اوباما لن يطلق سراح حميدان التركي !!

[حنين الود]

أوكي هوآ قال الكلام دآ ..بس هل هوآ في يدو القرآر؟؟
يعني موضوعك أوباما لن يطلق سراح حميدان التركي بالمره مو في مكآنه دآ رأئي ..أتمنى تتقبله ..مادري إيش هدفك تحبط الناس أو إنو تآخد رأي الأمريكي من أصل عربي على إنو قرار اوباما او إنو قرار يأثر بأوباما ..رأيه لايقدم ولآ يأخر والدليل ماقدروآ يمنعوآ اوباما من بنآء مسجد في منطقه 9/11 لكن إحنا نقدر نأثر لأنو إحنا دوله تآنيه ولنا إقتصادنا وإحنا شعبيه كبيره ..وغير كدآ قضيتنآ وآضحه وأهم هدف لنآ نوضح حيثيات القضيه ..مآعندنآ مانع يجيبوآ الأدله ويدينوه ويحطوه في السجن طول العمر لو كان أثبتوآ الشي دآ عليه ..ليه على الأقل ماجابوآ ادله حتى لو بالكدب ؟؟؟؟ مو لدرجه القاضي يحكم بدون دليل ..والكلام دآ من عندهم ومن برنامج أمريكي ولو تبغى تشوفه تلقاه في توقيعي الرآبط التآني وشوف كلامهم ..
أنا ماعرف الناس المحبطين الي بيتكلموآ الكلام دآ إيش هدفهم..في نآس كتير أستغلوآ الموضوع عشان ينشهروآ ..وبعضهم مشهورين أسآسآ بس لازم يدخلوآ نفسهم في أي موضوع يخص المجتمع ولازم يكونوآ عكس التيار من السعوديين كمآن بس مابغى اذكرهم لأنهم مايستاهلوا ذكرهم ..لأنهم أحقر من كدآ..

وبرضو باليوتيوب في واحد مغمور عامل ريسبونز للفديو تبع الحميدان عشان عارف الزوار حيكونوآ كتير ..على إنو إنسان تآفه والدليل قناته في اليوتيوب ..كل واحد واحد وأهدافه الي تافهه والي منحطه والي يبى يعرض آرآئة وافكاره بتعصب ..والي يبى يكتب مقاله والسلام ..هيآ كدآ الدنيآ ..

[خالد الفقيه]

شكرا اختي على ردك وأسأل الله تعالى ان يفرجها علينا وعليه في العاجل القريب ,, واشكر لك حماسك واللى يدل على وطنيتك وغيرتك على ابناء البلد

المشاركة الأصلية كتبت بواسطة حنين الود ..مادري إيش هدفك تحبط الناس أو إنو تآخد رأي الأمريكي من أصل عربي على إنو قرار اوباما او إنو قرار يأثر بأوباما ..

انا صراحأ زعلت من دي الجمله اختي حنين و لو رجعتي قريتي الكلام اللى انا كاتبه كويس راح تلقي الاجابه ,,

وانا اقصد ان الفلم فيه فعلا امور كانت خطأ غير مقصود على الاقل من وجهة نظري وكان من الممكن تكون بشكل افضل اذا شارك متخصصين في القانون وهذا اهم شي عندي ,,


إنو تآخد رأي الأمريكي من أصل عربي على إنو قرار اوباما او إنو قرار يأثر بأوباما ..رأيه لايقدم ولآ يأخر والدليل ماقدروآ يمنعوآ اوباما من بنآء مسجد في منطقه 9/11

اختى المشكله انو اوباما ما له دخل ولا يقدر يسوي شي والموضوع غير كدا تماما ,, وبناء المسجد ليس رغبة اوباما وانما الدستور الامريكي لا يمنع بناءه ,,

على العموم بلاش اطاله ونقاش لان الموضوع حساس واحنا في النهايه هدفنا واحد ,, أسأل الله تعالى ان يعجل خروجه او حتى اذا كان مذنبا يحاكم داخل السعوديه ,, وأسأل الله ان يصبر اهله فما شاهدوه أمام اعينهم كان صعبا جدا ,,