ظاهرة قيادة المرأة للسيارة

[mooon light]

بصراحة أنا نفس رأي الاخت rubi ما أني شايفه فيها شيء لما تسوق المرأة لكن وفق ضوابط الشريعة....
وخاصة للمراة اللي ما عندها أحد زي حالتنا ( 4 بنات و أخين واحد تعبان الله يشفيه والاخ الثاني أخر العنقود يعني صغير
والوالد الله يرحمه ... فكري معاي مين بيودينا والسواقين كسروا ظهورنا بالاجرة ) و أنا أنتظر االيوم اللي يسمحوا فيه بالسواقة...

و لا يوجد دليل على تحريم ذلك ولا أحد يفتي من رأسه ترى الفتوى أمرها عظيم...

[للحلم عمر]

المشاركة الأصلية كتبت بواسطة mooon light بصراحة أنا نفس رأي الاخت rubi ما أني شايفه فيها شيء لما تسوق المرأة لكن وفق ضوابط الشريعة.... وخاصة للمراة اللي ما عندها أحد زي حالتنا ( 4 بنات و أخين واحد تعبان الله يشفيه والاخ الثاني أخر العنقود يعني صغير والوالد الله يرحمه ... فكري معاي مين بيودينا والسواقين كسروا ظهورنا بالاجرة ) و أنا أنتظر االيوم اللي يسمحوا فيه بالسواقة... و لا يوجد دليل على تحريم ذلك ولا أحد يفتي من رأسه ترى الفتوى أمرها عظيم...

حبيبتي انا ابسائلك سؤال واحد هل الشباب السعودي بيتركك في حالك
اذا وانتي متغطيها ومعاكي اهلك والله مايتركوكي كيف وانتي لحالك وتسوقي
انا ما اقولك لا ما نبغى السواقه بس السواقه بتودينا لطريق لاتحمد عقباه وانتي عارفه ايش اقصد
ولاتقولي بضوابط شرعيه لانه اذا سقنا اشويه بنكشف اشويه العبايه ماله داعي وهذا اللي بيصير
اذا سقنا لانكذب على نفسنا هذي هيه الحقيقه والواقع
اتمنى ان تقبلي ردي بصدر رحب

[mooon light]

رد للاخت للحلم عمر:
احنا دايم نحط العذر بالشاب السعودي وكاننا ماشين في وادي ذئاب مو بشر مع انه السبب من البنات ..
حتى أنا عندي سؤال لك بخصوص انك تقولي أن السواقه راح تجرنا للكشف .
انتي ماتشوفي بنات الجامعة اللي تخرج كاشقة والعباية مفتوحة ومبينه البنطلون وبعض الاحيان يكونون لابسين الماسك اللي يخلي الجسم شكله مقززوالمكياج والعبايات اللي كانها فستان ؟؟؟؟
كمان ماشفتي المقاهي في الصباح مليانه من بنات الجامعات وكاشفات ؟؟؟
مين ودها المقهى هل هي تسوق؟؟
ما شفتي البنات اللي في الاسواق اللي كاشفات و العطور اللي فايحة منهم كانهم في زواج او المكياج اللي حاطينه والضحك والتمايع مع البائعين؟؟؟؟
هذا كله موجود وسببه مو السواقة سببه البنات اللي نسيت انها مسلمة وصارت تتشبه باللي تشوفه في tv وصارت تتخلى شوي شوي عن الحجاب ..

من جهتي أنا ماراح أسوق عشان الوناسة ( عشان أنا محتاجة اقضي احتياجاتي ) فياليت تفكروا في الناس المحتاجه واللي ماهي قادرة تجيب سواق؟؟؟؟

وانا احترم وجهة نظرك وصح فيه ناس كذا لكن لين متى نستنى انوا الناس ذي تتغير ؟؟؟
ويمكن ماراح تتغير فليش مصيرنا وحاجتنا تكون مربوطة فيهم ..

[RHF]

السلامو عليكم


شوفي اختي / اخي ( كل اللي يقرأو )

مو كل مرأة بتلاقي الرجال اللي يخدمها ،

مو كلنا متجوزات ، او مسلن عندي اخوان ، او الوالد ، او او او

مو كلنا ربي اعطانا هادي النعمة ، الرجل اللي يتسارع لخدمتنا

مو كل مرأة لاقية الرجل اللي يخدمها ،،

ولو لقيت رجال يخدمني ،، ليه اطلب اني اسوق ؟؟

شوفي اختي ، انا اسوووق بنفسسي ، ولا اركب مع لوموزين ولا مع سواق اوكي ؟

انا أأتمن نفسي على نفسي ،، ولا أأتمن نفسي على سواق

بعدين ، االلي ما يرضا اخواتو او بناتو يسوقو ، يمنعهم و هو يخدمهم ،،

لاكن في حريم فعلن محتاجين الشي دا

اقلها شي ، يكون عندي رخصة ، اسوق في الضرورة القصوة

انا قولت قبل كدا الكلام دا في الموضوع اللي انطرح في الساحة العامة

قولت صاحبت امي ، جوزها انجلط في السيارة وهو يسوق ، البزورة نونوات سارو يبكو ، ومرتو قامت مكانو ساقت عشان توقف السيارة ،، ولا كان ماتو كلهم


