مسااااااااااااااااااااااااااااااااااااااعده

[soso139]

شوفي يا قلبي الاقتصاد أنا ألحين مستوى خامس و ماشفت شيء عن الأسهم أو شيء زي كذا
لكن إذا إنتي كنتي علمي و سواء دخلتي إقتصاد أو إدارة أعمال في مواد تتعلق بالرياضيات لازم تاخذها فيهم الإثنين
زي تحليل كمي و محاسبة 1 و محاسبة 2 و مواد غيرها و تقدري تشوفيها فموقع الجامعة فالخطط الدراسية إقرئي أسامي المواد و لو جاتك إشكالية فمادة معينة فهذا المنتدى حتلاقي ملخصات لها علاقة بنفس المواد تقدري تتطلعي عليها و تاخذي عنها فكرة
و على فكرة أنا كنت إدارة أعمال و حولت اقتصاد لأني شفت إدارة أعمال أغلبه مواد نظرية و أساسا إنتي حتاخذي مادة أساسيات إدار ة الأعمال تتكلم عن التنظيم و التخطيط و الرقابة و الجودة و لو انك حبيتي اللمادة دي لمن تتخصصي فالإدارةحتاخذي مواد مستقلة تتكلم عن دي المواد
و نفس الحكاية بالنسبة للاقتصاد حتاخي مادة إسمها اقتصاد جزئي حتتكلم عن العرض و الطلب و المشكلات الاقتصادية و حاجات من وجهة نظري رائعة فلو عجبتك المادة اتخصصصي اقتصاد
و إذا بالنسبة للوظيفة مرررررررررررة لا تستعجلي فالتفكير فيها كثير لأن محد ماسك قدره فيده و ألا كان كلنا كتبنا الخير لنفسنا و للناس أجمعين
بس برضوا بأرجع أقولك إن الدكتورة سناء هلال ماسكة أغلب مواد التأمين حتى البحث و التدريب حق التأمين
لمن سألأتها عن القسم قالت (الجامعة مافتحته و درسته إلا لأن سوق العمل محتاج كوادر متخصصة فالمجال هذا)
و بعدين إنتي لو عندك فكرة عن شركات التأمين حتلاقي إن إلي يشتغلوا فيها تخصصات من مجالات كثير تلاقي خريجات كيمياء و رياضيات و إدارة أعمال نادر مرة تلاقي متخصصات فالاقتصادلكن هم الوحيدين إلي يبدعوا فمجالهم لأنه هو موضوع دراستهم و أنا أعرف وحدة تشتغل فشركة تأمين وظيفة صيفية تقول إن الشركة محتاجة متخصصااااااات
و حطي فبالك إن اهتمام المملكة للتأمين ألحين يختلف عن قبل كم سنة ألحين شوفي بس عدد الشركات إلي تنزل للاكتتاب
افتحي موقع تداول و شوفي عدد الشركات فتزايد رهيب ماشاء الله قوليلي هذي الشركات مو تحتاج موظفين و خريجين
و على فكرة حتى الأولاد نفس الحكاية مسويين زحمة على التأمين قريت كذا موضوع يسألوا و يستفسروا عنه
و فالأخير لا تاخذي بكلامي لأنه كله كان انحيازي للتأمين و بس لكن الأهم من كلللللللل هذا الكلام الاستشارة ثم الإستخارة
و أتمنى لكي و لكل زميلاتي الطالبات فالكلية و الجامعة كلها بالتوفيق و السداد