Tell Me What To Do PLEASE

[Dr.Passed]

خطة ب العزيزة انا دوبي مخلصة أ ومعدلي 3.79 وبصراحة يعني انا عارفة اني رفعت معنويات كتير فيكم(مني قاعدة امدح نفسي) بس من جد انا شايلة هم معدلي مرة كتير منفسيتي مرة تعبانة
بابا وماما حاطين فيا امل مرة كبير اني اخش طب واسير دكتورة زيهم وأرفع راصهم...كل مايقولولي "دكتورة" احس اني ابغى ابكي...لأني ما اعرف ايش حيسير فيا ازا ما حققت احلامهم ولي طول عمرهم كان نفسهم يشوفو فيا...طبعا هادا غير حبي الشديد وطموحي طول حياتي اني اسير دكتوره محترمة.

انا عارفة اني ازا ماجبت نسبة حيحطوني بالراحة في ابن سينا....بس محد سواها في العيلة الى الان ما ابغى ابدأ المشروع دا وأكون اول خيبة ماعرفت اجيب نسبة والكلام الفاضي دا الي ما حأسلم منو...غير اني انا ما عودت بابا وماما اني امنا بحاجة لخطة بديلة لأي شي في حياتي الحمد لله..

فخطة ب.....ايش اسوي بالزبط عشان اجيب معدل مع المعدل الي انا جبت عشان اسير طب.
قولولي الله يوفقكم ايش اسوي وايش ما اسوي
انا مره خلاص اعصابي زي النار

ولوسمحتو كونو صريحين جدا معايا من غير ماتحزنو عليا وتحاولو ترفعو من معنوياتي
شكرا

[مخلص لله]

انا اقلك اولا احياااااء دي مادة حاولي تضمني فيها a+ لانها نسخة من التست بانك يعني نسخ ولصق في ورقة االاختباااار

كيميااااااااء اناا ماابغى اقلك صعبة ولا سهلة انتي بنفسك تسهليها او تصعبيها لاكن اهم شي في الكيميااء حل التماااااااااااااااااارييين


احصاااء مااادة قد ماانها سهلة لااكن همهااا هم والاسئلة في الاختبااار تجيكي بطرقة غير الي تزااكريها

لاكن نفس منهج الاحصااااااااء مرررة سهل

وان شاء الله ياارب تدخلي الطب ونشوفك دكتورة بإذن وااحد احد

[sultanooh]

اممممم ماني عارف وش اقول لكن فرصتك ماضاعت لكن قد تكون تلاشت قليلاً

اللي لازم تسوينه ف ي خطه ب انك تبدي تذاكري تست بانك من الحين علشان تتفرغي للاحصاء والكيمياء

اما الانجليزي تشدي حيلك في المحاضرة نفسها

ولازم تحاولي تجيبي معدل في خطة ب اقل شيء 4.5 علشان يصير فيه أمل

[DR-SHOSHOA]

الله يوفقك ويسير امرك وثقي انك مش راح تنقبلي في الطب على اساس معدلك انتي راح تدخلي بتوفيق الله لكن هذا لايمنع من اخذ الاسباب
اولا الاحياء فقط تست بانك لكن انتبهي لازم تحفظيه قبل يوم الاختبار بوقت كافي لانه في ناس جابت في الاحياء درجه نازله علشان ذاكروا التست بانك قبل الاختبار بيومين
الاحصاء من الكتاب ومن ملخص اشرف بركات
الكيمياء من الكتاب وتست بانك د اكرام دانش
واسال الله لكي التوفيق
ادعي لي انقبل طب
والله انا زيك مررررررررررررررررررررررررررررررره خايفه

[!..RahoOofa..!]

السلام عليكم اول حاجا

انا بقولك مهما صار لاتفقدي ولازم تشدي حيلك بس انا ماحب ادي امال كبيرة والله ..
الطب صار متطلباتو عالية وكل سنة بتعلى اكتر من اللي قبلها
وماعرف سمعت انو الطب يعتمد على الانجليزي والفيزيا والاحياء والكيميا .
علعموم خطة ب جدا سهلة وسهل جدا تجيبي فيها 5 خديها مني
اول شي الاحياء لازم تصميه صم ماقولك اضمني A+ فيها لا اضمني 100
انا عن نفسي في الدوريات كنت ازاكر في اليومين اللي قبلها اللي في الاختبار
النهائي بما انو 3 تست بانك صراحة تعبني يعني زاكرتو في الاسبوع اللي قبل الاختبارات ومسكتو يوميين كمان في يوم الاختبار والحمدلله جبت فل مارك
---------------------------
الاحصاء قد ما اقولك انها من احلى المواد وانا كنت اكرها في الثانوي كنت آخدها بس مرا جدا احبها في الجامعة
المزاكرة طبعا لازم تفهمي في الشرح دا مهم واعتقد دكاترة الاحصاء عندنا في السلمانية كلهم كويسين
كنت احل كل البروبلمز اللي في السليبس مو بس اللي ناخدو في السكشن
وكنت احمل كل النماذج حقت الاولاد وحقت البنات وكنت احلها ولازم افهمها وانتي انجليزتك كويسة فحتساعدك

