نحن هنا لأي استفسار عن الأشعة التشخيصية

[Radiology]

انا عملت لفه عالمنتدى بس ما لقيت ناس منزلين اختبارات السنوات الي قبلهم فإذا عندك اختبارات ياليت تنزلها هنا لأني ابغى اجمع من الحين وما اضيع وقتي بعدين

والله ما أذكر أننا أخذنا الإختبارات أو أحتفظنا فيها .. ما نصدق على الله تخلص لكن مثل ما قالت لك K.RAD بداية السنة أنشبي لبنات الدفعة اللي قبلكم ما راح يقصرون على الأقل يعطونكم مواضع الأسئلة والأشياء المهمة .

السلام عليكم .. أنا حبيت اسأل بالنسبة لدور اخصائي الاشعة ايش يسوي بالضبط يعني انا سمعت انو التقارير يكتبها دكتور ف إحنا ايش راح يكون وضعنا بالضبط؟؟ وشكراااا:)

وعليكم السلام ورحمة الله وبركاته حياكِ الله Ekhlas.M ... جاوبت عليك الأخت K.RAD يعطيها العافية .. ولو ترجعي تقري نفس هالموضوع .. تلقينا جاوبنا على نفس التساؤل

انا اتوقع انو في دا القسم فرصة الوظيفة للاولاد اكتر من البنات صح ولا لا ولو كان توقعي غلط كيف حتكون طبيعة عمل البنت ؟اختلاطها مع الرجال حيكون كثير؟

ليش هالتوقع .. يعني الأولاد يمرضون أكثر من البنات .. لا الفرص متساوية للجميع إن شاء الله .. وبالنسبة للإختلاط ما هو متعارف عليه إن المرضى الإناث يفحصهم بنت .. والمرضى الذكور يفحصهم ولد .. لكن هذا ما يمنع أن الولد يفحص بنت والعكس لأي ظرف كان ..


وأنا أخوك ترى الإختلاط في الصحة شيء لا بد منه إذا ما كان بالدراسة بيكون في العمل .. صعب يكون فيه مفر إلا نادراً .. لكن المرأة اللي تفرض إحترامها على اللي حولها ما عندها مشكلة ..

[رونق احساس]

انا اتوقع انو في دا القسم فرصة الوظيفة للاولاد اكتر من البنات صح ولا لا
ولو كان توقعي غلط كيف حتكون طبيعة عمل البنت ؟اختلاطها مع الرجال حيكون كثير؟

[AM00NA]

طيب آنا عندي سؤال محيرني ولازم القى له جوآآب عشان ارتاح

السؤال: وش الفرق بين وظيفة " آخصائي الاشعة" ووظيفة " آخصائي استشاري الاشعة" ..؟
يعني اللي ياخذ دكتوراه في الاشعه كيف راح تكون وظيفته ؟

وشكراً مقدمـاً ^_^

[K.RAD]

المشاركة الأصلية كتبت بواسطة am00na طيب آنا عندي سؤال محيرني ولازم القى له جوآآب عشان ارتاح السؤال: وش الفرق بين وظيفة " آخصائي الاشعة" ووظيفة " آخصائي استشاري الاشعة" ..؟ يعني اللي ياخذ دكتوراه في الاشعه كيف راح تكون وظيفته ؟ وشكراً مقدمـاً ^_^

بكالوريوس = اخصائي اشعة

ماجستير = اخصائي اول اشعة

دكتوراة = استشاري اشعة

انا اقلك الفرق انتي في البكالوريوس اخصائية ككل في اي موداليتي تشتغلي

ماجستير .. تكوني اكثر تخصص ودقة وتبداي تلمي بس في وحدة من الموداليتي وليس الكل

دكتوراة .. تكوني اعمق قي هالموداليتي وتتخصصي في شيء منها وبس

الفرق تغير في الاسم الوظيفي والمرتبة

بكالوريوس لو اشتغلتي بجامعة اسمك معيد ... ماجستير اسمك محاضر .. دكتوراة اسمك دكتور

والحمد لله

اي استفسار اخر بالخدمة ان شاء الله

[CR.7]

السلام عليكم
شكرا لفاتح الموضوع ,,
انا الصراحه عندي اسئله كثيره عن الاشعه
اول شيء مواد الترم الاول (ثقافه واسلام واناتومي وفسيولوجي و فزياء الاشعه و كمبيوتر و اداب المهنه والحمايه من الاشعه) كدا 8 مواد مافي مادة(المصطلاحات الطبيه)؟؟ ولا الترم الثاني؟
...

