بخصوص المكرمه لبنات التاهيلي (صور)

[رنووش جدهـ]

المشاركة الأصلية كتبت بواسطة ulquiorra360 إنتو ليه حاطين الورقة هادي شي عظيم تراه مجرد ورقة مافيها لا ختم ولا حتا شعار الجامعة و كمان كان مكتوب في موقع الجامعة تصريح عن مدير الجامعة قال فيه إنو رفع الأسماء للجهات المختصه حقون التعليم الموازي لصرف المكافئة لهم و الورقة هادي نزلت أعتقد قبل التصريح حق مدير الجامعة و ترا قبل أسبوع وحدا من البنات أعتقد كان صورت ورقة زي كدا كان مكتوب فيها إنو الأسبوع الجاي سيتم صرف المكافئة للتأهيلي و الإنتساب و الإنتقالي !!! و كانت الورقة طبعا لا اساس منها من الصحة فا هادا أتوقع مجرد إجتهاد شخصي من موظفة مهي داريه عن الدنيا فين بس تبا تخلص من الطالبات إلي يجوها و كمان لو تشوفو الأسلوب إلي مكتوب فيها الورقة مهو أسلوب جامعة في كتابة إعلان أول النص مكتوب فيه عدم إستحقاق و كلمة إستحقاق تجي لما يكون الشخص عمل شي و يستحق الفلوس عليه مو مكرمة ملكيه يعني لو كان الإنسان إلي كتب الورقة رسمي من قبل الجامعة كان حيتكب عدم شمول مو عدم إستحقاق و كمان لو تلاحظو إنو الورقة كانت في فرع من فروع الجامعة مو الفرع الرئيسي و كانت مخصوصه لقسم البنات بس يعني إجهاد شخصي لا اقل ولا اكثر يعني عند الشباب مافي ولا ورقة و الفرع الرئيسي مافي ولا ورقة فا أصبرو ألين تشوفو كل شي رسمي في موقع الجامعة و بعدها كل حادث حديث لانو حاليه مافي ولا شي رسمي !!

هيا مجرد ورقه زي ما اتكرمت لاكن طبعا ما يكملو فعلتهم ويكتبو اسمائهم عليها ولا يختموها عشان يقولو فعل طالبه وليس فعل اداريه من ادارياتهم لانها غير موكده بختم او باسم المشرفه او العميده

وعلى جهت الاسلوب حدت ولا حرج في اداره السلامه من عميده ومن مشرفات يحملو اسلوب راقي في التعامل مع طالباتهم فعلا اداره مهزوزه ومهزوزه اكتر وعدم معرفتها باي خبر ولا بعمل اي جهد من اجل طالبات السلامه << كل ما قنا شي قالو ماندري لو بتعرفو روحو اسئلو الفرع الرئيسي !!

العجيب اننا نتعامل مع اداره من ادارات التعليم العالي !!

(( فين الشهاده والجهد حق السنين في الاخير شهاده+ منصب + غرور + تكبر+ عجرفه = مسئول ,ادراي ,دكتور, استاز في جامعه الملك عبد العزيز ))