شاركوني الرأي بخصوص العداله في نتائج المفاضله

[نوره علي]

يعني عشان نكون صريحين صحيح الواحد درس اربع سنين تعب فيها بس لا ننسى انه ممكن وحده يكون جابت معدل جدا عالي بس نهائيا مو بمجهودها واعتقد انه كل واحد درس في جامعة عبدالعزيز عارف هذي الحكايه

طيب ممكن نقول أن الطالبة عندها واسطة مع أستاذة أو أستاذتين و جابت الامتياز ، لكن هل يعقل عندها واسطة مع استاذات من عدة تخصصات و في كل المواد !!!

غير انه ممكن الواحد تكون مرت عليه ظروف قاسيه اثناء دراسه البكالوريوس ادت انه معدله ينخفض يعني يحرم من انه يكمل دراسته

طيب ظروف قاسية مثلا لسنة ، لكن ظروف قاسية لأربع سنين هذه صعبة شوي ، لا تنسون الدراسة بالمعدل التراكمي مو فصلي و في آخر سنة عشان نقول ظروف مرت عليه ...

اما بالنسبه للاختبار فلو هم ناس جادين ياليت يوضحون من البدايه نوعيه الاختبار المواد او المواضيه إلي داخله في الاختبار من اول ما الواحد يسجل ويقبل ويحصل على استمارة الترشيح

و هذا الي يصير في قسم علم الاجتماع ، الطالبة تراجع الأساتذة في القسم و يرشدونها للمواد المطلوب مراجعتها و دخول الاختبار على أساسها ، و واضح من البداية أن الأسئلة مقالية

في النهاية إلى الان مافي اي عداله لا بخصوص المعدل و لا الاختبار اعطي الناس مجال عشان تبدع وتطلع مو تحطمهم وتمشي وتقول اطلعوا ياشباب وخلو مجتمعنا ينهض

وجهة نظر محل تقدير و لكني أخالفها ، فأسئلة الامتحان فيها الكثير من التمحيص و ليس التعجيز بدليل أن هناك من اجتازها و ربما هناك من برع في الإجابة عنها ، مع خالص الأمنيات للجميع بالتوفيق

[شاطئ الاحزان]

صبحكم الله بالخير جميعا اذا النسبة زي ماقلتم اجل التوفل كم علية انا مرة اتصلت على قسم الرجال ورد على شخص والله مااعرف هومين قال 60% على المعدل و20%على اللغة و20%على الاختبار وقال اذا عندك دورات حاسب او اي شئ ارفقيها في الملف هذة تساعد على المفاضلة والله على مااقول شهيد كان هذا كلامة بس الان كيف الوضع ماادري
واذا في بنات زعلانين على اختبار المحاسبة انة صعب في قسم ادارة عامة قبل الاختبار بيوم قالو موضوعي ولا علقو مناهج ولاشئ اعتمدنا على كلام اللي قبلنا وكان الاختبار مقالي انا جلست شهر اذاكر وفي النهاية لاشئ لانهم ماراعو ان في ناس مسجلين من خارج القسم ومعدلي الحمدلله عالي لكن القبول ضعيف
وفي النهاية الله يجبر خاطرنا ومايضيع تعبنا حتى لوماحلينا (وربي فوق كل واسطة )