أفيدوني بارك الله فيكم

[ابوغدون]

الأمور سهله في التحظيري بس يبغى مذاكرة وأنصحك تأخذ مدرس للرياضيات والاحصاء مثل انا متخرج من الثانوي من عام 1418-1419 شرعي وخلصت التحظيري بس حملت الاحصاء وانجليزي 102 لهذه السنه بس أعوضها إن شاء الله

[miss-busy]

والله ياخوي اللإحصاء مافي أسهل منه سهل وتافه زي مايقولوا مووووويه بس عليك تفهم دلالات الرموز والقوانين وكيف تحل عالقوانين وكمان تعرف كيف تستخدم الأله وبس يصير فالك الـ 100
لكنها مادة تحتاج تذاكرها أول بأول وتمر عليها كذا مرة وان شالله تتسهل لك

أما الرياضيات صدقني هو منهج سهل وغير معقد أبدا وأكثره من دروس المتوسط وفي بابين من دروس الثانوي الأول عن المعادلات حتى المعادلات نعرفها من المتوسط وسهل مرة بس تركز عالقوانين
والثاني عن الدوال أنا بصراحة عقدني هذا الباب لكن في النهاية مشي معاي الحمد لله مو كلو صعب بس أخره
أما الأبواب الأولى كلها تافهه تتكلم عن مجموعة الأعداد ( طبيعية ، كلية ، صحيحة ... )
وعن المجموعات ( ينتمي ، جزئية ... )
وعن العمليات الجبرية ( جمع وطرح وقسمة وضرب مع قاعدات الإشارات )
والبابين الأخيرة زي ماقلت لك معدلات ودوال

انت لاتشيل هم أنا كمان كنت أدبي ولاأعرف في الرياضيات ولا الأرقام شي الحمد لله لكن حضرت محاضرات المادة من أكثر من أستاذة وفهمته ولقيته سهل الحمد لله

المشكلة أحيانا تكون في الإختبار أحيانا يعني تجي بعض أسئلة الإختبار شوي صعبه والباقي الحمد لله هين وربي يسهلها عليك دامك طالب علم لاتخاف ربي معاك

أنا كمان كنت منقطعة عن الدراسة لفترة لكن الحمد لله اتسهلت أموري وان شالله تتسهل لك انت كمان

موفق