السنه التحضيريه ...هل هي مفيده؟

[Dr.Passed]

المشاركة الأصلية كتبت بواسطة Extreme يحبووو التقليد لا غير جامعتنا تواكب التطوير والتقدم والتشبه بالجامعات الغربية لكن للأسف لا يوجد تنسيق لوجيتووو اشتريتوا مرجع لمادة الكيمياء او الأحياء او اي مادة راح تلقوو انه هالكتاب نفس الكتاب اللي يدرسوه في الجامعات الأمريكية او البريطانية ياشباب لو اي طالب حب يدرس في امريكا او اي دولة في اوربا ايش يسوي قبل ما يبدأ في التحضيري ؟؟؟ راح يعطوه دورة تأهيلية لمدة عام كامل للتأهل لاختبار التوفل يعني هما فاهمين اننا ما في راسنا لغة قبل ما نبدأ يعطونا دورة تقوية في افضل المعاهد . واحنا يبختنا لو جيتووو مسكتوو طالب مسكين حالته حالة في الجامعة وقولتوله يا خوي انت في اي ليفل راح يقلك مثلا في لفل ون تفتحه كتابه تلقاهم عمن يعلموه وش معنى فاظر وماظر طيب يا بني ادمين كيف تبغوا تعلموه فاظر وماظر وفي نفس الوقت تدرسوه السنة التحضيرية بمواده الدسمة اللي كله انقلش × انقلش وتبوه يجيب معدل عالي . اما في السعودية والنعم والله بالتعليم تعليمنا سئ لأبعد الحدود :- 1/ اعضاء هيئة التدريس جدا سيئ يعتبرونا شربنا المنهج في الثانوية ومش عارفين ان الشخص اذا شرب لازم يخرج اللي شربه من الجهاز الاخراجي . 2/احنا رضينا اوكي بقدر ربنا وبطموحكم العالية طيب اعطونا دورة وسولنا اختبار توفل بعدين نبدأ في الدراسة اختصارا للوقت والجهد ( يعني بدال ما أدرس 8 ساعات في اليوم ادرس اربعة ساعات واستغل وقتي المتبقي في الراحة والمذاكرة ) مانقول الا الله يعيننا ع العلم وعلى الادارة الفاشلة

كلام سليم
انا متأكدة انو 4/3 الجامعة مهي فاهمة الأحياء بيتكلم عن ايش اصلا ( على الأقل المواد التانية حسابية بس برضو)

مهارات الإتصال = نصمو ونفرغ في الورق عشان الدرجات طيب كيف الناس تستفيد؟
الحاسب= منهج سنوي وياريتو Microsoft Office 2007 بنمتحن في 2003
الأحياء= وضحنا المشكلة مافي لغة و الكل بيحفظ ومهو عارف المنهج بيتكلم عن ايه
الكيمياء= مفيدة لأصحاب التخصصات الي فيها غير كدة ايش ذنب باقي الناس...مهي مادة تنبلع لا هي والإحصاء
الرياضيات= منهج مكرر ليه؟ ليش الرياضيات يحكملنا باقي حياتنا

الناس كلها مبدعة بإذن الله في حاجة هي فعلا تحب تدرسها وعندها ميول فيها