اباا مسااعدتكم في الموااد .. لو تكرمتوو ..

[wawa_wawa]

المشاركة الأصلية كتبت بواسطة غيم تايه بسيطه احذفي مادة القران ، واحذفي مادة فقه العبادات ، ونزلي مكانها الاقناع ومبادئ القانون كذا افضل اذا مصرة على التحويل ، وبعدين اذا عديتي الترم ورفعتي معدلك وقررتي البقاء يكون اخذتي مواد اجباريه في قسم الدراسات واذا حولتي يكون في صالحك ، والمادتين في عدد الساعات نفس عدد الساعات المحذوفه ، ويستحسن تضيفي مادة تكون ساعتين موفقه ...

اممم .. كتير قالو لي احزف فقه العباادات .. طيب هادي الاقناع ومبادئ القانون سهله ..؟

وكيف يعني لو حولت يكون في صالحي دي المادتتين ..؟


(( والمادتين في عدد الساعات نفس عدد الساعات المحذوفه ، ويستحسن تضيفي مادة تكون ساعتين موفقه )) << معليش برررضوو ماافهمتك ..

[wawa_wawa]

المشاركة الأصلية كتبت بواسطة غيم تايه حياك اختي الكريمة جدولك رائع ، لكن طالما بتحولين احذفي مادة العقيدة الاسلامية ، وسجلي مادة اللغة العربية 2 واذا متعقده منها اختاري مادة اخرى حره بثلاث ساعات حتى يصبح عندك 14 ساعة ، ولازم من المذاكرة ووضع الهدف امام عينيك ، اذا نصحنا مو معناتها ان المواد سهله لا والله وبدون مذاكرة واجتهاد ما راح يرتفع المعدل ، ... موفقه ودمتي بود

طب معليه .. اباا اسألك .؟
في ماده اسمها تحرير كتاابي .. كتير قالو لي اخدها لانها سهله ومنها لو حولت يعادلو لي هيا لانها في خطتي
وعربي 2 ماااقدر لو بصرااحه العربي العام نزلي المعدل الله يكافيه .. وانا ابا ارفع فخليها بعدين
وزي ايش ماده حره بتلاته ساعات .؟.؟

المشاركة الأصلية كتبت بواسطة (روز) اخوي معقولة الانتساب يعطوهم اسأله مقالية في الاختبار شكرا لك اختي لكن هل الاقناع ومبادئ القانون سهلة وعن ايش تتكلم وخصوصا الاقناع وياريت اختي توضحي كلامك والمادتين في عدد الساعات نفس عدد الساعات المحذوفه ، ويستحسن تضيفي مادة تكون ساعتين طيب كيف الكلام اللي فوق كذا انا تخربطت >>>>>والله حوسة الحذف والاضافة وخصوصا انو اول مرة نجرب

[wawa_wawa]

طب اباا اسالك كمان .. مباادئ القانون دي .. رمزها غير في الخطه حقت الدراسات عن الاقتصاد والاداره شووف ..


http://islamic-studies.kau.edu.sa/co...g=AR&cid=50279


ودي حقت الاقتصاد ..

http://economics.kau.edu.sa/content....g=AR&cid=37891

[رزان العتيبي]

أختي الثقافه لاسلاميه يقولو مرره سهله ولاسئله موحده وعندك كمان اللغه العربيه نفس الطريقه أنصحك خديها أنا أخدتها ولاستادات خدي ثقافه مع أستشهاد أسامه حريري مرررررره مدحوها (والله يوفقك ويسهلك دعواتك )

[غيم تايه]

المشاركة الأصلية كتبت بواسطة هناي.وينها؟ يسلمو غيم تايه بس انا ماابغى اللغه العربيه لانو مانجحت في اللغه العربيه1 ايش تنصحني بماده غيرها