متى ينزل الجدول ؟؟ وكل سنه نفس الجدول ثابت ولا يتغير ؟؟ وكل الدفعه مع بعض ولا في قروب؟؟ يعني كلنا مع نفس الدكتوره؟

.....

ياريت احد يعطيني فكره كدا بسيطه عن المواد عشان لاننصدم اول ما ندخل يعني اهم شيء كيف نذاكر ومن فين ؟؟ اش المواد الي يحتاج لها تركيز ؟؟

.....
يدرسوا البنات دكاتره؟؟ يعني احنا والاولاد نفس الدكاتره ؟
خلاص اخر شيء عارفه مراا زودتها ..
حننزل المستشفى اول ترم؟؟
احتاااج احد يجاوبني عشان ادخل وانا مستوعبه الموضوع ومايسير معايا زي الي سار في التحضيري
وشكرا جزيلا!!

[Radiology]

السلام عليكم شكرا لفاتح الموضوع ,, انا الصراحه عندي اسئله كثيره عن الاشعه اول شيء مواد الترم الاول (ثقافه واسلام واناتومي وفسيولوجي و فزياء الاشعه و كمبيوتر و اداب المهنه والحمايه من الاشعه) كدا 8 مواد مافي مادة(المصطلاحات الطبيه)؟؟ ولا الترم الثاني؟

العفو .. لا يوجد مادة باسم ( المصطلحات الطبية ) .. وأغلب المصطلحات تكتسب من المواد الأخرى ..

متى ينزل الجدول ؟؟ وكل سنه نفس الجدول ثابت ولا يتغير ؟؟ وكل الدفعه مع بعض ولا في قروب؟؟ يعني كلنا مع نفس الدكتوره؟

الجدول ينزل بداية السنة الدراسية ويكون ثابت ولا يتغير إلا بالتفاهم مع أحد أعضاء هيئة التدريس على تقديم محاضرة أو تأخير محاضرة فقط حسب الإمكانيات المتاحة ..


وكل سنة دارسية فصلين فقط فصل للطلاب وآخر للطالبات .. بمعني أنك بتكوني مع الطالبات في نفس الفصل ومع نفس الدكاترة ونفس أوقات المحاضرات .

ياريت احد يعطيني فكره كدا بسيطه عن المواد عشان لاننصدم اول ما ندخل يعني اهم شيء كيف نذاكر ومن فين ؟؟ اش المواد الي يحتاج لها تركيز ؟؟

كل المواد بإذن الله بسيطة للمجتهد .. والمذاكرة تكون من مذكرات تأخذونها من الدكاترة ..

يدرسوا البنات دكاتره؟؟ يعني احنا والاولاد نفس الدكاتره ؟ خلاص اخر شيء عارفه مراا زودتها .. حننزل المستشفى اول ترم؟؟ احتاااج احد يجاوبني عشان ادخل وانا مستوعبه الموضوع ومايسير معايا زي الي سار في التحضيري وشكرا جزيلا!!

أغلب المواد يدرسونكم دكاترة ودكتورات ويدرسون الأولاد نفس الدكاترة والدكتورات لكن فيه مواد تختلف بحيث يدرس الطلاب دكتور والطالبات دكتورة .. أما المستشفى مو من أول ترم .. ممكن من الترم الثاني تكون لكم زيارات خفيفة للمستشفى لكن التطبيق الفعلي من سنة ثالثة .

