مطلوب مطوّع ..,

[حلاها زايد]

المشاركة الأصلية كتبت بواسطة life as game باااك ,,جينا من الطايف والطايف رخا ,, والساقية تسقي يا سما سما.. دشرررة واللهي اجواء خيالية ..غيوم وجو ابرد بشكللل اني واي ..حقول ايش صار معانا .. بعد ما جمعنا اكبر عدد من المطاوعة ..جلسنا نسوي فرز للأحسن وطبعا كانوا مطاوعة الطايف من القائمة .. ودينا صاحبي لواحد هناك يمدحوه مرة وخلاص حيستمر معاه ان شاء الله ,, المسكين اتاري عندو بلاوي الله لا يوريكم ,, المطوع يقول عندو عين من عمرو 16 وهيا السبب في مرض السكر اللي جاه وبما انو جاي متأخر ما حيقدر يبعد عنو مرض السكر لكن المصيبة التانية انو دحين حيجيه مرض القلب بعدها ..الله يحميه حسب كلام المطوع لو استمر في العلاج حيتوقف المرض التاني ان شاء الله ,, والله كنت دايماا اشوفو يدوخ علينا ويرتفع عندو السكر ومشاكل مع اهلو دايما وفي الدراسة ,,الادمي شيّب وهوا لسى في التانوي ,, ما خطر على بال احد انو فيه عين و تنخر فيه يوم عن يوم لا احد يقول ما رحتوا المستشفى والا حاجة ..لانو كان اسبوعيا هناك ولا فادوه بشي,, يادوب ابر انسولين وبس ,, ما كنت حاقول لكم القصة بس ما حبيت احد منكم يحس انو ضيع وقتو يجيب لي الارقام ,, وكمان ابغاكم تدعوا ليه عالاقل يستمر في العلاج والله بالقوة وبعد ما كنت حاتضارب معاه عشان يروح يتعالج ,, بالله ادعوا ليه .,هوا اعز اصحابي واقدر احلف ما احد يلاقي زي الادمي دا ..

الله يشفيه يارب اجر وعافية
ترى فعلا مرض السكر من الامراض اللي سببها العين
الحين كيف عرفتو انه رح يجية القلب؟؟
الارتفاع عنده اكيد بيكون سبب من الثلاثة يانو ماياخذ علاجة بانتظام او مايتحرك او ياكل حلو ودسم كثير بما انك صاحبة خليه كل يوم يمشي نص ساعة رح تفرق معاه كثير
بقولك على شي مره خطير لمرضى السكر اللي دايما ملخبط عندهم في شي الحين اسمه مضخة انسولين ابحث عنها وشوف اختراع خطييير وكل اللي ركبوها ارتاحو
الله يسعدك انك مهتم في صاحبك نادر الناس اللي كذا لك الاجر ان شاءالله

[Life as Game]

المشاركة الأصلية كتبت بواسطة حلاها زايد الله يشفيه يارب اجر وعافية ترى فعلا مرض السكر من الامراض اللي سببها العين الحين كيف عرفتو انه رح يجية القلب؟؟

امين يارب ,,

والله عرفنا لانو صار يحس بألم في في القلب ومرات ما يقدر يتحرك خصوصا السنة دي ,,
ومرات يتنوم في المستشفى ,,و و و حاجات كتير والله
باختصار الله يشفيه ولا يبتليكم ,,

الارتفاع عنده اكيد بيكون سبب من الثلاثة يانو ماياخذ علاجة بانتظام او مايتحرك او ياكل حلو ودسم كثير بما انك صاحبة خليه كل يوم يمشي نص ساعة رح تفرق معاه كثير

هوا دوبو بدا في العلاج ,,
وبالنسبة للمشي ..دا الادمي اصلا ما يستريح ..طالع نازل رايح جاي 24 ساعة
اهلك نفسو على لاشيء
والسبب اولا واخيرا حالتو النفسية لانها تغيرت من اول ما اصيب بالعين ..طبعا

بقولك على شي مره خطير لمرضى السكر اللي دايما ملخبط عندهم في شي الحين اسمه مضخة انسولين ابحث عنها وشوف اختراع خطييير وكل اللي ركبوها ارتاحو الله يسعدك انك مهتم في صاحبك نادر الناس اللي كذا لك الاجر ان شاءالله

السكر هوا عندو خفيف الحمدلله يعني مو دايما يحتاج العلاج بس حيكون في اي وقت معرض للارتفاع او الانخفاض ,,
بس زي ما قلت قبل الحالة النفسية لها الاسباب الاساسية
مشكورة ما قصرتي ,,
وبخصوص اني مهتم فيه الصراحة مدري اضحك والا ابكي ,,
لاني ما سويت نص اللي سواه معاي ,,
امين واياك ,,نورتي