أستاذات القرآآآآن

[غيم تايه]

وعليكم السلام ورحمة الله وبركاته

طبعا مع الاستاذة هناء ابو داود

http://www.skaau.com/vb/showthread.php?t=332482

موفقه ان شاء الله ...

[عمرٌ جديد]

انا اخدتها مع هناء ابو داود ...

انصحك فيها بشدة..

قراءتها ماشاءالله جدًا (متقنة)
وممتازة في التدريس ..
روحها حلوة وتعاملها محترم ..


اهم شي انتِ اش تبغي..

دي مادة (كتاب الله.)..
مو اي مادة تانية

المفروض انك تخرجي من المادة وانتِ -بعون الله- حافظة جزئين 28 و 29
وحيكون التجويد عندك و ومخارج الحروف اتحسنت بشكل (كبيييير)
واذا ربي فتح عليكي واجتهدتِ حتتقنيهم..
حتسير قراءتك قريبة للشيوخ القراء مرا وحتى تسيري تقدري تصححيلهم لو غلطوا ^^

-لو اخلصتِ نيتك لله انك تبغي تحفظي وتتقني القراءة من اجله-
ما اخبي عليكي المادة حتاخد منك اكبر مجهود خلال الترم لانو الحفظ حيكون مكثف للي مو حافظين
وحتبذلي مجهود اكبر في التجويد واتقان المخارج
لانو التعب حيكون منك وعشان نفسك... عشان انتِ تتقني التجويد
الاستاذة ماحتجري ورا كل وحدة لانو البنات كثير


لكن الاختبارات التحريرية -بالنسبالي- ابسط شي في المذاكرة بالنسبة للمواد الثانية


بالنسبة للاستاذة سارة روزي
مادرستني بس يمدحوها كثير
وانا اعرفها شخصيا و(مهما كانت المادة) اللي تبغي تاخديها
(( انصحك )) تاخدي معاها وماحتندمي بإذن الله..

بس ارجع اقول

لا تحطي الدرجات في بالك (في دي المادة بالذات) و اخلصي نيتك لله ...
ووالله حتجيكي الدرجات بدون ماتطلبيها..


موفقة يارب =)