[طارق الحارثي]

^^
انا طالب مستجد مثلك وكمان ابغى اشعة
بجاوبك على الي اعرفه فقط
بخصوص المصطلحات الطبية ...
مافي مادة بهالاسم
المصطلحات الطبية = اناتومي + الفسيولوجي << اتوقع كذا .. يصححولي الاخوان اذا كنت مخطئ

[CR.7]

شكرا على الرد السريع كفيتو ووفيتو (طارق و Radiology)

طيب كنت بسأل كمان عن المنتدى حيكون عندنا منتدى ثاني غير هذا للدفعه 11؟؟
...
وانا عندي جدول البنات حق السنه الي فاتت حيكون نفسو؟؟

....
هذا الكلام من منتدى التمريض!!
احنا كمان ندر الاناتومي كدا؟؟ ودكاترتنا نفس دكاترة الطب والتمريض؟؟
Anatomy

هذي المآده عبآره عن ثلآث موآد مع بعض ..
Histology + anatomy + embryology
علم آلتشريح anatomy : حتآخذو فيهآ آسآمي العظآم والعضلاآت و كل جهآز في جسم الآنسآن آيش المصطلح الآنجليزي حقهـ و وظيفتهـ وكذآ ،
علم الآجنه embryology : حتآخذو الجنين وتكونهـ من بدآية تكوينهـ للولآده ~> مآده جدا ممتعهـ ..
علم الخليه Histology : تتكلم عن الخلآيآ وآنوآعهآ وظآئفهآ .. الخ ،،


....
كل شويه افتكر سؤال :$
دحين الاختبارات كيف حتكون لكل ماده كم ميد ترم؟؟ يعني كيف تقسيم الدرجات ؟؟

شكرا مرا ثانيه

[Radiology]

شكرا على الرد السريع كفيتو ووفيتو (طارق و radiology)

العفو .. لا شكر على واجب

طيب كنت بسأل كمان عن المنتدى حيكون عندنا منتدى ثاني غير هذا للدفعه 11؟؟

أنا أشوف أن هالمنتدى جميل ويوفي بالغرض وممكن تعلموا قروب على الفيس بوك مثلاً

وانا عندي جدول البنات حق السنه الي فاتت حيكون نفسو؟؟

لا مو شرط ممكن تتغير .. خلال السنتين الماضية ما كانت نفس الجداول .. أقصد من ناحية الأوقات لكن من ناحية المواد طبعاً نفس المواد

هذا الكلام من منتدى التمريض!! احنا كمان ندر الاناتومي كدا؟؟ ودكاترتنا نفس دكاترة الطب والتمريض؟؟ anatomy هذي المآده عبآره عن ثلآث موآد مع بعض .. Histology + anatomy + embryology علم آلتشريح anatomy : حتآخذو فيهآ آسآمي العظآم والعضلاآت و كل جهآز في جسم الآنسآن آيش المصطلح الآنجليزي حقهـ و وظيفتهـ وكذآ ، علم الآجنه embryology : حتآخذو الجنين وتكونهـ من بدآية تكوينهـ للولآده ~> مآده جدا ممتعهـ .. علم الخليه histology : تتكلم عن الخلآيآ وآنوآعهآ وظآئفهآ .. الخ ،،

لا لا .. إحنا ندرس علم التشريح فقط لأن هذا اللي يهمنا لكن الأجنة والخلية ما لنا صلاح فيها .

كل شويه افتكر سؤال :$ دحين الاختبارات كيف حتكون لكل ماده كم ميد ترم؟؟ يعني كيف تقسيم الدرجات ؟؟ شكرا مرا ثانيه

كل مادة تختلف عن الأخرى بحسب الدكتور .. بس الأغلب يكون (30 درجة) تقسم على إختبارين دوريين ، و(10 درجات) للبحوث أو البرزنتيشن ، و(40 درجة) للإختبار النهائي و(20 درجة) للإختبار النهائي العملي .. أما إذا المادة ما فيها عملي حيكون الاختبار النهائي من (60 درجة)
وعفواً مرة ثانية

[CR.7]

الله يجزاك خير شكرا مرا ثالته!! :)