والنهايه مع الظلم دا

[Dina-s-b]

!!!!
الكيميا اليوم الدكتورة قالت ركزو على كل الشباتر لانو احنا مو زي باقي المواد حنركزلكم على الشباتر الجديدة..
ممكن يجيكم شي ما جاكم فالدوري الاول والتاني وممكن تجيكم نفس الاسئلة..
ممكن نجيب سؤالين من الشباتر الجديدة والباقي كلو من القديم..!!!
اظن دا اكبر دليل على انو الاختبار حق الكيميا داخلة كل الشباتر :)
وانا تدرسني اللي تكتب الاسئلة يعني اتوقع انها عارفة ايش بتقول :) !! فلا تصدقو كل شي واللي تقولك احنا فالكيميا 4 شباتر قوليلها لا ياحلوة اتاكدي :)

الفيزيا ثريا باعراقي كتبت وقالت انو ما حزفو شي وانو كل المنهج داخل..اللي زاكرت كلو اخدت كامل واللي ما زاكرت كلو نقصت طبعا :)

زادوكم شابتر فالفيزيا؟؟
احنا كمان زودونا فالكيميا..يعني نفس الوضع فلا تقعدو تعملو الازمة هادي..
بعدين ليه ما اعترضتو وقت ما احنا كنا بنعترض؟؟؟
احنا زنينا واعترضنا كتير وانتو كنتو ساكتين ما سمعت ولا شفت احد اعترض على الجدول غير بعد ما غيرولنا احنا..!!
يعني الشغلة كانها طالما غيرو لخطة ب احنا كمان يغيرولنا..
احناا اعترضنا لمن كان يومين ورا بعض واظن مافي مقارنة..!!
واحنا برضو المنهج كامل فكل المواد يعني مني فاهمه ايش الظلم فالموضوع..!!؟؟؟

[vipسحر]

الترم الأول ذاكرنا كيمياء 14 شابتر ,, في يوم ونص ,
والحين البنات يذاكرو 4
ين ضحك عليك وقلك انو ما نزاكر الا 4 شباتر كل الكتاب معانا تاني مررررررررررررره لا تحطي ادنك للاشاعات ولا تقولي حاجه الا انتي متأكده منها
... الترم الأول ذاكرو الفيزياء خمسه شباتر ...
والحين نذاكر 8
اوك في هادي صادقه بس حتى بونس ما ادونا

طيب معليش موافقين على الـ8 شباتر ,, ونقول إن حنا عندنا بونس في كل امتحان 3 درجات يعني فيه نوعاً ما من العدل

ع الاقل انتو ع قولك في كل اختبار 3 درجات اش الدلع هادا مش احنا ولا حاجه لا يقولو بونس في الكيمياء يمكن 5درجات ويمكن لا درجتين يعني مش متأكدين يعني قولي الحمدلله

[م.عبدالله]

الهــدف مــن الـسنــة التـحـضـيريـة:

تـصفـية وتـنـقـيـة الطـلاب والـطالـبات

[اسامـــه]

ابلعي العافية

[فاطِمه]

"
"

يا أخت vipسحر .. مابرجع أوضح ردي من جديد :)

ويا أخت Dina-s-b .. أي عدل إلا تتكلمي عنه ؟
ليش مايحطو جداول النهائي زي الترم الأول مثل ماحطو الدوري زيها ؟
وبعدين ... وش فيها لما اعترضنا الحين يوم غيرو جدولكم .. >> عادي مافيها شي ,, حب لأخيك ماتحب لنفسك :)
يوم شفنا المجال انفتح لكم .. قلنا يللا ,, يمكن ربي يفتحها علينا :)
/
\
عموماً أحس كلامي كثر في الموضوع ,, وأحس أكثر إنه مابيجيب فايده :)
والحمدلله على كل حال ,, ... وإن شاءالله ( كــــــــــــل خطـــــــــــه أ ... والمؤمنين ) يعدو الإمتحانات على خير :)
ســــــلام

[mtm]

بدأت حرب الخطط( خطه أ وخطه ب)، هم اول اعطوكم بونس احنا ما اعطونا بونس،هم اول اعطوكم اربعه شباتر احنا اعطونا المنهج كامل.هم اول جابولنا الاختبار صعب، انتم جابولكم الاختبار سهل. خلاص كل واحد يرضى اللي كتبه ربنا وقولوا قدر الله وما شاء فعل.

[حربيه 1412]

حبايبي وش فيكم قعدت اضحك من الي قاعد يصير

ترى احنا طالبات جامعه مو طالبات مدرسه

تعوذوا من بليس وهدوا اعصابكم ترى مافي شي يسوا


وفال بنات وشباب الخطتين الفل مارك وان شاء الله ماشوف f لاي نفره في السنه التحضيريه

[hooda]

المشاركة الأصلية كتبت بواسطة فاطِمه " " الترم الأول ذاكرنا كيمياء 14 شابتر ,, في يوم ونص ,,, والحين البنات يذاكرو 4 [color="rgb(65, 105, 225)"]المنهج كلو داخل معانا!! انا مدري من اللي مطلع هالإشاعه والمشكله انو الكل مصدقها بدون دليل ..!!!! ... الترم الأول ذاكرو الفيزياء خمسه شباتر ... والحين نذاكر 8 ذاكرنا 7 شباتر مو 5 مع انهم قالوا لنا في البدايه انو بنمتحن الفاينل بس في 4و5و6و7 وقبل امتحان الرياضيات بشوي غيروا رايهم وقالوا لنا الامتحان في المنهج كامل ..!!! بالله ماتعلموني وين الإجابيات ؟؟ طيب معليش موافقين على الـ8 شباتر ,, ونقول إن حنا عندنا بونس في كل امتحان 3 درجات يعني فيه نوعاً ما من العدل بس يأجلو لنا امتحان الفيزياء الأحد مثل ماأجلوه لـ خطه أ سابقا ً [/color]

اما عن امتحان الفيزيا
انتو لا تسكتوا روحوا واعترضوا وان شاء الله يغيروه

[D.Khaled]

المشاركة الأصلية كتبت بواسطة م.عبدالله الهــدف مــن الـسنــة التـحـضـيريـة: تـصفـية وتـنـقـيـة الطـلاب والـطالـبات

المشاركة الأصلية كتبت بواسطة mtm بدأت حرب الخطط( خطه أ وخطه ب)، هم اول اعطوكم بونس احنا ما اعطونا بونس،هم اول اعطوكم اربعه شباتر احنا اعطونا المنهج كامل.هم اول جابولنا الاختبار صعب، انتم جابولكم الاختبار سهل. خلاص كل واحد يرضى اللي كتبه ربنا وقولوا قدر الله وما شاء فعل.

الله يوفق الجميع ويسهل علينا