هل لكل قسم في الحاسبات معدل محدد؟؟

[تباع الشمس]

هلا اختي الله يوفقك وتدخلي كليتنا القميلة ^_^
أنا بأتكلم بالتفصيل ولو فية شيء كمان تبغي تعرفية احنا حاضرين

بس حطي اسألتك مع بعض بليز عشان الردود ماتكون متفرقة والموضوع يصير متكامل ^_^

في البداية كلية الحاسبات كلها معدلها فوق الـ4 فاصلة حاجة ما أفتكر كم,عشان تدخليها
المعدل أقل من كذا في فرع الفيصلية وفي قسم الأولاد ><"

أول ترم تاخذي 5 مواد
1- برمجة 1: برمجة بلغة الـC
2- نظرية احتمالات : اسمها stat210 مادة احصاء بس كلها عن الإحتمالات
3- مقدمة حوسبة : هيا اساس الحاسب خصوصا في قسم تقنية المعلومات الـIt
4- أساليب الكتابة العلمية : أول شيء تكتبي CV بعدين طول الترم تشتغلي على بحث بالخطوات بالإنجليزي وتسوي عرض على البحث .
5- ثقافة اسلامية 1 : مادة جدا سهلة

الجداول احنا في البداية خلونا نسويها وغارت عيوننا واحنا عند الأوديس نشتغل ><
وفي الاخير فجاة غيروا الجداول على كيفهم
فية بنات قدروا يغيروا بعض الشعب بس مو الكل

لازم تاخذي كل المواد هذي عشان تتخصصي
حتى لو حملتي مادة لاسمح الله رح تتخصصي, أهم شيء لازم تدرسيها ماينفع تحذفي شيء

التخصصات الثلاثة
1- تقنية معلومات : يطلب معدل 4
2- علوم حاسبات : معدل 3,5 أو 3 ما أتذكر بالضبط وفي البرمجة فوق الـ85 بس فية ناس جابوا في البرمجة أقل ودخلوا
3- نظم معلومات : معدل 3.5 فقط

زي ماقلت الشروط هذي أقل بكثير في الفرع بس ما أدري عن الأولاد ^_^

الله يوفقك وييسر لك الخير