شكرا جامعتنا وعميدنا ودكاترتنا وفقكم الله

[الــنــ م ـــر]

المشاركة الأصلية كتبت بواسطة غازي الطريقي بسم الله الرحمن الرحيم الحمد لله مالك الملك الكريم المعين الحمد لله الذي علمنا مالم نكن نعلم والصلاة والسلام على سيد المرسلين محمد وأله أجمعين نيابة عني وعن زملائي المنتسبين نتقدم بجزيل الشكر والإمتنان لجامعتنا الحبيبة ولعميدها المحترم والدكاترة المحترمين والإداريين الأفاضل لكل ما قدموه ويقدموه من عون وتيسير وفقهم الله وجزاهم الله عنا كل الخير هذا ونسئل الله ان يكون ما تعلمناه شاهد لنا لا علينا وأن نرتقي بعلمنا لخدمة ديننا ووطنا والبشرية وأبارك لكل الإخوة الزملاء الذين وفقهم الله ونجحوا وأسئل الله أن يعين من لم يتوفقوا هذا الترم وأن يوفقهم في الترم القادم إن شاء الله هذا والله الموفق

اخ غازي ياليت توضح بس انت قلت (لكل ماقدموه من عون وتيسير ... )
انا ماني فاهم يمكن يكون قصدك :
انهم طلعوا النتائج بدري وماتأخروا الى آخر يوم وحرقوا دمنا !!!!
انهم حاولوا ورفعوا طلباتنا بتخفيض الرسوم وحسوا بمعاناتنا !!!
انهم ساعدوا طلاب الانتساب وحذفوا شي من المناهج !!!

عطني شي من (كل اللي قدموه من عون ) على قولك
وياليت بعد كذا تتكلم عن نفسك يمكن ساعدوك وبلاش تجمعنا كلنا
واتمنى ينتهي زمن المثاليه ونكون اكثر واقعيه ونقول للمخطئ اخطأت وللمسيئ اسأت
اذا كنا نبغى نتطور

[غازي الطريقي]

المشاركة الأصلية كتبت بواسطة الــنــ م ـــر اخ غازي ياليت توضح بس انت قلت (لكل ماقدموه من عون وتيسير ... ) انا ماني فاهم يمكن يكون قصدك : انهم طلعوا النتائج بدري وماتأخروا الى آخر يوم وحرقوا دمنا !!!! سلامات أخوي وليش حرقوا دمك ,,, !!! أعتقد الواثق من نفسه وأجوبته والمدرك لعدد الطلبة الهائل وللظروف الجوية التي واكبة فترة نشر النتائج أخذ الأمور بتروي , وتوكل على الله ,,, ولا عشان إنت نمر ,,, !!! انهم حاولوا ورفعوا طلباتنا بتخفيض الرسوم وحسوا بمعاناتنا !!! يا أخي نكون صادقين مع نفسنا شوي , الحين تدفعون لمدارس الثانوية الليلية ضعف المبالغ برضاكم , وتتغالون على دفع ثلاثة الاف للجامعة ,,, !!! بعدين الجامعة والله ما قصرة , إنت جد وإجتهد وجيب مجموع زين والجامعة بتعفيك من الرسوم , ويش تبي أكثر يالغلا تدلل ,,, !!! انهم ساعدوا طلاب الانتساب وحذفوا شي من المناهج !!! أخوي ويش رأيك لو يعطوك شهادة من غير إختبار ,,, !!! أعتقد هذا أقل شي تستحقه ,,, !!! يا أخي الفاضل ما كفاك سهولة الأسئلة , والأوديس ,,, !!! عطني شي من (كل اللي قدموه من عون ) على قولك الظاهر إن البعض لا ينظر إلا للسلبيات أو يبحث عن أخطاء الأخرين فقط ,,, !!! وياليت بعد كذا تتكلم عن نفسك يمكن ساعدوك وبلاش تجمعنا كلنا أخوي أنا تحدثت عن نفسي وعن زملائي , وأنا والحمد لله لا درست بلاش ولا أنتظر مساعدة لا من جامعة ولا من غيرها , والحمد لله الذي أعاننا ورزقنا واقنعنا وأعف نفوسنا ,,, واتمنى ينتهي زمن المثاليه ونكون اكثر واقعيه ونقول للمخطئ اخطأت وللمسيئ اسأت اذا كنا نبغى نتطور

لا يالغلا المثالية باقية ولا تذهب , ولنا في المثالية خير البشر صلى الله عليه وسلم ,,,

بالنسبة للمخطىء على قولك , بإمكانك مناصحته وتوجيهه ومناقشته ولكن ليس شتمه عند الأخرين وفضحه ,,,

وأما بالنسبة للتطور : إنظر هنا ( http://www.skaau.com/vb/showthread.php?t=333437 )


فائق إحترامي