طالبات ثانيه علوم طبيه (هنا تجمعكم) ... ,

[Omshguab]

السلام عليكم ورحمة الله وبركاته

الاجازة في عدها التنازلي والدوام قرب
وانا كل يوم اشيك على موضوع يساعدنا احنا المستجدات في الكلية لكن لا جديد ...

كنت حابة بنات الدفع اللي قبلنا يعملوا لينا كموضوع ارشادي بس ربنا ماكتب ..
وقلت انا ابدا ليه لأ ..

اتمنى كل وحده من البنات المستجدات يحطوا هنا اي سؤال محيرهم وانا كمان معاكم وان شاء الله بنات الدفع اللي قبلنا يزوروا موضوعنا ويساعدونا

انا راح ابدا باسئلتي :

* اول يوم دوام راح يكون 16-10 حيكون هوا اليوم الارشادي ولالا ؟واذا هوا اليوم الارشادي نداوم من الساعه كم ؟

*التخصص نقدر نعطيهم هوا قبل 17-10 يعني في نفس اليوم الارشادي ولا ماينفع؟

*انا سمعت انو في يوم تحديد التخصص في الليل تنزل الجداول يعني نداوم على طول من الاثنين ولا زينا زي باقي الكليات الاسبوع الللي بعدو ؟

*اول اسبوع نداوم عادي ببناطيل وتيشيرتات وفوقها العبايه ولا لازم اللاب كوت من اول اسبوع؟

*اول يوم دوام نروح كلية الطب للبنات اية مبنى ؟ ودوامنا احنا حيكون في الكلية الطبيه بس ولا نروح جامعتنا القديمة ؟

*اخر سوال , كيف التشديد عالجوالاات ؟


وشكرا للمساعده مقدما

ويالله يابنات العلوم الطبيه اسالوا كل اللي في بالكم وان شاء الله نتقابل اول يوم

[soso1111]

الله يسعدك نفس الاسئله الي بسالها بس بزيد سؤال في احد قدم الطلبات قبل يوم 17

[soso1111]

اوووبس انت سالتي سؤالي سوري ما انتبهت

[Omshguab]

ههههههههه لا حبيبتي عادي والله من التوتر سرنا نسأل نفس السؤال بكذا صيغه ماعلينا بس اهم شي نلقى احد يحن علينا ويجاوبنا ....

,, بس كنت بسالك ايش اخترتي تخصص ؟؟.

لاني انا ان شاء الله ناوية علاج طبيعي بس بشوف فيه احد معايا ؟؟

[katkoooooota]

up


مي توو نفس الاسئله

[نوف18]

الله يسعدك وااخيرا احد تحرك
تقربيا نفس اسئليتي اللي محيرتيني ..
واذا في سؤال في بالي ع طول باجي هنآ .. بس ان شاء يردوآ ..؟؟
وانا ان شاء الله ناويه علاج طبيعي .. الله يكتب اللي فيه الخ ــير يآرب ..
الله يوفق الجــــ مــيع يآرب ..
دومتـم ..

[Amal.S.A]

المشاركة الأصلية كتبت بواسطة omshguab * اول يوم دوام راح يكون 16-10 حيكون هوا اليوم الارشادي ولالا ؟واذا هوا اليوم الارشادي نداوم من الساعه كم ؟ والله ماني فاكرة بالزبط الساعة كم رحنا السنة اللي فاتت .. بس أفضل شي انك تكوني في الجامعة الساعة 8 او 9حتى لو مابدأو اليوم الارشادي تكوني عرفتي المباني وتمشيتي شوية .. *التخصص نقدر نعطيهم هوا قبل 17-10 يعني في نفس اليوم الارشادي ولا ماينفع؟ اذا انك طابعة الورقة ومجهزتها .. أعطيهم مافي مشاكل وماتفرق يعني .. أهم شي انتِ لاتكتبي الرغبات الا بعد اليوم الارشادي حتى تتأكدي تماما من التخصص اللي اخترتيه.. *انا سمعت انو في يوم تحديد التخصص في الليل تنزل الجداول يعني نداوم على طول من الاثنين ولا زينا زي باقي الكليات الاسبوع الللي بعدو ؟ المسؤولات في الشؤون حيدوكم خبر متى حتبدأ الدراسة .. احنا أظن قالوا لنا يوم الاثنين اذا ماخاب ظني يعني في أول اسبوع .. *اول اسبوع نداوم عادي ببناطيل وتيشيرتات وفوقها العبايه ولا لازم اللاب كوت من اول اسبوع؟ ياستي داومي باللي نفسك فيه محد يدقق.. أنا الين آخر السنة وأنا تجيني أيام أداوم بالعباية .. *اول يوم دوام نروح كلية الطب للبنات اية مبنى ؟ ودوامنا احنا حيكون في الكلية الطبيه بس ولا نروح جامعتنا القديمة ؟ مبنى 12 ،، تدخلي له من بوابة غربية حقت مباني الطب أسهل .. والدوام في الكلية الطبية أبدا ماتروحي الجامعة القديمة .. *اخر سوال , كيف التشديد عالجوالاات ؟ خـــــذي راحتك ..صح حيقولوا في اليوم الارشادي الجوالات ممنوعة ومدري ايش >هم بيقولوا كذا بس كمعلومة .. مررة محد يشوف ايش الجوال اللي معاكي وحتى لو شافوه بكاميرا محد يمسكه .. أصلا الكل عارف انو معانا جوالات كاميرا .. وشكرا للمساعده مقدما ويالله يابنات العلوم الطبيه اسالوا كل اللي في بالكم وان شاء الله نتقابل اول يوم

