الاختبار و المقابلة الخاصة بوظائف معيد في جامعة أم القرى

[nanita]

الله يوفقك اختي ..طيب عندك فكرة عن المقابلات الشخصية كيف طبيعتها

[Softie]

المشاركة الأصلية كتبت بواسطة nanita الله يوفقك اختي ..طيب عندك فكرة عن المقابلات الشخصية كيف طبيعتها

واياك أختي

بالنسبة لخبرتي السابقة غالبا الاسئلة ماتكون في التخصص
اول سؤال طبعا تحدثي عن نفسك
ويسئلوا اسئلة عامة مثلا ليش بتصيري معيدة, وايش طموحك
افتكر مثلا سألوني (بما اني جربت تدريس اللغة) كيف تردي على الطالبات اللي يقولوا انه مو لازم ندرس انجليزي؟
أيامها برضو سألوني ايش رايك انه الاجازة تصير جمعة وسبت؟
هي تعتمد على اللي راح يعملوا المقابلة, بس هم يقيموا على اللي ذكرته في اول المشاركة

20% للمقابلة الشخصية , يركز فيها على الأمور الشخصية :
( التوجه الفكري ، ، سلامة الحواس ، تسلسل و ترتيب الأفكار ، حسن المظهر ,
مؤهلات دراسية أعلى ، القابلية لتطوير الذات والقدرات , ونحو ذلك ......... ).
, ومااعتقد يهمهم يسألوا اسئلة دقيقة في التخصص طالما احنا خلاص عدينا الاختبار التحريري..
أهم شيء مظهرك والصوت يكون واضح والثقة بالنفس وتحاولي ماتكوني متوترة او تبيني لهم كذا
بالاضافة إلى انهم ممكن يحاولوا يستفزوا الشخص ويوتروه..
هذا والله اعلم