انا ما طلبت اسوق عشان ادشر و افرفر ،

انا اقول من حق اي امرأة محتاجة انها تسوق

اللي خايفة على نفسها من ااولاد الحرام ،، لا تسوق

اللي خايف على بناتو ،، يخدمهم بنفسو

اللي خايف على اخواتو ،، يجيبلهم اللي يبغوه لحدهم

الدنيا ماهي سايبة كل من هب و دب ركب سيارة و مشي

لازم يكون في ضوابط للناس المحتاجة

بعدين بقولك ، تحسبي انو اي احد يقدر يجيب سواق ؟

حتى الفيزا ، ما يطلعوها الا المتجوزين

انا عن نفسي محا اسوق ،، لاكن ليه افكر في نفسي بس ؟؟
ليه ما افكر في الناس المحتاجين ؟؟

ترا فعلن في حريم وصلو لمرحلة العجززز انهم يجيبو شيييي

تخيلي انتي لا سمح الله صار فيكم مكروه الله لا يقدر

تبي تتصلي و تستني الاسعاف ؟ ولا تبي تخرجي الشارع تدوريلك لوموزين ؟
ولا انتو عندكم سواق ؟؟ ومأتمنة نفسك عليه ؟؟ !!

ما ناخد الاولاد السعوديين حجة

مو كل حاجة نرميها عالاولاد

كل ولد يلم نفسو

ويفكر في بنات الناس زي ما يفكر في اخواتو

مو كل حياتنا ناخد الاولاد حجة فيها

دا الموضوع انطرح في ملايين المنتديات و كتير مراات في التلفزيونات

دا نقاش عقيم

عمومن

انا مع سواقة المرأة للضرورة ،،

موفقين

[للحلم عمر]

السلام عليكم
اولا مبروك عليكم الشهر وجعل شهر خير وبركه علينا
ثانيا
ياقلبي وجهة نظرك صح100% لكن صدقين اذا سقنا والله بنخسر الشي الكثير
اذاسقنا ترى الرجل بيرمي عليكي كل المسؤوليات اذا واحنا ما سقنا بالعافيه يجيبو الاغراض كيف
اذا سقنا يمكن مايطلع من البيت والا عند اصحابه واحنا بناكله صح
واذا قصدك على الناس المحتاجه اولاد الخيركثير وصدقيني مايردوه وبعدين كيف بتقدر تشتري سياره
وانتي ادراء ابسعار السيارات مثلا نفترض اخذت قرض من فين تاكل وتشرب ترى الاسعار نار
يكفي انا الغرب اعترفوا انا بنات السعوديه ملكه هذا بفضل الله ثم بفضل الاسلام
على الاقل نحافظ على الناس الشويه المحافظين
ما اقول الا الله يعين اذا سمحوا بالسواقه
اختي حبيبتي اتمنى ان تتقبلي ردي بصدر رحب

[mooon light]

المشاركة الأصلية كتبت بواسطة للحلم عمر السلام عليكم اولا مبروك عليكم الشهر وجعل شهر خير وبركه علينا ثانيا ياقلبي وجهة نظرك صح100% لكن صدقين اذا سقنا والله بنخسر الشي الكثير اذاسقنا ترى الرجل بيرمي عليكي كل المسؤوليات اذا واحنا ما سقنا بالعافيه يجيبو الاغراض كيف اذا سقنا يمكن مايطلع من البيت والا عند اصحابه واحنا بناكله صح واذا قصدك على الناس المحتاجه اولاد الخيركثير وصدقيني مايردوه وبعدين كيف بتقدر تشتري سياره وانتي ادراء ابسعار السيارات مثلا نفترض اخذت قرض من فين تاكل وتشرب ترى الاسعار نار يكفي انا الغرب اعترفوا انا بنات السعوديه ملكه هذا بفضل الله ثم بفضل الاسلام على الاقل نحافظ على الناس الشويه المحافظين ما اقول الا الله يعين اذا سمحوا بالسواقه اختي حبيبتي اتمنى ان تتقبلي ردي بصدر رحب

لا والله ما أني مشتريه سياره زي ما قلتي الاسعار غالية بس عندنا سياره قديمه تمشي الحال (يعني مجهزه الامور اذا سمحوا بالسواقة ) أمزح ...
وأنا معاك (في أن الغرب اعترفوا أن المراة السعودية ملكة) لكن والله لو عليه وعندي احد ما اسوق
بس زي مايقلون اللي يده في النار مو زي اللي يده في الموية...
تقبلي ردي بصدر رحب...........
ورمضان كريم علينا وعليك...

[XP-PROF]

السلام عليكم-وكل عام وأنتم بخير ياعسولات ورمضان كريم على الجميع-بصراحه كل واحده كلامها درر وأسال المولى العلي العظيم أن يحقق كل آمالكم ورغباتكم وإحتياجاتكم ,ويجعلكم من أهل رمضان ويوفقكم لعبادته في شهره

اللهم آآآمين