مسار إدارة عمليات وجودة

[! سلطـــان !]

المشاركة الأصلية كتبت بواسطة engr.mohammad السلام عليكم إيش فين حماسكم ياطلاب التعليم عن بعد انا ارسلت رسالة خاطبت بها عميد عمادة التعليم عن بعد وأنتظر رده

اخوي محمد الحماس موجود .. بس وانا اخوك مع الحماس لازم يكون في ترتيب وتنظيم

العشوائية ما تنفع بها الامور كل واحد بيرسل للعميد يقوله ابي تفتحون المسار الفلاني او القسم الفلاني

اذا رد عليك بيقولك كلمتين معسولة يسكتونك فيها ..

انا طلبت منك برسالتي الخاصه وقلت لك في معك احد يبي هالقسم وكم عددهم

والايميلات بمثل هالمواضيع ما تنفع ابد ابد ابد لازم الحضور الشخصي للعماده ويكون معك

عدد كافي من الطلاب اكثر من 15 طالب بارقامهم الجامعية واسمائهم

وقتها تتضح النوايا اذا هم فعلا هدفهم يعلمون الطالب الشي الي هو رغبان فيه ماراح يتاخرون بفتح مسار جديد واذا هم يبون يجبرونك ع مساراتهم واقسامهم مالك غير تقول الله يعين

اذا تقدر تجمعلي كم طالب من شعبتك يرغبون هذا المسار باسمائهم وارقامهم الجامعية الله يقويك

راسلهم بالايميس قبل لا يقفل وارسلهم الرابط الي حطيته بالموضوع عشان يعرفون اكثر عن هذا المسار ... المسألة يبيلها تعب شوي .

وانا من عندي بشوف الطلاب الي بقروبي واخذ رايهم والي يحب ينظم راح اسجل اسمه

ولو تكتب موضوع ثاني هنا بالمنتدى يكون مضمونه فتح هذا المسار والراغبين من الطلاب بهذا المسار يسجل اسمه ويرسله لك برساله خاصه مع ذكر الرقم الجامعي والخطة الي هو فيها يكون افظل .

واذا قدرنا نجمع عدد كافي من الطلاب وشرط يكون بأرقامهم الجامعية وعد مني انا الي بروح وانشبلهم بالعماده

ويعطيك العافية