ممكن تصححولي النظرة هاذي؟؟!!..

[واثق الخطى 1]

المشاركة الأصلية كتبت بواسطة محمد بن عيضه السلام عليكم ورحمة الله وبركاته طبعاً بما أني صاحب الرد إلي فيه حكاية البترجي لازم إني أرد واضح يا أختي إنك فاهمة القذف والتشهير غلط يا أختي لما أقلك هنا في السعودية تضبط جماعة الأمر بالمعروف والنهي عن المنكر الكثير من حالات الزنا هل معنى ذلك إني قذفت وشهرت بأهل السعودية ؟؟؟؟!!!!! فأنا اللي قلته أنه ضبطت في البترجي حالات زنا هل معنى ذلك إني قذفت طلاب البترجي ؟؟!! إذا كان فعلاً هذا قذف أعطيني أسماء اللي أنا قذفتهم أو شهرت فيهم . وبعدين يا أختي لما تقولي : يعني هما ماراحوا للجامعة إلا عشان الزنا . ما أدري إش تقصدي لكن إذا فهمتي من ردي إني أقول أنو طلاب البترجي ماراحو الجامعة إلا عشان الزنا فأحب أقلك إنو مافي أي شيء في ردي يدل على كذا أنا مع الأخت صاحبة الموضوع هيا كل مافي الأمر إنها شافت تصرفات وسلوكيات سيئة وقاعدة تعلق عليها فا أنا ماأدري إش المستفز في موضوعها وبالنسبة لما تتكلمي على المذاهب الأربعة أنا ما أدري إش دخل الإختلافات بين المذاهب الأربعة في الموضوع يعني هيا ذكرت ملاحظات وقصة فيها سلوكيات خاطئة شرعاً بالإجماع في المذاهب الأربعة يعني مافيه مذهب يقول إنه الكدش حلال ولا مذهب يقول عايدي البنت تجلس مع ولد ويدردشوا هذي أشياء محرمة ولا شك في ذلك وترا حتى لو كانو مثلاً يتناقشوا في الدراسة هذا شيء محرم وبالإجماع وشيء آخر لما تقولي أنا راح أترك الجدال يبدو إنك أيضاً فاهمة الجدال خطأ ترى إحنا نتناقش مو نتجادل والفرق بين الإثنين كبير جداً فإذا إنتي تكتبي وإنتي تعتبريه جدال إحنا نعتبره نقاش وبالنسبة للإخوان اللي يقولوا الكدش حرية شخصية وماأدري كيف ياأخوان لا تتأثروا بالكلام اللي تسمعو في التلفزيون والإعلام فيه شيء لازم نفهمه إحنا مو زي المجتمعات اللي برا تعتبر مثل هالسلوكيات حرية وليست خطأ لإننا وبإختصار عندنا دين يبين لنا إش هوا الصح وإش هوا الخطأ والكدش والكثير من السلوكيات مثل الطيحني والإسكني وغيرها محرمه شرعاً لأسباب كثيرة بإمكانكم البحث عنها وإللي ربي بلاهم بمثل هذي الأشياء لا يتكبر ويقول حرية ومادري كيف بل عليه إنه يستغفر ويدعي ربه بالهداية والصلاح وآخر نقطة أنا أحيي أختي صاحبة الموضوع وأهنيها على هذه الروح وعلى هذه الغيره على دينها وطبعاً للأسف هذه الأخطاء لا تقتصر على طلاب الطب إمكن كانت واضحة في الدكاتره عن غيرهم إنهم أنحطوا في بيئة مختلطة وهي بيئة المستشفى يعني لو كان في الهندسة مثلاً إختلاط أو في أي تخصص ثاني راح تلقى نفس الأخطاء من البعض وإمكن أكثر . والسلام عليكم

اخويه محمد عيضه
ارجوا ان تذكر ليه دليل يحرم الكدش والسكيني يعني طيحني ممكن لكن الباقيه مررررررره ماتنبلع

