أوضاع المقبولين في الماجستير والدبلوم،هل نهنئكم بالقبول أم نواسيكم على مشاكلكم؟

[Brainiac]

هلا بك أخوي عماد......بصراحة طاح قلبي لما قريت العنوان... بس اشوى طلعت السالفة بسيطة بأذن الله.

بصراحة نص المشاكل حنا اللي جبناها لنفسنا... يعني جلسنا اسابيع وحنا مسوين قلق بمواعيد القبول.

أول ما طلعت النتائج ، اغلب اللي ما انقبلوا بدوا يفتحون مواضيع كلها تشكيك بالنتائج...... واغلب اللي انقبلوا بدوا يفتحون مواضيع يسألون عن اشياء تتعلق بالمطابقة... وبعضهم يسألون اسئلة غريبة (مع احترامي الشديد) .

أنا اقترح التالي:
1- تخصيص موظف في عمادة الدراسات العليا للرد على الاستفسارات وتنسيقها ، يعني يكون زي "مدير علاقة" بين الطلاب والجامعة..... الموظف هذا ياخذ الاستفسارات ويرسلها للشخص المعني في كل كلية ... واول ما يحصل على الاجابة ، يحولها للطالب..... خصوصا أن اغلب المقبولين يكونون على رأس العمل.... يعني صعبة الواحد يطلع من الدوام يروح الجامعة يسأل سؤال ويرجع!.... طبعاً غير اللي برا جدة أساساً (زي حالاتي).

2- أن يتم تحديث "الاسئلة الاكثر شيوعاً" بشكل دوري... يعني بصراحة مش معقولة اني احط قسم اسميه " الاسئله الاكثر شيوعاً"... وبالاخير يطلعون اسئلة تنعد على الاصابع.... لا واجابات قصيرة ومبهمة أحياناً.

3- ليه ما تحط العمادة مثلاً خدمة ال Live Chat ... وهذي موجودة بكثير من مواقع الفنادق ومقدمين الخدمات... وطبعاً لتقنين استخدام هذه الخدمة ، تكون عن طريق ادخال الرقم الجامعي للطالب ... وبعدها ممكن يعمل " تشات" مع احد موظفي العمادة.. وتكون اجابة عن استفسار معين.


فيه مشاكل او حالات معينة ، أنا اعتب فيها على الطالب مش على الجامعة... مثل لما يقدم على قسم وهو مش مقتنع فيه.... لاني اعتقد ان الواحد لما يخلص البكالوريوس ويفكر بجدية للتقدم بالماجستير ، يكون وصل لمرحلة من النضوج الفكري ويكون راسم لنفسه طريق معين سواء في الحياة العلمية او العملية... وخصوصا ان فيه الماجستير الخاص "تحديداً" ، شروط القبول لجميع التخصصات متطابقة ، ما عدا تخصص البكالوريوس وشرط اللغة (في الترجمة المهنية).


أتمنى ان كلامي ما يزعل أحد... ولكنها بالنهاية وجهة نظر... وممكن أطلع انا غلطان وتكونوا انتوا شايفين شي انا مش شايفه.

بالتوفيق للجميع... وان شاء الله لو لي اقتراحات زيادة ، ما راح اتردد..... انت اخونا كلنا يا استاذ عماد ونمون عليك :)