بخصوص استازات الانجليزي بليز ادخلو

[doll]

السلام عليكم، بالنسبة ليا أنا جربت أ.نسرين ف الريدينق و الصراحة يعني صح كلاسها ممل و بارد جدا لكنها و الحق ينقال حقانية في الدرجات و درجتي الصراحة كانت مرة أحسن من المتوقع لأن في واحد من الاختبارات خبصت فيه لكن درجتي أشوفها منصفة و أحس لو أثبتي إنك مجتهدة راح تحط هذا الشيء ف عين الاعتبار.
و Ms.ليلى هاشم جربتها للأمانة ف الفونتكس ما قد جربتها في مواد البيسك، و الصراحة من أحلى الكورسات و راح تلاقي تجربتي بالتفصيل ف موضوع تجارب البنات.
أما سحر نصيف ما قد أخدت معها ولا مادة بس حسب اللي سمعته إنها في مواد البيسك أفضل من مواد التخصص زي الفكشن.
و عموما يا قمر انتي لا تحكمي على الأستاذات بس من البنات لأن كل بنت عن بنت تختلف في طريقة المذاكرة و التفكير ووووإلخ...يعني في أستاذات اختباراتهم تعتمد ع الحفظ تماما و البنت ما تمشي إلا بالفهم في دي الساعة راح تكون تجربتها سيئة مع الأستاذة و قيسي على ذلك. و في شيء كمان إن بعض الأستاذات أسلوبهم يتغير بين سمستر و سمستر برضوا دا الشيء يخلي تجارب البنات تختلف. الزبدة لما تختاري المواد و الأستاذات استخيري و توكلي على الله و اسألي البنات اللي تحسيهم زيك في طريقة المذاكرة و غيره، الله يوفقك و يسخر لك الخير فين ما كان إن شاء الله...