[محمد بن عيضه]

المشاركة الأصلية كتبت بواسطة واثق الخطى 1 اخويه محمد عيضه ارجوا ان تذكر ليه دليل يحرم الكدش والسكيني يعني طيحني ممكن لكن الباقيه مررررررره ماتنبلع

حياك الله أخوي وكل عام وأنت بخير والله يجعل الشهر مبارك عليك وعليا وعلى الجميع
اللهم آمين

أنا بإذن الله عندي اللي يقنع إنها لاتجوز لكن أنا في شيء في ردك شدني فراح أسألك قبل ما أجاوب
ذحين إحنا لما نتكلم عن الحلال والحرام نرجع للعلم الشرعي اللي نستمده من القرآن والسنة صح ولا لا ؟!!
طيب إنت لما ماشاء الله تقول : مررررررره ماتنبلع . على أي أساس قلت الكلمة ذي هل هو على أساس شرعي ولا بس قلتها حدس يعني كذا ماتتوقع إنها ما تجوز ؟
طيب أنا أسألك وأبغى تجاوبني بصراحة ( وإنت إن شاء الله من أهل الصدق والصراحة ) إنت تعرف الضوابط الشرعية في اللباس والهيئة ؟ ولا ماتعرف إذا كنت تعرف ممكن تقولي هيا ؟ وإذا ماكنت تعرف الضوابط على أي أساس قلت إنها مرررررره ماتنبلع ؟؟؟

وخلي صدرك واسع معايا إحنا نتناقش
وإن شاء الله جايك ردي

والسلام عليكم

[واثق الخطى 1]

المشاركة الأصلية كتبت بواسطة محمد بن عيضه حياك الله أخوي وكل عام وأنت بخير والله يجعل الشهر مبارك عليك وعليا وعلى الجميع اللهم آمين أنا بإذن الله عندي اللي يقنع إنها لاتجوز لكن أنا في شيء في ردك شدني فراح أسألك قبل ما أجاوب ذحين إحنا لما نتكلم عن الحلال والحرام نرجع للعلم الشرعي اللي نستمده من القرآن والسنة صح ولا لا ؟!! طيب إنت لما ماشاء الله تقول : مررررررره ماتنبلع . على أي أساس قلت الكلمة ذي هل هو على أساس شرعي ولا بس قلتها حدس يعني كذا ماتتوقع إنها ما تجوز ؟ طيب أنا أسألك وأبغى تجاوبني بصراحة ( وإنت إن شاء الله من أهل الصدق والصراحة ) إنت تعرف الضوابط الشرعية في اللباس والهيئة ؟ ولا ماتعرف إذا كنت تعرف ممكن تقولي هيا ؟ وإذا ماكنت تعرف الضوابط على أي أساس قلت إنها مرررررره ماتنبلع ؟؟؟ وخلي صدرك واسع معايا إحنا نتناقش وإن شاء الله جايك ردي والسلام عليكم

اهلين اخوي محمد عيضه
انا الحمدلله صدري رحب لكن انا اشوف ان الموضوع ذى الغرض منه تشويه صورة افضل مهنة انسااانية

بس ما تلاحظ حبيبي انك بديت تجاوب اسألتي بأسئلة لكن نو بروبلم
طيب سمعت حديث النبي صلى الله عليه وسلم ((عورة الرجل من السرة الى الركبة)) هذي خلاصة الكلام بعدين حبيبي انا ما اكتب كلام بمجرد حدس الله يهديك ويهدينا
طيب السكيني عشانه ضيق من تحت خلاص صار حرام
طيب الكدش((للمعلومية انا ما عمري سويت كدش وما اقدر لان شعري مو ملفلف ولو كان ملفلف كان سويته عادي)) اش هو المحرم فيها؟؟؟؟

ارجوا ان تذكر لي الادلة اخوي واعتذر ع الاطالة

وشكرا