مهم جدا (عدم قبول تقديم اختبار الجنائي العام)

[lazoza al-amoudi]

اول شي صباااح الخير وماتوقع انو اليوم دا ومع الجناائي ومع الجامعة دي حيكون في خييير!! المهم الخلاصة ياقلبي للي بتقول انو دكتورة ماجدة مكلمتك انتي ومالقت بنات او بالصح محد رد عليهااا رحت اليوم على مكتبها ومالقيينا لا ورقة ولا يحزنووون ورحت بنفسي مرتيييين لعمادة القبول والتسجيل وقالوا انهما مالهم دخل انتو عندكم كلية ومديرة و وكيلة ومشرفة قسم روحو اتفاهموا معاهم ولو في شي نفيدكم او نعملكم هوا نلاقيلكم قاعات تختبرو في غير كدا مالنا صلاحية لا في تقديم ولا تاخير>> للتوضيح فقط ... وحدة من صحباتي راح تتاكد من خطاب الرفض وهل هوا شي حقيقي ام الجامعة مالفتو وحاطتو سبب لعدم تقديم الاختبار وهيا راح تفيدكم باخر التفااصيل والمفروض تكون وااضحة زي عين الشمس مايبو يقدموو الاختبار.. مانقول غير حسبهم الله والله كافيهم وهوا قادر عليهم.. اكيد في ناس بيقولو وليش حاوجين نفسكم للبهدلة دي بس احب اوضح نقطة جدن مهمة اتقدم او اتاخر الاختبار معاد سار يفرق الي يحرق في الموضوع كلووو انو تتعب وتنهلك ويدوك كلمة وعلى اساسها تعتمد ويعشموووك وفي النهاية يخذلوك وهما اصلا موجودين لخدمتنا مو عشان يسايرونا ويضحكوا علينا بكلمتيين... مشكووووورة واسفة عالاطالة