العفووو
وأي استفساراات احنا موجودين ..^_^

[є7ѕαѕ σηtћά]

الله يسعدك Omshguab

تقريبا نفس الاسئلة

* اول يوم دوام راح يكون 16-10 حيكون هوا اليوم الارشادي ولالا ؟واذا هوا اليوم الارشادي نداوم من الساعه كم ؟ والله ماني فاكرة بالزبط الساعة كم رحنا السنة اللي فاتت .. بس أفضل شي انك تكوني في الجامعة الساعة 8 او 9حتى لو مابدأو اليوم الارشادي تكوني عرفتي المباني وتمشيتي شوية .. *التخصص نقدر نعطيهم هوا قبل 17-10 يعني في نفس اليوم الارشادي ولا ماينفع؟ اذا انك طابعة الورقة ومجهزتها .. أعطيهم مافي مشاكل وماتفرق يعني .. أهم شي انتِ لاتكتبي الرغبات الا بعد اليوم الارشادي حتى تتأكدي تماما من التخصص اللي اخترتيه.. *انا سمعت انو في يوم تحديد التخصص في الليل تنزل الجداول يعني نداوم على طول من الاثنين ولا زينا زي باقي الكليات الاسبوع الللي بعدو ؟ المسؤولات في الشؤون حيدوكم خبر متى حتبدأ الدراسة .. احنا أظن قالوا لنا يوم الاثنين اذا ماخاب ظني يعني في أول اسبوع .. *اول اسبوع نداوم عادي ببناطيل وتيشيرتات وفوقها العبايه ولا لازم اللاب كوت من اول اسبوع؟ ياستي داومي باللي نفسك فيه محد يدقق.. أنا الين آخر السنة وأنا تجيني أيام أداوم بالعباية .. *اول يوم دوام نروح كلية الطب للبنات اية مبنى ؟ ودوامنا احنا حيكون في الكلية الطبيه بس ولا نروح جامعتنا القديمة ؟ مبنى 12 ،، تدخلي له من بوابة غربية حقت مباني الطب أسهل .. والدوام في الكلية الطبية أبدا ماتروحي الجامعة القديمة .. *اخر سوال , كيف التشديد عالجوالاات ؟ خـــــذي راحتك ..صح حيقولوا في اليوم الارشادي الجوالات ممنوعة ومدري ايش >هم بيقولوا كذا بس كمعلومة .. مررة محد يشوف ايش الجوال اللي معاكي وحتى لو شافوه بكاميرا محد يمسكه .. أصلا الكل عارف انو معانا جوالات كاميرا ..

Amal.S.A مشكووووووووره ياعسل

اذا في اي سؤال راح اجي هووون

بالتوفيق ..

[Omshguab]

الله يسعدكم كلكم ماسويت الا اللي عليا عشان نستفيد...

امل مررا شكرا عالتوضيح انتي الوحيدة اللي عبرتينا وريحتينا وان شاء الله في موازيين حسناتك يارب ...

بنات لا تنسوا اللي في بالكم على طوول اسألوه هنا ولا يردكم الا كيبوردكم.

[Mecooo]

ياااااي كويس ريحتيني وربي من اللفه والدوره اللي كنت راح اعملها
مشكوووووره يا عسل والله يسعدك

المهم عندي سؤال انا كمان
انا ابا علاج طبيعي برضو و باسأل من متى لمتى الدوام الجدول يعني اكيد راح نبدا محاضرات الساعه 8 بس متى تقريبا راح نخلص
وبس
ومعليش كانو السؤال لفتو طويله بس ما عرفت اصيغو بشكل افضل ههههه
وشكرا مقدما