذو أعلى 15 والباقي سواء جابوا أو لا يرفضوهم؟؟
يا ليت اللي يعرف يفيدنا..

[الثريا]

المشاركة الأصلية كتبت بواسطة leenah2010 60% الباقية تنحسب من 6 مواد، كل مادة عليها 10% لنفرض إنه درجاتي كانت 90 - 91 - 92 - 93 - 94 - 95 في الست مواد معناه إني في المادة الأولى جبت 90*10÷100 = 9% ونفس الطريقة بالنسبة للبقية يعني المجموع حيكون= 9 +9.1 +9.2 +9.3 +9.4 +9.5 = 55.5 بالتقريب 56% تصير المحصلة 56 +30 = 86% وسمعت إن المنيمم 70%، يعني اللي تجيب أعلى منه تنقبل؟؟ ولا ياخذو أعلى 15 والباقي سواء جابوا أو لا يرفضوهم؟؟ يا ليت اللي يعرف يفيدنا..

يعني المعدل التراكمي لل6 مواد وليس لجميع مواد التخصص ؟؟؟؟؟؟؟؟؟


اتمنى اللي يعرف يفيدنااااااا

[itx005]

طيب السؤال أيش هيا الست مواد؟

[itx005]

المادة (16-3)

عند انطباق الشروط الواردة باللائحة على المتقدم، تقوم العمادة بتحويل الملفات للكليات التي تحولها بدورها إلى الأقسام العلمية، ليقوم كل قسم بحساب المعدل التراكمي للمقررات التخصصية للطلاب الحاصلين على تقدير (جيد مرتفع) فقط, والتأكد من حصول الطالب على تقدير (جيد جداً) فيها لإدراج اسمه في قائمة التنافس للالتحاق بالبرنامج، على أن يحدد كل قسم علمي قائمة بمقررات التخصص التي تدخل عادة في احتساب المعدل التراكمي، ويتم تزويد عمادة الدراسات العليا بنسخة منها مسبقاً، وكذلك ما يطرأ عليها من تعديلات لاحقة، لغرض المتابعة.

[رحلة احساس]

ماشاء الله عليكم بنات
أنا اتخرجت قبل سنة حاسب ,, بس قدمت السنة هذه ماستر ادارة أعمال
خلاص كفاية 4 سنوات ونص حاسب .. << وحدة متعقدة


من جد رجعتوا لي الأيام الخوالي وأنا أقرا الأسئلة
ربي يوفقكم ويرزقكم من واسع فضله



حبيت أنبه على عبارتين وأنا أقرا المشاركات
إحداها قول ( الله يرجك )

قال الشيخ عبدالرحمن السحيم هذه كلمة مُنكَرة . وكنت سألت شيخنا الشيخ عبد الرحمن البرّاك – حفظه الله – عن كلمة مُشابِهة ، وهي قول بعض الناس ( الله يَكْنِسْك ) فقال وفّقه الله : هذا منكر عظيم . ونَهى عن قول تلك الكلمة . وهنا يُقال : هل الله يَرجّ ؟ أو يَكنِس ؟ حتى يُدْعى بهذا الدعاء ؟ والله تعالى أعلم .

والأخرى قول ( الله واسطتنا )
وورد فيها

السؤال: بعض الناس يقول عند تقديم معاملة: أنا واسطتي الله تعالى فما حكم هذا؟ الجواب: هذا التعبير لا يجوز؛ لأن الله يتوسل إليه ولا يتوسل به، والله سبحانه وتعالى ليس وكيلاً إلى غيره، فالله تعالى لا يكون واسطة، ولا يستشفع بالله على أحد، لكن يستشفع إلى الله عز وجل، وقد روي أن النبي صلى الله عليه وآله وسلم قال له بعض الصحابة: يا رسول الله! إنا نستشفع بك على الله ونستشفع بالله عليك. فغضب من ذلك وقال: (إنه لا يستشفع بالله على أحد من خلقه). فالشاهد أن هذا التعبير غير صحيح، ولا يجوز إذا قيل لك: (من واسطتك)، أن تقول: الله؛ لأن الله ليس واسطة، وليس وسيلة، إنما الله سبحانه وتعالى يتوسط إليه ويتوسل إليه، كما قال تعالى: ( أُوْلَئِكَ الَّذِينَ يَدْعُونَ يَبْتَغُونَ إِلَى رَبِّهِمُ الْوَسِيلَةَ أَيُّهُمْ أَقْرَبُ).

ربي يــــــــــــــــوفقنا جــــــــــــــــمـــــــــــــــــــيــــــــــــ ـــــــــعاً

[leenah2010]

المشاركة الأصلية كتبت بواسطة رحلة احساس ماشاء الله عليكم بنات أنا اتخرجت قبل سنة حاسب ,, بس قدمت السنة هذه ماستر ادارة أعمال خلاص كفاية 4 سنوات ونص حاسب .. << وحدة متعقدة من جد رجعتوا لي الأيام الخوالي وأنا أقرا الأسئلة ربي يوفقكم ويرزقكم من واسع فضله حبيت أنبه على عبارتين وأنا أقرا المشاركات إحداها قول ( الله يرجك ) والأخرى قول ( الله واسطتنا ) وورد فيها ربي يــــــــــــــــوفقنا جــــــــــــــــمـــــــــــــــــــيــــــــــــ ـــــــــعاً

جزاك الله خير، اليوم قارية لوحدة تقول: الله واسطتنا، وعلى بالي إنها عادي..
الله يجعلها في موازين حسناتك..
والحاسب على قولك يعقد، بس خلاص حبه يسري في عروقنا <<يا عيني عالتعبير
الله يوفقنا جميعا

[leenah2010]

المشاركة الأصلية كتبت بواسطة الثريا يعني المعدل التراكمي لل6 مواد وليس لجميع مواد التخصص ؟؟؟؟؟؟؟؟؟ اتمنى اللي يعرف يفيدنااااااا

اللي أعرفه إن الأستاذة اللي راقبت علينا قالت المعدل التراكمي ينحسب من 6 مواد بس، هي المواد اللي دخلت في اختبار الماستر السنة الماضية..
مع إنهم اختبروا زينا في 4 مواد..

معناه إن الأربعة داخلة في المعدل مع مادتين زيادة..
إذا أخذوا الكورسين من قواعد بيانات، راح يصيروا خمسة، يفضل لنا مادة مدري اش هي..

شرط اجتياز التوفل داخل في المفاضلة ولا لا؟ ومين منكم ما استوفى الشرط؟

[itx005]

المشاركة الأصلية كتبت بواسطة leenah2010 اللي أعرفه إن الأستاذة اللي راقبت علينا قالت المعدل التراكمي ينحسب من 6 مواد بس، هي المواد اللي دخلت في اختبار الماستر السنة الماضية.. مع إنهم اختبروا زينا في 4 مواد.. معناه إن الأربعة داخلة في المعدل مع مادتين زيادة.. إذا أخذوا الكورسين من قواعد بيانات، راح يصيروا خمسة، يفضل لنا مادة مدري اش هي.. شرط اجتياز التوفل داخل في المفاضلة ولا لا؟ ومين منكم ما استوفى الشرط؟

طيب كيف نعرف؟؟؟ فين سارة هي يمكن تعرف وفين بقية الأعضاء ليش كده نمتوا؟