●●◦【« طآلبات وطلآب طب الأسنآن 2010 ,, مركز التجمع هنآ »】

[(@_@)]

مرحبااااا


انا طالبه سنه تحضيريه

وان شاء الله اجيب المعدل المطلوب عشان ادخل طب الاسنان

بس حبيت تفيدوني شوي

بصرااحه كثير خوفوني من الطب خصوصا للبنات

واحنا بمجتمع ما يساااعد مره

تعبت من التفكير ...... حتى لو جيت ادرس ماراح يكون لي داافع لما اسمع هالكلام

ابغى اعرف هل بطب الاسنان في مناوبات بالليل ؟؟؟

هل صحيح ان طالبات الطب تعبانين بحياتهم بالدراسه وبعد الدراسه ؟؟؟؟؟

كم عدد ساعات العمل بعد التخرج تقريبا ؟
انا ادري ان الكل بيفتخر ببناتهم اذا دخلو طب .... بس هي راح تحس برااحه ولا على طول دوام بدوام

و مافي وقت لحياتها واهلها ...... بالسنوات اللي فاتت كنت اذاكر بقلب وابغى النسبه عشان اوصل للطب ... بس لما بدات اقرا وسويت بحث لقيت الكل ضدهم .... وبصراحه اهلي بيغربوني عشان ذا
الشي .... وفكرت مرات كثيره اسحب ملفي وارجع عند اهلي ... بس وقتها راح اخذلهم ....
واذا عالدراسه انا ماعندي اي مشكله فيها اتعب واذاكر بس ما ابغى اتعب برضو بعد هذا كلو


وهل صحيح انو في قسم لطب اسنان الاطفال ؟؟؟


ادري اني طولتها خخخ بس اعذروني عاايشه بدوامه بين مويدين ومعااارضين

[Dr~NanoOok]

إذا موجود بداخلك حب التخصص والرغبة والطموح
فباذن الله مافي شي يقدر يمنعك من تحقيقه

وأكيد بكل مكان وبكل شي في صعوبات وتحديات
وأعتقد هي الملح على قولتهم والشي اللي يعطي حياتنا الطعم والرغبة في اكمالها وتحقيقها

ومافي تخصص ما بيلاقي صعوبات و أفكار و تصديات من المجتمع

والحمدلله الآن فكرة الطب بالنسبة للبنات صارت مره أحسن
والناس صروا يتقبلوها بشكل أفضل بكتير من زمان
والدليل نسبة الطالبات الملتحقات بكل التخصصات الطبية.. وفتح كليات أهلية لاستيعاب العدد الكبير
غير حاجة البلد للطبيبات بكل التخصصات

ابغى اعرف هل بطب الاسنان في مناوبات بالليل ؟؟؟

الحلو في طب الأسنان أنه مافي مناوبات بالليل
وقت محدد للشغل في عيادتك .. بالكثير 6-8 ساعات فقط

هل صحيح ان طالبات الطب تعبانين بحياتهم بالدراسه وبعد الدراسه ؟؟؟؟؟

من المعروف أن دراسة الطب من أصعب الدراسات
لكمية المناهج فيها .. ولشمولها على العديد من العلوم
وخاصة بطب الأسنان.. بندرس كيميا وفيزيا وأحياء وحتى هندسة
وكله بيترابط مع بعضه و بنستخدمه في عملنا ودراستنا

ولأنه مجال عملي ومرتبط بجسم الانسان ويمتاز بالدقة
عشان كده عمله يحتاج جهد وتركيز مستمر

والأهم أن كل شخص يُجازى بقدر عمله.. وبقدر تعبك وجهدك واخصلاك بعملك
لك الدرجات و الأجر الأعلى من الله باذن الله
المهم هو النية ^_^

كم عدد ساعات العمل بعد التخرج تقريبا ؟

زي ما ذكرت أول..
بحدود 6-8 ساعات تقريبا

<< الطب البشري ممكن يوصل إلى 24-30 ساعة متواصلة بالمستشفى !

وهل صحيح انو في قسم لطب اسنان الاطفال ؟؟؟

نعم.. في تخصص كامل لطب الأسنان تقدري تتخصصي فيه بعد التخرج من البكالوريوس

,’

بالتوفيق لك عزيزتي..
واستخيري وان شاء الله حيختارلك الخير