عنوان ادارة شؤون المعلمات في جده .. ساعدوني

[ساشينكا]

السلام عليكم
يا جماعه انا جاتني رساله عالجوال قبل ساعه و طالبين مني مراجعة ادارة شوؤن المعلمات بخصوص عقود البدائل من المعلمات المجازات
و العنوان شارع السبعين الدور الخامس شوؤن المعلمات ( طبعا في جده )
انا الحين ابغى وصف دقيق لشارع السبعين هل هو في حي الربوه ؟ و هل ادارة شوؤن المعلمات هي نفسها ادارة التربيه والتعليم ؟؟
الله يجزاكم خير ساعدوني انا من مكه لاني بروح بكره اراجع

[بكالوريوس حاسب]

ادارة شؤون المعلمات التي بشارع السبعين مقابله للبيك

طبعاً تنزلي مع شارع فلسطين الاشارة الخامسه تأخذي من عندها يمين وتمشي شوي يجيكي كبري تطلع عليه وتمشي لمن تنزل من الكوبري تجيك اشاره وانتي واقفه في الاشاره ناظري على يسارك راح تشوفيها . وارجع مع الاشاره يساره .

وفقك الله

وإذا ما فهمت راح ادلك مع طريق ثاني

[ساشينكا]

جزاك الله الف خير
يعني على وصفك افهم انه الموقع في جنوب جده صح ؟

[بكالوريوس حاسب]

وين جنوب جدة

في الشمال

شارع فلسطين

الله يستر يا ربي

[ساشينكا]

حسبي الله عليهم رحت اليوم وسألتني عن العنوان قلتلها انا من مكه قامت رفضت اكمال طلبي بحجة انه التعاقد في جده لبنات جده وبس مع ان اللي اعرفه ان شغلة اثبات السكن اتلغت من زماااان
الله يعوضني خير منها

[الزهقاااانه]

ساشينكا
ممكن تفيديني كيف ممكن اقدم على وظيفة متعاقده وايش التخصصات المطلوبه الله يجزاااكي كل خير ..

[Pink flower]

المشاركة الأصلية كتبت بواسطة الزهقاااانه ساشينكا ممكن تفيديني كيف ممكن اقدم على وظيفة متعاقده وايش التخصصات المطلوبه الله يجزاااكي كل خير ..

السلام عليكم ورحمه الله وبركاته
التقديم دا حكايه فقولك ِعن تجربه لي
اول مره قدمت عنطريق النت للموقع لهم www.Jgedu.gov.sa
( الموقع دا زمان قدمت عليه ومحتفظه فيه بس مادري لين الان ولا لا حبيت اخدمكِ فرجاء لااحد يقول غلط او مايفتح )
وثاني مره قالو الى تبي وظيفه تعاقد تجي وتعبيئ بيناتها بالرئاسه وكانت ورقه ع طاوله بالدور
الخامس عبيت فيها بيناتي وبينات كل صديقاتي مخليت احد هع

ونسيت المووضوع لين ربي كتب لي وظيفه عندهم وعن تجربه حلو التعاقد ومش حلو هع ( الى عرفته ان المسول عن التعاقد الاستاذ عبد الخالق المالكي هو الى اتصال ع جوال واخوي لما جاني تعاقد لاني كنت مسجله رقم اخوي وهو الى يعبيء الاوراق وبعدها تكملي الاوراق بقسم النساء)

حاليا والله ماعندي خبر بس كثير سمعت وقرات بالنت ان الى تقدم ع الخدمه المدنيه ومايجيها وظيفه رسميه وكان هناك احتياج للمعلمه ياخذوا من قائمه البينات الى بالخدمه المدنيه حسب المدينه الى تكبتي فيها

فالله اعلم
هدا اجتهاد من خبرتي ازا في غلط ممكن احد يعدله
واسال الله يوفقك الجميع

[ساشينكا]

جزاكي الله خير اخت pink فعلا كلام سليم بس والله انقهرت من رفضهم لييييييييييييه ؟؟ طالما اني قادره ادرس في جده اش اللي يمنع وانا تعاقدت قبل في القنفذه و ما قالو لي لازم تكوني من سكان القنفذه بالعكس قبلوني بكل سهوله من اول يوم !!! و الله ما ينفع معاهم غير اللف والدوران لو كنت عارفه انه الحكايه كذا كنت قلت اني من جده وجبتلهم اثبات سكن بس يلا الواحد يتعامل مع الناس على نياته . الله يعوضنا خير

[Pink flower]

المشاركة الأصلية كتبت بواسطة ساشينكا جزاكي الله خير اخت pink فعلا كلام سليم بس والله انقهرت من رفضهم لييييييييييييه ؟؟ طالما اني قادره ادرس في جده اش اللي يمنع وانا تعاقدت قبل في القنفذه و ما قالو لي لازم تكوني من سكان القنفذه بالعكس قبلوني بكل سهوله من اول يوم !!! و الله ما ينفع معاهم غير اللف والدوران لو كنت عارفه انه الحكايه كذا كنت قلت اني من جده وجبتلهم اثبات سكن بس يلا الواحد يتعامل مع الناس على نياته . الله يعوضنا خير

وياكِ يارب
لاتزعلِ ولا تشيلِ بخاطرك سبحان الله مقسم الارزاق ربما خيره لكِ واسال الله باسمه الاعظم اذاسال به اجاب انه يعوضكِ خيراً منها بالدنيا والاخره
سبحان الله انا لما خلصت التعاقد بالسنه التانيه اتصالوا علي من رقم ج والي + البيت بس كنت نايمه مارديت سبحانه الله ماكانت مكتوبه لي وبعدين اتصالو ع صديقتي هههه مكتوبه لها

[ساشينكا]

تسلمين على الدعوه الحلوه الله يرزق الجميع