الأسلوب الرزيل ، خير اسلوب

[RHF]

رهف ازا كان قصدك من دي الناحية .. اوك حتكلم عن بعض الشباب اعرف طبعا كتير اقاربي متزوجين (شباب) المهم لمن يطلبو حريمهم وديني ..افعلي.. متى نروح.. كان جوابهم طبعا الاغلبية انو لا يعني مو عن عناد بس الواحد زي ما يقولولي يكون مكسر وتعبان مافيلو حيل وبعض حريمهم يقدروهم ويقولو خلاص مافي مشكلة وبعدين بدامتك تعبان والبعض يزعلو ولمن يزعلو بعضهم يقومو يسوولهم الحاجه دي وبعضهم يطنشوهم (مع نفسهم يعني) ولمن اسالو اقولو لي تطنشها ؟؟ يقولي ازا هيا ما قدرتني وانا تعبان ومافيا حيل وفي وقت تاني خلاص فهادي للاسف انسانه ماتحب الا نفسها وتلبي محتياجاتها وبس قلتلو لي ما تصارحها وتقلها زي كده؟؟ قالي اخاف لا تزعل !! قلتلو الصراحه ما تزعل واللي بيزعل من الصراحة لا تكمل معاه في الكلام وراح وكلمها وصارحها وطلعت هيا الغلطانه واعتزرت وكلوو وسارت تقدرو ازا هوا تعبان او مالو نفس يخرج بره البيت وتخليها في وقت تاني ...... انا بالنسبة ليا طبعا لساعي مني متزوج ولله الحمممممد لكن حتكلم من ناحية ازا اهلي طلبو مني شي ازا اهلي طلبو مني حاجه اسويها وارجع وماتاخد وقت اوك وازا الحاجه بتطوول بالمرره برضو اوك لكن انا لو عندي كمثال بكره اختبار او بكره مرتبط والليل اتاخر ولازم انام من بدري فما اقدر طبعا انا لمن اعتزر ماراح يزعلو مني لنو الحمدلله ما قيد طلبو مني شي الا لبيتو ع طول >>اختي تقول ياحظها مرتك..قلتلها ارتاحي محا اتزوج مره وبلا قرف اهجدي بس

ممممممم والله يا دافئ يعجبني كلامك و ردودك كلها منطقية

( سبقتني اختك لمن قالت كدا )


الصراحة انقهر من الاولاد اللي يقولو رفضت لانها ما قدرتني و مدري ايششش
احس مع نفسهم اكتر شششششششي :@:@

لاكن برضو صادقين و كويس انو قال لمرتو و ناقشها

( لازم الواحد وقت يبدأ حياتو مع شريكو الجديد ، يتفاهمو على كل دي الاشياء )

[دافئ الإحساس]

المشاركة الأصلية كتبت بواسطة rhf ممممممم والله يا دافئ يعجبني كلامك و ردودك كلها منطقية ( سبقتني اختك لمن قالت كدا ) الصراحة انقهر من الاولاد اللي يقولو رفضت لانها ما قدرتني و مدري ايششش احس مع نفسهم اكتر شششششششي :@:@ لاكن برضو صادقين و كويس انو قال لمرتو و ناقشها ( لازم الواحد وقت يبدأ حياتو مع شريكو الجديد ، يتفاهمو على كل دي الاشياء )

احلى حاجه في الدنيا الصراحة

والتفاهم

اسف يا اختي ازا حدخل في موضوع تاني بس انو يتكلم عن التفاهم والصراحة

والاقناع لكلا الطرفين

...

يقولو الزواج من الاقارب عقارب

انا ما أؤيد دا الكلام وصحيح انو ممكن يجيب مشاكل بس دحين اللي يسمع دا الكلام

انو اللي يتزوج نم برا انو ما في مشاكل مره !!!

سبحان الله

سبحان الخالق

احس انو في لعب في الكلام ولعب بعقول الشباب والبنات

المشاكل لو بتجي كان جات بيد اي واحد

والكباب لمن يحطو النظرية ي في عقل بزورتهم من دحين ما ينفع

افرررضي ولدو كبر ويبا يتزوج بنت خالتو مسلن

هادا مثال يعني

معقولا محا يتزوجها بسبب الكلام اللي بتقولوو

يعني خلاص اتزوج من بره ومافي مشاكل للابد

هوا الكلام بالنسبه ليا يضحكني لنو تافه ومالو مبدأ للاسف!!

انا اتكلمت في دا الموضوع مع استادي حق الفقه

وقالي بالمزح في راسك وحده خخخخ

قلتلو لا والله بس انو قريتو في احد النمتديات

والكبار يقولوو كمان

فحبيت اخد رايك لنك انتا ادرى وابا كلام ديني وغير كده ما اقبل ^_^

اللي قالو هوا انو اي احد يقول دا الكلام يأثم ولا يجوز ابدأأأأأأأأأ

وقالي ع كم حاجه سارت ايام الرسول انو اتجوزو من الاقارب وكده

مني فاكر واللهي ومابا اصرف واكيس من عندي

المهم

انو دا الملام في النهاية حرام

ولمن جيت افهم الكبار باللي فهمتو كلي واحد رمى للاكبر منوو

اوك اوك خلاص اتزوجو دولا الاتنين اللي من الاقارب

ودايما الحمدلله متفقين ع لصراحة والتفاهم والتقدير بيناتهم

باللهي لمن اتنين يكون زي ما قولت حتحصل بيناتهم مشاكل !!!

حتى لو حصلن بس في النهاية حيتصالحو لنو مالهم الا بعض

اما ازا اتنين لا يفهمو في التفاهم ولا يفهمو ولا في اي شي

فاكيد محا يستمروو

فا انا ع حسب نظري ورأي في الموضوع انو بالتفاهم الحياة

مافي احلى منها ^_*

واتوقع لا ومتاكد كمان هما كانو يقولو عقارب وكده بسبب تدخل الامهات بين الزوجين

المهم

ماحبيت افتح موضوع تاني ,,,واروجو لا تضايقو مني بسبب فتحيي لموضوع داخل موضوع الاخت

بس انا قصدي انو التفاهم والا فلا هع
موفقين