الي من تردد في اختيار قسم الدراسات

[سـمـرـرـر..!]

جزاك الله خير ..

ويكيفينا الأجر طلما نحنا بندرس ديننا ونتعمق فيه ونتثقف فيه..وكل محاضره يستحيل انها تخلو من ذكر الله او الرسول .. وهدا خير من اللله.. لانو المجالس اللي يذكر فيها اسم الله مرحومون اصحابها وتنزل عليهم السكينه والرحمه وتصلي عليهم الملائكه..

والأخوان اللي دخلو القسم عشان يرفعو معدلهم وبعدينا يحولو قسم تاني.. والاخوان اللي دخلو القسم بغير رغبتهم ..

احتسبو الأجر .. وتدكرو انو اللي انتو فيه نعمه يحسدكم عليها ناس كتير .. يعني وانت جالس في الف طالب وطالبه يتمنى المكان اللي انتا فيه... وربي بعدهم عن دا القسم واختارك انتا من بين كل الناس واختصك بدا القسم.. انا اشوف اللي ربي يوفقو يدخل القسم .. هدا ربي اراد لو الخير والبركه والرحمه..

واللي مايقدرو يحسنو النيه في الدراسه .. خلاص ينسو انهم في جامعه.. تخيلو انكم في محاضره دينينه في مسجد او مجلس توعوي.. يعني اعتبرو نفسكم حاضرين مجلس ذكر..

وحتشوفو ربي كيف يوفقكم .. ويفتح عليكم..

واللي يحسن نيتو .. ربي رح يكتب له الأجر الكبير ويفتح عليه ابواب الرزق ..

وهدا القسم النفع فيه في الدنيا والأخره..

واللي يدرسو عشان الوضايف..ويقولو الدراسات مالو مستقبل.. من قال؟؟؟

بأي حق تحدد؟؟ وتقرر انو مالو مستقبل.. للتخاف الله يقسم الأرزاق.. ممكن مايكون لك وضيفه من نفس تخصصصك بس ربي يفتحلك بركه في عمل تاني .. وضيفه مالها علاقه بدراستك ولا بالشريعه .. يعني بتجاره .. او كنز تطيح عليه او ورث .. يعني التوفيق مو مرتبط بقسم دون الآخر ..

احسنو النيه وتفاااائلو .. اهم شي التفاؤل يخلي الحياة ليها طعم تاني..

مع التفاؤل نفسيتك تكون مرا كويسه رح تأثر على اداءك وتأثر على نفسيتك بشكل ايجابي .. وورح تصير سعيد.. وراح تشوف الحياة كيف تحلو .. حتى اللي حواليك يتبسطو معاك.. مادام نفسيتك حلوه معاهم.. مهما كان الشي مو عاجبك ..طل في الجانب المشرق .. لاتطل في السلبيات .. خليك ايجابي..

وعييييش حياتك زي ماهيا..

وبالتوفيق.. اشكرك اخ مجتهد.. موضوعك مرا راقي..

تحياتي..

..~