الاعتراض على نتائج المحاسبة 102 والمطالبة بإعادة التصحيح

[AVALONI]

انا حملت هالمادة مرتين وشكل الثالثة بالطريق لأني اعتقد حسب نظامهم المفروض تخاويك هالمادة لين التخرج مع العلم اني كنت متأكد الترم الماضي من نجاحي فيها بنسبة 60% وبهالترم 99.99% وطالع من الاختبار مبسوط بعد انا ووجهي على بالي هالمادة اختبار انتهيت منه وعدى لكن طلعت هالمادة امتحان وابتلاء لي بحياتي !!!

والمصيبة ان الموجودين بجدة يتعبون ويقعدون بالأيام عشان بس يوصلون لشخص له علاقة بهالمأساة القائمة ويقدر يفيدك بالموضوع مع العلم انه مستحيل يغيرون درجتك إلا اذا حصلت معجزة من الخالق ! فكيف عاد لما تكون منت من سكان جدة وشلون تقدر تعترض او تتواصل او توصل صوتك لأحد المسؤلين بالجامعة او الكلية ؟ هذا اذا سنترال الجامعة والكلية تكرمو وردو عليك او عبروك أساساً !

في الخلاصة وعطفاً على كل ماسبق انا معكم ولكن نريد الجدية والمصداقية والتعاون الكامل ودعم الموضوع ياشباب ونكون بنفس الحماس حتى نوصل صوتنا والكلام ماراح يفيد لازم أحد يبادر من الشباب الموجود في جدة ويجمع اسامينا وارقامنا الجامعية ولو تبون جوالاتنا حنا معكم ولو تبونا نحدد يوم ونسافر لجدة ونجتمع وندخل سوا انا ماعندي مانع بس نبي نتخذ موقف موحد من هالوضع القائم ترى ماصارت !! والله لوبندخل الجنة بسبة هالمادة اللي مانفع فيها اي مجهود او تعب او سهر ومذاكرة فيها مابيصير فينا زي كذا !

0655493
عادل الشهراني