ابى احذف الرايتنق والاودس مو راضي يفتح..هل انتهى الحذف..؟؟

[nour al3mr]

{.. وعليكم السلام ورحمة الله و بركـاته ..}

حياك المولى أخ عبد الله ..~

مـادة الرايتنق تعتمد على لغتك.. وقدرتك على تكوين الجمل وصياغه العبارات بشكل صحيح ومترابط ..

سواء طلبوا منكم تكتبوا essay أو paragraph ترى فكرتهم وحده ..
من ناحية أنك بتقرأ اللي طلبوه منك بتركيز ..
تبدأ تخلي عقلك يعمل عصف ذهني brain storming
بعدها تعمل بالمرسام على جنب زي مخطط وchart على الأشياء اللي تبغي تتكلم عنها في الموضوع ..

مثــال : إذا جاك موضوع عن التدخين ..
Smoking وطبعا هذا الموضوع عام ..
فأول شيء لازم تركز فيه أنه كيف تطلع thesis statement لانها الأساس سواء في براقراف او اساي.. وراح تقدر تطلعه انك من هذا الموضوع العام لازم تخصص نقطه معينه تسلط عليها الضوء وتتكلم عنها

لنفترض أنك بتتكلم عن أسبــــاب التدخين لدى المراهقين و تـأثيره و أضراره عليهم..

فراح تبدأ بمقدمه بسيطه أول شيء وتكون عامه عن التدخين .. أن نسب التدخين ارتفعت .. وان اضراره سيئه .. و تتكلم بشكل عام الى ماتبدأ تتخصص اكثر وتوصل للـ thesis
وتكتبهــــــــا أنه هنـاك عدة أسباب تجعل المراهقين يقدموا على التدخين و له اضرار سيئه على صحتهم من عده جوانب ..


راح تبدأ بأول براقراف عن أسباب اقبالهم على التدخين .. مثلاً لأنه من آبائهم يكونوا مدخنين .. وتعطي مثال الى مثالين على ذلك يدعم هذه الفكـرة ..
و كمـان في سبب اللي هو تأثير الإعلام و المسلسلات .. وتجيب مثال انه المسلسلات دايما يصوروا الشخصيه المهمه ورجال الاعمال انهم يدخنوا ..

بكذه غلق البراقراف ..

نجي للبراقراف اللي بعده وراح يحتوي على الجزء الثاني من الثيسيس اللي هو ..
أضرار التدخين على المراهقين ..
وعاد هذا مجال الاسهاب فيه واضح ..
أنه يؤثر عليهم نفسياً فيصيروا مدمنين ومايقدروا يستغنوا عنه .. هذه فكره ..
والفكرة الثانيه انه له اضرار جسديه انه يسبب امراض الرئه و السرطانات ( كفاكم الله شرها وحرمها عليكم )..
ولازم اي فكره تذكرها تدعمها بمثال ..

أخر براقراف هو الخاتمة ..
وتكون ملخص لماسبق ذكره .. وفي انواع مقال تسمح لك تذكر وجهه نظرك في الموضوع اللي كتبت عنه ..

::~

أعتذر على الشرح السريع و المخبص ..
بس عندي اختبار وكوم اشغال فعلى السريع اشيك عليكم هنـآآآ..

ربي يوفقك ويكتب لك الخير ..
وإذا شايف ان الحذف بيريحك اتوكل على الله واحذف ..
لكن استخير قبلها واتأنى في القرار ..
وبإذن لله انت قد الماده ..

بالتوفيق ..~