حياك اختي هنا فيه مشكله كبيرة عليك ، لان مادة اللغة العربية 1و2 والثقافة الاسلامية من 1 إلى 4 اجبارية حتى على طلاب كلية الاقتصاد والادارة فهمتي عليه ، ولكن لا يمنع تاخذ مادة اخرى وفي الغالب اللي يحولون من قسم لقسم يتاخرون فصل او فصلين لكن لا يأس اختي لايأس اهم شئ الوصول للهدف ، انتي في مرحلة حرجة لازم ترفعين المعدل لا بديل عن ذلك ومع بعض حتى اخر السنة موفقه بإذن الله ،،،،

[wawa_wawa]

المشاركة الأصلية كتبت بواسطة رزان العتيبي أختي الثقافه لاسلاميه يقولو مرره سهله ولاسئله موحده وعندك كمان اللغه العربيه نفس الطريقه أنصحك خديها أنا أخدتها ولاستادات خدي ثقافه مع أستشهاد أسامه حريري مرررررره مدحوها (والله يوفقك ويسهلك دعواتك )

ايوا خلاص الثقاافه اباااهاا محااحزفها بس ايش في موواد تاانيه اقدر اعادلها زيها


لمن اروح اقتصاد واداره .؟. ؟

[غيم تايه]

المشاركة الأصلية كتبت بواسطة (روز) اخوي معقولة الانتساب يعطوهم اسأله مقالية في الاختبار شكرا لك اختي لكن هل الاقناع ومبادئ القانون سهلة وعن ايش تتكلم وخصوصا الاقناع وياريت اختي توضحي كلامك والمادتين في عدد الساعات نفس عدد الساعات المحذوفه ، ويستحسن تضيفي مادة تكون ساعتين طيب كيف الكلام اللي فوق كذا انا تخربطت >>>>>والله حوسة الحذف والاضافة وخصوصا انو اول مرة نجرب

حياك اختي روز ، انتي داخلتي كل المشاركات مع بعض فضيعتي وضيعتينا معك ، شوفي كلام الاخ ابو دجانه انهم يعطوا اسئلة مقالية صحيح 100 % . بالنسبة لمادة الاقناع ومبادئ القانون هذا الكلام موجه للاخت واو واو لانه حابه تغير الكلية بأي طريقة ولما قلت لها عدد الساعات نفس عدد الساعات المحذوفه اقصد ان مادة الاقناع بثلاث ساعات ومبادئ بثلاث ساعات ومادة فقة العبادات اللي قلنا تحذفها بثلاث ساعات وايضا المادة الاخرى اللي قلنا تحذفها بثلاث ساعات يعني مجرد تغيير في المواد وليس في عدد الساعات أرجوا انها وضحت لك الصورة .
بالنسبة لمادة الاقناع هي تتحدث عن كيف تؤثر الاقناع أثاره طريقة الاقناع الايجابيه في الاخرين نتائجه كيف يبدأ أنواع المؤثرون ايضا يروي قصص عن مخادعين ، ادوات المصداقية أعظم اثر في النفس سلبيات الكلام وايجابياته الحركات اللي تلاحظيها على المتحدث ان كان صادق او كاذب وكيف تفوز بعقول الناس ومؤشراته ودرجاته باختصار مادة جميلة ورائعه والكل يجمع على ان الدكتور انمار مطاورع رائع .
وركزي معي قلنا للاخت واو تحذف مادتين هي القران الكريم وفقه العبادات وتحط مكانها الاقناع والقانون .
وقلنا للاخت هنادي تحذف العقيدة الاسلامية وتحط مكانه اللغة العربية 2 لكن طلعت اصلا ما عدت العربي 1 .
لا تداخلي المشاركات مع بعض حتى لا تتلخبطي .
ارجوا اني وضحت لك الصورة وتري لا حوسه ولا شئ مع بعض حتى اخر المشوار موفقه اختي ان شاء الله .تحياتي """

[غيم تايه]

المشاركة الأصلية كتبت بواسطة wawa_wawa اممم .. كتير قالو لي احزف فقه العباادات .. طيب هادي الاقناع ومبادئ القانون سهله ..؟ وكيف يعني لو حولت يكون في صالحي دي المادتتين ..؟ (( والمادتين في عدد الساعات نفس عدد الساعات المحذوفه ، ويستحسن تضيفي مادة تكون ساعتين موفقه )) << معليش برررضوو ماافهمتك ..

