للي جابوا معدلات عاليه خطه ب

[كنز المعرفة]

هلا أختي ..
الحمدلله كان معدلي عالي ، اعتمدت على الكتب و كنت متابعة محاضرات السنترا أول بأول مع الاستاذات و استفدت منها بالمرة و كنت أراجع أول بأول مع الاستاذات على قد ما أقدر في البداية كنت أحس ان المعلومات متداخلة مع بعضها و ماني قادرة أستوعب المعلومات المركزة في السنترا بحكم انها مكثفة و في وقت قصير ، بس نصيحة لا تفوتيها عليكي .
بالنسبة للاحصاء لازم تذاكريه أول بأول و تحلى التمارين و ما تخليها تتراكم عشان تكتسبي مرونة , لا تخلي محاضرات السنترا تفوت عليكي خاصة في الاحصاء عشان تسألي الاستاذة عن النقاط اللي تصعب عليكي ،
بعد كل محاضرة راجعي الفصل و حلي تمارينه عشان تتأكدي من فهمك و استيعابك ،
القوانين تجيكي جاهزة في الاختبار و انتي عليكي تطبقي يعني ما تحتاج حفظ , المهم تعرفي طريقة الحل و أي قانون تستخدمي.
راجعي من آخر الكتاب فيه نماذج اختبارات.
الاتصال مرة ممتع و ما فيه صعوبة لكن لا تهمليه.
التفكير كلامه كثير مرة ،احضري محاضراته و ذاكريه أول بأول لان تعاريفه كثيرة بس كانت الاستاذة تقولنا ان بنات الانتساب دايما يجيبو فيه درجات حلوة , حاولي و قت المذاكرة انك تتطلعي على نماذج الاختبارات عشان تعرفي طريقة الاسئلة و على ايش تركزي.
اعملي لنفسك جدول و امشي عليه مهما كانت الظروف كأنك انتظام حتشوفي الفرق بإذن الله.
مافي شي مستحيل بإذن الله مع الاصرار و المحاولة و تنظيم الوقت.

طيب ممكن تعطيني معلومات عن خطة ألف و كيف ذاكرتيها؟