سؤال لطلاب الدفعة 10

[! سلطـــان !]

السلام عليكم ورحمة الله وبركاته

يعطيك العافية ابو لمى ع اثارة الموضوع

قبل كل شي كل نظام له ايجابياته وسلبياته وكل نظام مناسب اكثر لفئة معينه

وكل طالب يميل لنظام اكثر عن الثاني

ولكن الاكيد ان ارضاء جميع الناس غايه لا تدرك

الالية بالترم الاول بالنسبه لي ماكانت متعبه وكنت مقتنع فيها برغم ان اوقات كثيره يجيني نوع من الملل والخمول

ممكن لاني انقطعت عن الدراسه فتره وهذا الشي اثر من هالناحية بس ماكان يسببلي اي ازعاج

وعلى العكس بعض الموضفين يمكن الالية القديمه كانت تسبب لهم ضغوط خاصه لو كان رب اسرة

ما اقول الكل ولكن البعض واعتقد ان نسبتهم اكثر

بالترم الاول كان مطلوب المشاركة والتفاعل بجميع ادوات النظامين سواء سنترا او ايميس وحتى الحضور

ولكن ماكان الاساتذه يفعلونها بنفس الصوره الحاليه بالاليه الجديده

واعتقد ان الاساتذه جاتهم تعليمات صارمه من هذي الناحية ومن ناحية الغياب بعد يعني الالية الجديده مالها علاقة من هذي الناحية حتى لو ابقوا ع الالية القديمه راح يفعلون الادوات الي اهملوها بالترم الاول

يعني تخيل يحسبون لك 25 % ايام غياب بالالية القديمة وبعدها طي قيد ؟؟ وتخيل تشارك بالمنتديات الفتره هذي كلها وتقعد مسنتر بالايميس تتصفح الماده وترسل ايميلات وتطلع ع الاسئله الشائعه صراحه في هذي الحاله بالنسبه لي بتكون متعبه ...

الالية الجديده اراحت بالدرجة الاولى الموظفين والي عندهم التزامات وبخصوص ضغط المنهج وشرحه بأسبوعين

صدقني هذا غير ممكن حتى لو كان نظامهم يتطلب هذا الشي على سبيل المثال مهارات التفكير انهينا المنهج قبل الاختبارات بأسبوع والاسبوع الاخير كان للمراجعه ... الاحصاء انهينا المنهج قبل الاختبارات بثلاث اسابيع وبعدها مراجعه والاستفسارات ... اللغة الانجليزية قبل الاختبارات بأسبوع والاسبوع الاخير مراجعه

يعني بهذي المواد خذينا راحتنا بالشرح وايصال المعلومه ... مهارت الاتصال هي الماده الوحيده الي انهيناها بأسبوعين يمكن لانها ماكانت تطلب شرح اغلبها كلام انشائي

انا اتكلم بما يخص شعبتنا بس اذا في شعب ثانيه انهوا المناهج باسبوعين معك حق ضغط وهنا يكون في تقديم للكم ع الكيف وتضيع الفائده ويقل الاستيعاب ...

الالية الجديده عند تطبيقها اقتنعت فيها اكثر من الالية القديمه من ناحية التخفيف من ضغط المحاظرات بشكل عام يعني التعب بأول اسبوعين فقط ... وباقي الادوات الي الزمونا فيها هذا الترم من مشاركة بمنتديات وغيره

ما اشوف فيها تعب بأي وقت تقدر تدخل وتشارك

مسألة يوم الخميس كان في اعتراض من الطلاب بشعبتنا ولحسن الحظ كان محاظرتنا بيوم الخميس احصاء وكان الدكتور متفاهم يعطينا نص ساعه من وقت المحاظره ويقول الله معكم حتى الدكتور يبي يرتاح بيوم الخميس :)
ولا تنسى ان يوم الخميس بأول اسبوعين فقط ....

( خلاصة ردي )

كل نظام له ايجابياته وسلبياته بس خلنا نجي ونشوف هل الاكثر السلبيات ام الايجابيات وبناء عليها يكون اقتناع الطالب

واتمنى للجميع التوفيق