موعدي بكره أبغى مساعده

[Alaa Al ghamdi]

قصدك موعدك للقبول تقدم اوراقك؟

اذا كذا

المسار الاداري الانساني

تدرس مواد مقسمة على خطتين
يعني ترمين

مواد خطه أ

ثقافه اسلاميه <<سهل بس كثير يبغالك تشد حيلك
رياضيات<<سهل بس الاساسيات وحيكون اسهل لو عندك خلفية عن الماده
حاسب<<برضو سهل بس اختباراتو غريبة شوية يعني لازم تركز
عربي <<تقريبا الاساسيات حقت العربي حيكون سهل لو انت تمام في النحو

انجلش<<نظام جديد لكم السنه هذي غير عننا لو انت تمام في الانجلش تمشي ولو مو تمام شد حيلك وركز مزبوط وحاول تتعلم كلمات خارج المنهج


خطه ب

مهارات تفكير<<لو كنت شرعي في الثانوي حتلاقي انو يشبه المكتبه شوية يعني دسمه الماده يبغالها شدة حيل

مهارات اتصال<<ممتعه لكن كثيرة بس اختباراتها غالبا تجي سهله

احصاء<<نفس الرياضيات الاساسيات بس يبغالو شدة حيل اكثر

انجلش نفس الكلام اللي قلتو فوق,,


بالنسبة للتخصصات اذا خلصت التحضيري

حيكون عندك للطلاب :


( الاداب والعلوم الإنسانية بجميع اقسامها ) - (كلية الاقتصاد والإدارة المسموح منها: إدارة عامة – انظمه – سياسة)..



بالنسبة للمقابلة الشخصيه مافي مقابلة
بس مجرد تسلم الاوراق اللي طالبينها منك وتستلم بطاقتك..

ان شاء الله يكون كل شي مفصل وواضح

وحياك بيننا,,