الزواج من المنتدى ...!

[نرسيان 00]

موضوع حماسي وله أبعاد ووجهات نظر كتيرة
بس اتوقع بعد عشر سنين ح يكون عادي
والاستخارة أهم شيء في الموضوع
بس حتى لو دحين زي ما قالت أحد الاخوات يخلي أختوا تتقرب منها وتتعرف عليها وبعدين لكل حادث حديث
بس موضوع انها تخونه وزي ما تعرف عليها راح يتعرف على غيرها .... خصوصا بعد الزواج غريب شوي
ياجماعة احنا مسلمين وموضوع الخيانه مو عندنا أبد في المجتمع السعودي >>> ترا شكلكم متاثرين بالمسلسلات كتير
إذا وحده ولا اثنين عملوها مو يعني الكل بطالين ....... وبعدين موضوع يشك فيها ومدري ايش .....
يراقبها اسبوع ويبان الصالح من الطالح وهيها كمان
الولد لمن يقرر انو يتزوج خلاص يبدأ صفحة جديدة وينسى حياة المراهقة والصياعة
والبنت كمان تبدأ صفحة جديدة وبعدين احنا البنات سرنا وعاين كتير وفاهمين الصح من الخطأ
وحتى إذا غلطت البنت او الولد فلازم نسامحهم ونرحمهم إذا ربنا ومافي أكبر منو بيرحم فما بالك بينا البشر
و دائمًا بنردد في أول أعمالنا: (بسم الله الرحمن الرحيم). ويقول النبي صلى الله عليه وسلم: (لما خلق الله الخلق كتب عنده فوق عرشه: إن رحمتي سبقت غضبي)
وبعدين انا اعرف شخص كان سكير و........ . بس بعدين تاب ويمكن ربنا غفرلوا وللمعلومية هوا شخص مشهور ومعروف ببرنامجه اللي الكتير يحبوا ...... واتوقع انو كلكم تعرفوا .
وبعدين لا تحسسوني اني لمن يتزوج عن طريق المنتدى ح تصير مصيبة يعني بكرة لمن يتزوجوا يسيبوا اللاب توب والجوال والتلفزيون وينقطعوا عن العالم والجرايد كمان
احنا في عصر التطور السريع المخيف كمان.... إذا الطفل ما صار طفل يعني كل ولد صغير مابين 8-12 صار عندوا ايميل وحساب في الفيس ويعمل دردشة وكمان صار في منتديات لهم زي منتدى mbc3 كلهم صغار وبكتبوا ارائهم وتعليقاتهم ...... مو زينا لمن كنا صغار الظاهر كنا متخلفين
الدنيا اتغيرت ولازم نستعمل الاجهزة بشكل صحيح..... وكل حاجة وسيلة ذوا حدين ..... اتمنى اتلميح انفهم