خاص بالمسجلين بالسنترا

[jolie]

والله بصراحة الاخت رهومة معاها حق انا عن نفسي السنترا ماشي معاية تمام و صح انو في اول محاضرة للانجلش الاستاذة تاخرت لها 27 دقيقة و الصراحة ما ادري ايش عذرها يمكن اول مرة تعطي محاضرة بالسنترا ولا كان معلق معاها ولا هي نفسها متاخرة وما تجهزت من بدري احنا ماندري فلازم نقدر ونسكت يعني لو قلنا لها يااستاذة وينك ولا يا استاذة مو سامعين شي هذا يكفي مالو داعي نتريق عليها حرام هي تقرأ الكلام اللي ينكتب عني بالعربي الفصيح نحترم نفسنا و مرة في اول محاضرة للاحصاء حصل الشي نفسه وتاخرت فقامت تشرح لنا بسرعة عشان الوقت بس البنات قامو يتريقو عليها بالله مو حرام والله الاستاذة امس في ثاني محاضرة قامت تشرح كويس من جد الله يعطيها العافية على مجهودها وكل شوية تسألنا فهمتوا ولا لا والله اللي تتريق حيجي يوم يتريقوا علها والدنيا دوارة وما قلت الكلام هذا الاعن تجربة والله يسامحني يا رب بس الانسان كل ماكبر كبر عقله وارتقى
واخر شي ياليت تخلوا الشات للفائدة يعني مالو داعي لما الاستاذة تشرح و الكل مندمج معاها تجي وحدة تسأل ايش اسم الكتاب من جد مو وقتها تستنى الاستاذة تخلص وتسأل اذا الاستاذة طلعت في البنات مايقصروا معاها ولا تجي وحدة تافهة (وسوري ع الكلمة هذي) دوبها في نص المحاضرة داخلة والاستاة تشرح الاحصاء لنا تقول كيفكم وايش اخباركم من جد تفاهة
ومعليش على الاطالة و صلوا على النبي