الاعتذار بعد التحضيري!!!!!!!!

[mo0oka]

السلام عليكم ورحمة الله وبركاته

انا خلصت السنة التحضيرية ودي تاني سنة ليا والحمد لله اتخصصت علوم طبية تطبيقية لكن انا عندي ظروف دي السنة وابغ اعتذر

هل يمكن اني اعتذر ولا لازم اكون دارسة اقل شي سنه في التخصص؟؟

واذا كان عادي اني اعتذر بما اني انهيت فصلين دراسيين اللي هما التحضيري ايش اسوي كيف اعتذر ابغ خطوات مفصلة يعني متى وقت الاعتذار لدي السنه وفين اروح اعتذر وايش الطلبات للاعتذار

ولمن تنتهي دي السنه على خير ارجع السنه الجايه على طول هم يرجعوني وينزلولي جدول ولا لازم اراجعهم واقلهم رجعوني ؟؟



بلييييييييز ردو عليا انا مره حااايسه ومني عارفه ايش اسوي الله يجزاه خير اللي يرد عليا

[Ma7a]

شوفي الصفحة دي تفييدك,,,
http://admission.kau.edu.sa/content....ng=AR&cid=2036

في اعتذار وفي تأجيل ,, بس دحين مابقيلك الا الاعتذار لانو التأجيل لازم من الترم اللي قبل دا اللي تبي تأجليه ,,

في فرق واحد اعرفو بينهم,,انو الاعتذار ينحسب من الفترة النظامية للدارسة لصرف المكافآت يعني بما انك تقنية طبية فا دراستك في الجامعة 5 سنوات وازا زدتي عن كدا ماتنصرفلك مكافآت,,فا ازا اعتذرتي حيعتبر كأنك اخدتي مكافأة عادي,,بس لو أجلتي (التأجيل) ماحتعتبري انك اخدتي مكافأة وبكدا لمن ترجعي السنة الجاية تكملي ان شاء الله حتاخدي مكافأتك من سنة تانية لاخر سنة ,,

بس تأجيل الترم الاول راح موعدو عشان زي ماقلتلك لازم يكون من الفصل اللي قبلوو,,بس يمديكي تعملي تأجيل للفصل التاني,,,

اما الاعتذار لسى مافكووه ..وكلهم الاتنين يكونو عن طريق ODUS ,,


ومن التقويم للانتظام حاطين المواعيد
http://admission.kau.edu.sa/AccessPa...ng=AR&SYS_ID=7

بس بصراحة ماادري ازا الكليات الطبية وضعهم تاني,,انا افضل انك تروحي لنفس كليتك تاخدي منهم الخطوات بالضبط,,

وبالنسبة لاخر سؤال والله مااعرف ما ابغا افتي

وبس ان شاء الله غيري يفيدووكي ,,الله يسهلها عليكي

[senorita]

اللي اعرفه انه في وقت محدد للاعتذار وقبل ما ينتهي الفصل الأول
لكن
أفضل تروحي للشئون في نفس كليتنا وتسأليهم

بيفيدونك أكثر