ابغى اقتراح لموضوع بحثي....

[red flower]

صباح الخير


انا درست الماده هذه
بس كنا اول دفعه تدرسها
وكان اختيار موضوع البحث مفتوح لنا
مو شرط يكون شي عن الحاسب
اهم شي يكون شي علمي

والدفعه كلها على مااتذكر انقسموا الى قسمين
ناس كانت موضوعاتهم عن الحاسب
والاغلب كانت موضوعاتهم عن الامراض
كل وحده اختارت مرض .. واتكلمت عنه من جميع النواحي <<< كأننا طالبات كيمياء حيوي


اما انتوا حسب كلامك بتقولي لازم شي عن الحاسب


انا بما ان موضوعي ماكان عن الحاسب فما اقدر افيدك كثير

بس راح اقترح عليكي كم موضوع من اللي كانوا عاملينه صحباتي


في وحده كانت عامله موضوعها عن الفرق بين فايروسات الكومبيوتر والفايروسات اللي تصيب جسم الانسان

هو صعب شويه ، بس مررررررره كان غريب وعجب الاستاذه

كمان ممكن تعملي عن الشبكات ( network )

او ممكن تعملي عن الفرق بين الفايروس والـ warm


اعملي سيرش في النت ، وحاولي تختاري موضوع له مصادر كثيره
سواء مقالات او كتب

لأنك راح تتعبي اذا الموضوع مصادره قليله

ولاتخافي من الماده لهذه الدرجه ،، اساسا الماده بساعتين ،، يعني لا تعطيها اهتمام لوحدها وتسيبي باقي المواد
احنا كنا خايفين منها .. واهملنا كل المواد اللي معاها في الترم ، برغم ان المواد اللي كانت معاها كانت اهم



وبالتوفيق