خطة ب ممكن الدخول

[كنز المعرفة]

أهم شي في الموضوع انك تنظمي وقتك و تعملي لنفسك جدول و تمشي عليه تمام.
-التفكير مادة جديدة علينا كليا تحتاج قراءة و تركيز و فهم ثم حفظ أنصحك انك تذاكري كل فصل على حدة و ما تروحي للفصل الثاني الا بعد ما تكوني اتمكنتي من اللي قبله , كل ما راجعتي أكثر كل ما سهل عليكي أكثر.
-مهارات الاتصال مادة ممتعة و لكن لا يعني انك تتساهلي فيها لان فيها نقاط لازم تعرفي تفرقي بينها مثل أي مادة.
-الاحصاء كان ممتع بالنسبة لي يحتاج مذاكرة أول بأول عشان ما تلخبطي في طريقة الحل ، القوانين ما تحفظيها تجيكي جاهزة بس لازم تعرفي كيف تطبقي و لازم تحلي التمارين أول بأول و ما تراكمي الدروس عليكي (ما يحتاج كلام)، أنصحك انك تدخلي على محاضرات السنترا بإذن الله ما تحتاجي مدرسين بالنسبة لي أعتمدت على محاضرات السنترا و فهمت منها كل شي وما احتجت لأي أحد لانها كانت وافيه.
رتبي أمورك من البداية عشان ترتاحي آخر الترم و قد ما تقدري لا تراكمي عليكي الدروس.