حلو طالما فيه كثير نصحوك بحذف فقه العبادات ، يعني راي موافق لعدة ارآء يبقى مادة الاقناع شرحت الاخت روز عنها واذا تحبي ازيد ازيد ان شاء الله ،
كلامي اللي ما فهمتيه افسره لك احنا اتفقنا نحذف مادتين القران الكريم وفقه العبادات كل وحده بثلاث ساعات ، ونضيف مادتيين هي القانون والاقناع وكل مادة بثلاث ساعات يعني نفس مقدار الساعات اللي في جدولك غيرنا في المواد وليس في عدد الساعات لأنه نحتاج إلى مواد بثلاث ساعات تساعد على رفع المعدل أظن كذا واضح واذا مو واضح قولي اعيد ما فيه مشكله موفقه ان شاء الله .

[غيم تايه]

المشاركة الأصلية كتبت بواسطة wawa_wawa طب معليه .. اباا اسألك .؟ في ماده اسمها تحرير كتاابي .. كتير قالو لي اخدها لانها سهله ومنها لو حولت يعادلو لي هيا لانها في خطتي وعربي 2 ماااقدر لو بصرااحه العربي العام نزلي المعدل الله يكافيه .. وانا ابا ارفع فخليها بعدين وزي ايش ماده حره بتلاته ساعات .؟.؟

نعم اختي مادة تحرير كتابي مادة رهيبة وجميلة ومن ثلاث ساعات لو اضفتيها يصير عدد الساعات عندك 16 ساعة لكن اولا شوفي عدد الساعات المسموح لك تسجليها تحت ايقونة الحذف والاضافة
وحكايه انهم لو حولتي راح يعادلوها لك هذا ما نبحث عنه من أول ونقول نحذف ونضيف لأن مادة مثل الثقافة الاسلامية او العربي اللي انتي متخوفه منه متطلب ايضا على كلية الاقتصاد والادارة اظن هذا واضح .. ننتظر رد ك بخصوص هالنقطه .

[wawa_wawa]

المشاركة الأصلية كتبت بواسطة غيم تايه حلو طالما فيه كثير نصحوك بحذف فقه العبادات ، يعني راي موافق لعدة ارآء يبقى مادة الاقناع شرحت الاخت روز عنها واذا تحبي ازيد ازيد ان شاء الله ، كلامي اللي ما فهمتيه افسره لك احنا اتفقنا نحذف مادتين القران الكريم وفقه العبادات كل وحده بثلاث ساعات ، ونضيف مادتيين هي القانون والاقناع وكل مادة بثلاث ساعات يعني نفس مقدار الساعات اللي في جدولك غيرنا في المواد وليس في عدد الساعات لأنه نحتاج إلى مواد بثلاث ساعات تساعد على رفع المعدل أظن كذا واضح واذا مو واضح قولي اعيد ما فيه مشكله موفقه ان شاء الله .

لا خلاص فهمت ماده الاقنااع .. طيب هيا ماهي في الخطه عندي بس قصدك انو هيا سهله

يعني واقدر اجيب فيها درجه كويسه صح كدا قصدك .؟.؟

وانا ححزف العقيده وفقه العباادات خلي القراان يفيدني لاخرتي احسن


بس هادي القانون في في الخطه حقت الاقتصاد والاداره وفي في الدراسات بس الا خايفه منو


انو تكون ماهي هيا لانو رمزها غير فأبا ااتاكد منك ازا تعرف اي شي عنها معليه ..


وكيف سهله ولا لا .؟.؟