http://www.skaau.com/vb/showthread.php?t=328505
دا رابط موضوع فيلو نماذج احصاء للدوري الاول . التاني . النهائي .
وطبعا مرا سهل تجيبي فيه A+ كمان
-------------------------
الكيمياء شوفي هيا مادة فيها عك شوية بس نصيحتي برضو اقعدي حلي كل شي ولازم تفهمي التمرين نفسو ومو تفهمي الخطوة المعينة في التمرين لا يعني اسالي نفسك ليش عملتي دي الخطوة
وكمان اربطي بين الدروس وصدقيني كتير بنات قالو النهائي صعب بس الحمدلله انا مالقيت سؤال و انو ماعرفت طريقة حلو بالعكس كان سهل
وان شااء الله برضو تجيبي A+ فيها
وبس الله يوفقك حبيبتي

[Dr.Passed]

انشاءالله حدعيلك وماحساكي...بس ازا جاني الأحياء بره التست بانك ايش اسوي وقتها...ازا غير اسلوبهم؟

[!..RahoOofa..!]

ماحيجيبو من برراا .. احنا غلطوو اول وجابو من التست بانك القديم صارت قضيه خخ
واتهلكو في التصحيح والبونس
فماعتقد يكرروها ..

[Dr.Passed]

المشاركة الأصلية كتبت بواسطة !..rahooofa..! السلام عليكم اول حاجا انا بقولك مهما صار لاتفقدي ولازم تشدي حيلك بس انا ماحب ادي امال كبيرة والله .. الطب صار متطلباتو عالية وكل سنة بتعلى اكتر من اللي قبلها وماعرف سمعت انو الطب يعتمد على الانجليزي والفيزيا والاحياء والكيميا . علعموم خطة ب جدا سهلة وسهل جدا تجيبي فيها 5 خديها مني اول شي الاحياء لازم تصميه صم ماقولك اضمني a+ فيها لا اضمني 100 انا عن نفسي في الدوريات كنت ازاكر في اليومين اللي قبلها اللي في الاختبار النهائي بما انو 3 تست بانك صراحة تعبني يعني زاكرتو في الاسبوع اللي قبل الاختبارات ومسكتو يوميين كمان في يوم الاختبار والحمدلله جبت فل مارك --------------------------- الاحصاء قد ما اقولك انها من احلى المواد وانا كنت اكرها في الثانوي كنت آخدها بس مرا جدا احبها في الجامعة المزاكرة طبعا لازم تفهمي في الشرح دا مهم واعتقد دكاترة الاحصاء عندنا في السلمانية كلهم كويسين كنت احل كل البروبلمز اللي في السليبس مو بس اللي ناخدو في السكشن وكنت احمل كل النماذج حقت الاولاد وحقت البنات وكنت احلها ولازم افهمها وانتي انجليزتك كويسة فحتساعدك هنا جميع ما يخص خطة ب من ملفات . دا رابط موضوع فيلو نماذج احصاء للدوري الاول . التاني . النهائي . وطبعا مرا سهل تجيبي فيه a+ كمان ------------------------- الكيمياء شوفي هيا مادة فيها عك شوية بس نصيحتي برضو اقعدي حلي كل شي ولازم تفهمي التمرين نفسو ومو تفهمي الخطوة المعينة في التمرين لا يعني اسالي نفسك ليش عملتي دي الخطوة وكمان اربطي بين الدروس وصدقيني كتير بنات قالو النهائي صعب بس الحمدلله انا مالقيت سؤال و انو ماعرفت طريقة حلو بالعكس كان سهل وان شااء الله برضو تجيبي a+ فيها وبس الله يوفقك حبيبتي

طيب شكرا حبيبي بس انا شوفت الموضوع دا قبل كدة وحاولت افتح الملفات دي بس مافتحت معايا

[محمد عماد]

خطة ب بالراحة تجيبي فيها 5 من 5
بس شدي حيلك ..
انا كانت مشكلتي في الإحصاء فقط ... والحمد لله عدلت وضعي وقدرت اجيب فيها a+

[!..RahoOofa..!]

المشاركة الأصلية كتبت بواسطة Dr.Passed طيب شكرا حبيبي بس انا شوفت الموضوع دا قبل كدة وحاولت افتح الملفات دي بس مافتحت معايا

تحتاجي برنامج اسمو winrar
حمليه واعملي كلك يمين للملفات واختاري extract here
حتطلعلك كل المجلدات ..