بخصوص الاعترااااف ببرنامج (التعليم عن بعــــد) من وزارة التعليم العالي ...

[الســــــــــاطع]

المشاركة الأصلية كتبت بواسطة ! سلطـــان ! اخوي المسافر هدي وانا اخوك وتقبل كلامي بصدر رحب اولا لا اخفيك انا قرأت موضوعك ومن قبلها بعض ردودك وشفت ان هذي الفكره مسيطره عليك وقلت ماراح يقتنع مهما تكلمنا وتناقشنا انت وش الهدف من موضوعك تبينا نناقشك والا كتبت هالموضوع عشان بس تقول لنا ان شهادة التعليم عن بعد غير معتمده بمفهومك انت طبعا ؟ لان في فرق اذا قصدك تخبرنا انها غير معتمده خلاص انا هنا اتوقف واقول لك جزاك الله خير وصلت المعلومه ولك قناعاتك ولي قناعاتي واذا غرضك تطرح الموضوع للنقاش ويكون عندك قابليه لتقبل اراء الاخرين وتحكم عقلك بالموضوع بعيد عن الجمود الفكري تابع ردي عليك خل نتكلم بالخبر الي انت جبته عطني دليل ع صحته جيب لي الجريدة الرسمية الي نشر فيها الخبر ثانيا اسم الصحفي الي نشر الخبر ثالثا المسؤول الي بوزارة التعليم العالي الي صرح بالخبر الخبر ما ندري باي جريدة ولا نعرف الصحفي الي نشر الخبر ولا مسؤول الوزارة الي صرح بالخبر بداية الخبر يقول ( توقعت مصادر بوزارة التعليم العالي ) وش هالمصادر من يمثلها والا اجتهادات شخص ما ندري هو صحفي والا من ابطال الصحافة الالكترونية الي بعضهم لو تسأله عن شهادته يادوب ثانوي ولا يعرف شيء بمهنة الصحافه غير اسمها ؟؟ واذا كان صحفي بجريدة رسمية يكتبلنا هالمصادر هل هو مسؤول بالوزارة هل هي العصفورة قالت له مثلا ؟ هل هو واحد من اخوياه يشتغل سكرتي وجالسين بالاستراحة يسولفون ؟ هذي اول نقطه لازم تبحث فيها قبل ما تطلب من مسؤولي الجامعه يردون ع تصريح ما نعرف ساسه من راسه النقطة الثانيه وان شاء الله انك بتصدقني بدون ما تخليني اروح ادور ع الخبر لانه قديم وسبق وكتبته هنا بالمنتدى لو تبحث بمشاركاتي تلقى الخبر من عام 2009 تصريح لمدير الجامعه كتبه صحفي معروف بجريدة معروفه ورسمية جريدة المدينه ذكر فيه ان الجامعة خاطبت وزارة الخدمة المدنية وان المسأله مسألة اجراءات وقريبا راح يتم الاعتراف بالتعليم عن بعد لانه شيء طبيعي شلون الخدمة المدنية تعترف ببرنامج الى الان ما تخرج منه ولا طالب ؟ يعني مع تخرج اول دفعه ان شاء الله راح يتم الاعتراف انت بس خذها من هذا المنطق الانتساب معترف فيه فما بالك بالتعليم عن بعد ؟؟ هذا ما يخص الخدمة المدنيه ما يخص وزارة التعليم العالي تبيني احلف عشان اريحك ؟ انا بنفسي تكلمت مع الدكتور عاطف كان استاذي وبأحد المحاضرات تكلمت معه بهذا الخصوص واستغرب كيف اصلا اساله هذا السؤال واكدلي انها معترف فيها الدكتور عاطف للمعلومية وكيل عمادة التعليم عن بعد للشؤون الفنية الدكتور هشام برديسي عميد التعليم عن بعد باللقاء الي كان بينه وبين الطلاب العام الماضي تكلم بهذي النقطة وقال انه معترف فيه من وزارة التعليم العالي ادخل هذا الرابط واقرى اول جملة من بعد المميزات http://elearning.kau.edu.sa/content....g=ar&cid=11608 يعني تبينا نروح نسوي مضاهرات ونقول : الطلاب يريدون اعتراف بالشهادة ركز بالدراسه ولا تخلي مثل هذي التساؤلات تأثر عليك وعلى تحصيلك العلمي سو الي عليك ووكل امرك لخالقك ... ولو فرضنا اسوأ الاحتمالات طلع كل كلامهم مجرد حبر ع ورق والتعليم عن بعد لا معتمد ولا شيء وقتها ديوان المظالم يقولك اهلا وسهلا ترفع قضية ع وزارة التعليم العالي لانها سمحت بهذا النظام بدون ما تعترف فيه او تصدر تحذير بموقعها مثل بعض الجامعه الي صدر فيها تحذير ان شهاداتها غير معتمده وقضيه ع جامعة الملك عبد العزيز لانها غشت الطلاب ترى قاعد اهون عليك الموضوع لا تفتح موضوع جديد وتقول محاكم وعوار راس وش الله حدنا ان شاء الله كلامي يقنعك واتمنى لك وللجميع التوفيق

عين الصواب..... لك الشكرررررررررر