صوتكم للمسؤول.. نقاش مشكلات الطالبات بالقسم ((المرحلة الأولى))

[candy eme]

اول شي الله يوفقكم ويسعدكم على مجهودكم الرائع وعلى افكاركم وان شاءلله يارب توصلو وتحققو كل شي كنا احنا نتمناه وانتو تتمنوه تاني مشكلة انا حبيت اكتبها هنا في العلن لانو هادي مشكلة قسم الانظمة في شطر الطالبات ككل ومدام انتو ان شاءالله باذن الله حتسعو واحنا ان شااءلله معاكم وقد سعينا قبلكم ولازم نساند بعض فالمشكلة هيا التدريب نريد تدريب لتخصص الانظمة للطالبات لازم نتدرب عشان الحياة العملية غير الدراسة وهادي اكبر مشكلة بالنسبة لنا واتوقع كل الطالبات يؤيدوني في دا الشي انا حتخرج ولين دحين مافتحو تدريب فاتنمى اني ادرس مادة الحبث والتدريب وانا بدرب وبس واي حاجة او اي خدمة او اي طلبات و اي استفسار كاندي ايمي في الخدمة والاغلب يعرف طريقي وشكرا لكم والله يوفق الجميع

[محامية وبس]

السلام عليكم
اشكر لكم تعاونكم واهتمامكم بما نتعرض له من صعوبة في اللوصول فدارة القسم
...
اتمنى لو رئيس القسم يلاحظ انو في بعض الدكاترة والدكتورات منحهم للعلامات بكون على اساس من التنقيص ((يعني اذا العلامة من 100 فيبدأ التصحيح من 80))وهاد حرام ومايجوز..
طبعا الحلو انو الناس تحسب دا اسلوب دكتور واحد ولا تنين والصراحة انو هو غلب الدكاتره والدكتورات واحنا ولا دارين نحسب الماده الصعبة..
......
يعني الطلب في دي المشكلة ياريت يكون معيار التصحيح على المعيار الصحيح دون محاولات لجعل العلامات في المتوسط او المتوسط المرتفع...خلي كل واحد وحقه..
...المشكلة التانية..
الدكتورات والدكاترة اعضاء هيئة تدريس في قسم واحد ...والطلاب والطالبات بيدرسوا نفس المواد ..برأي الشخصي اذا كانت المادة نفسها تدرس من قبل الدكاترة فالدكتورات لابد من ان تترك حريات اختيار المدرس للطلبة...وليس حصرهم وتحديدهم (((في مواد ماينفع اخدها الا مع دكتورات وهاد شيء مو مناسب انا افضل اخدها مع دكاتهرة لكن غير متاح)....قسمنا واحد موادنا وحده لابد يكونوا مدرسينا للجميع..

,,,,,,وجزاكم الله خيرا

[sosoana121]

المشاركة الأصلية كتبت بواسطة محامية وبس اتمنى لو رئيس القسم يلاحظ انو في بعض الدكاترة والدكتورات منحهم للعلامات بكون على اساس من التنقيص ((يعني اذا العلامة من 100 فيبدأ التصحيح من 80))وهاد حرام ومايجوز.. طبعا الحلو انو الناس تحسب دا اسلوب دكتور واحد ولا تنين والصراحة انو هو غلب الدكاتره والدكتورات واحنا ولا دارين نحسب الماده الصعبة.. عزيزتي محامية وبس اذا في اسم معين او تجربة شخصية مع احد اعضاء هيئة التدريس او عضواته تقدري ترسلي لي على الخاص ...... يعني الطلب في دي المشكلة ياريت يكون معيار التصحيح على المعيار الصحيح دون محاولات لجعل العلامات في المتوسط او المتوسط المرتفع...خلي كل واحد وحقه.. ...المشكلة التانية.. الدكتورات والدكاترة اعضاء هيئة تدريس في قسم واحد ...والطلاب والطالبات بيدرسوا نفس المواد ..برأي الشخصي اذا كانت المادة نفسها تدرس من قبل الدكاترة فالدكتورات لابد من ان تترك حريات اختيار المدرس للطلبة...وليس حصرهم وتحديدهم (((في مواد ماينفع اخدها الا مع دكتورات وهاد شيء مو مناسب انا افضل اخدها مع دكاتهرة لكن غير متاح)....قسمنا واحد موادنا وحده لابد يكونوا مدرسينا للجميع.. لكن هذا حال كل اقسام الجامعه فقط المواد الي مافي دكتورات يدرسونها بيفتحوا شعب للمادة عن طريق الشبكات لكن انا معاك في هذا الشيء لمن تكون المادة محتكرة لدكتورة واحده اكثر من سنتين و يكون تخصصها قانون عام وتلقيها بتدرس فروع القانون الثانية على الرغم من تواجد اعضاء نخبة في تدريس هالفروع ولأنها مجال دراستهم وتخصصهم ,,,,,,وجزاكم الله خيرا

ويجزاك ربي خير ع مشاركتك

[sosoana121]

المشاركة الأصلية كتبت بواسطة candy eme فالمشكلة هيا التدريب نريد تدريب لتخصص الانظمة للطالبات لازم نتدرب عشان الحياة العملية غير الدراسة وهادي اكبر مشكلة بالنسبة لنا واتوقع كل الطالبات يؤيدوني في دا الشي انا حتخرج ولين دحين مافتحو تدريب فاتنمى اني ادرس مادة الحبث والتدريب وانا بدرب وبس واي حاجة او اي خدمة او اي طلبات و اي استفسار كاندي ايمي في الخدمة والاغلب يعرف طريقي وشكرا لكم والله يوفق الجميع

كاندي على ما أذكر ايام القروب
كانت ابتسامة جرح أو law girl
مشاركة بالقروب واذكر انها قالت
انها تدربت في الصيف
بس ما اعرف اذا هو تدريب يحسب لها كمادة بحث وتدريب
وتحت اشراف دكتور او دكتورة
او هي تدربت عشان تنمي مهاراتها وما كان له دخل بالدراسة
اتمنى انها تشوف الموضوع عشان توضح الصورة
وع العموم رح تُضمَّن هذي النقطه بحول الله