شرح عملية الحذف والإضافة للمستجـدين

[جيزان]

المشاركة الأصلية كتبت بواسطة lelou تصدقي كنت بقولها بس نسيتها.. ذكرتيني الله يذكرك بالشهادة قولي آمين.. طيب.. فيزياء 200.. اسمها: أمن و سلامة مختبرات.. رمزها و رقمها: Phys 200.. المادة هذي سهلة جدًا جدًا.. كل الكلام إللي فيها بديهي و ما يحتاج.. تتكلم عن كيف تتصرفي في المعمل.. كل الكلام بديهي يعني قراءة بتركيز مع حفظ بعض المعلومات الجديدة و المادة هذي في الجيب بإذن الله.. و محاضرة واحدة في الأسبوع ساعة يعني ما راح تسبب أزمة و لا شي.. و المحاضرات في السميستر كله 7 أو 8.. أخذتها مع دكتورة نور الهدى.. بصراحة هي ما كانت تسوي شي غير انها تترجم الكلام إللي في الملزمة لأنه بصراحة ما كان فيه شي ينشرح أصلا.. و لو فيه شي يبغاله توضيح ممكن معلومة بسيطة و كانت توضحها.. و كان فيه 10 درجات على الحضور و كل غياب تنقصك عليه درجة واحدة.. ................................. ديدي يا عسل شوفي ترى المعمل مو صعب.. بس أنا قلت كذا لأنه بصراحة راح يعمل ضغط و أنا حسيته سوى لي ضغط رهيييب.. و هو كله بساعة يعني ما راح يسوي شي بالمعدل فحسيت أنه مو مستاهل الكرف و أنا أخذت فيه a+ ولله الحمد.. فلو عندك استعدادية أنك تتحملي الضغط و إنتي حقت كرف خذيه و الله يعينك بس لو ما عندك يا تاخذي معمل الكيمياء بداله.. يا تخلي المعامل في المستوى الرابع.. بس أنا لسا ما أخذت مواد المستوى الرابع فما أقدر أحكم على الوضع كيف راح يكون بمعمل الفيزياء و الكيمياء بس البنات يقولوا لي أنه أخف بكثييييير من المستوى الثالث.. و إنتي استخيري.. و موفقة يا عسل||~

ممكن اعرف انتي في السليمانيه او الفيصليه ؟؟
عارفه انه سؤالي سخيف

[LeLou]

المشاركة الأصلية كتبت بواسطة a7la dede 8 آمين ويآآآكي واذا على كدا ..بإذن الله راح اخوذها بالمستوى الرابع ويصير عندي معملين بكل مستوى .. ماابغى اضغط على نفسي ويعطيكي ربي الف عاافيه ..مشكورة و مآقصرتي والشكر أكيــد موصول لخيتو بيوكيميائية .. مآآننحرم ’,

الله يعافيكي يا عسل..
و أنا كمان أشكر الأخت بيو كيميائية لإتاحة الفرصة لي للتحدث عن مواد القسم..

و زي ما قلت لك أنا ما أخذت المستوى الرابع لسا فما أعرف كيف حيكون الوضع عشان أكون صريحة معاكي فلا تدعي عليا ..
بس بصراحة أنا كنت طول السميستر أقول يا ريتني ما أخذت المعمل ده..
و أنا قلت رأيي فيه و بكل صراحة و كل إللي أعرفهم وافقوني على ثقالة دمه..
إنتي استخيري أحسن شي..
.......................

المشاركة الأصلية كتبت بواسطة جيزان ممكن اعرف انتي في السليمانيه او الفيصليه ؟؟ عارفه انه سؤالي سخيف

عادي يا عسل اتفضلي اسألي إللي يعجبك..
أنا في السليمانية>> لا يكون عرفتيني خخخخ ..

[جيزان]

لا يااعسل انا اساسا عمري ماادرست في السليمانيه ,, درست التحضيري في الشرفيه وكان عندي ترم صيفي في الفيصليه ,, وهناك تعرفت ع وحده تخصصها فيزياء
ونفس كلامك واسلوبك وحبوبه .. بعدين شكيت انها انتي
بسس

بيو كيميائيه الله يسعدك يااارب ويوفقك والله اليوم دعيت لك من جد عمري مااشفت وحده تحب تساعد مثلك ,, يااارب يوفقك وينور لك طريقك ويحقق كل الي تتمنيه ياااارب

[jorey2009]

الله يسعدك يابايو ويحققلك كل اللي تتمنينه من جد انساااااااااااااااااانة رائعة ..
انا ناوية احول بعد سنة واخترت كيمياء حيوي ايش المواد اللي تنصحيني اخذها؟؟!! وشوووووكرا ياعسل..^^

[بيو كيميائية ^_^]

المشاركة الأصلية كتبت بواسطة جيزان لا يااعسل انا اساسا عمري ماادرست في السليمانيه ,, درست التحضيري في الشرفيه وكان عندي ترم صيفي في الفيصليه ,, وهناك تعرفت ع وحده تخصصها فيزياء ونفس كلامك واسلوبك وحبوبه .. بعدين شكيت انها انتي بسس بيو كيميائيه الله يسعدك يااارب ويوفقك والله اليوم دعيت لك من جد عمري مااشفت وحده تحب تساعد مثلك ,, يااارب يوفقك وينور لك طريقك ويحقق كل الي تتمنيه ياااارب

آمين يارب

المشاركة الأصلية كتبت بواسطة jorey2009 الله يسعدك يابايو ويحققلك كل اللي تتمنينه من جد انساااااااااااااااااانة رائعة .. انا ناوية احول بعد سنة واخترت كيمياء حيوي ايش المواد اللي تنصحيني اخذها؟؟!! وشوووووكرا ياعسل..^^

آمين يارب

شوفي ياحلوة قبل ماأقول لك

أول شيء معدلكـ واطي وإلا معدلكـ كويس

لو معدلك واطي مستحيل يوصل في سنة 4ونص يرتفع ايوا لكن يوصل إلى 4ونص لا

مو تحطيم بس واقع

المهم أنا أفضل تاخذي كيمياء حيوي عامـ وثقافة وعربي ومعمل كيمياء 281 ومعمل أحياء 281

وفلكـ بأربع ساعات هذه المادة

كذا هذا الترم 15 ساعة أهم شيء أهم شيء تركزي عليه كيمياء حيوي وفلكـ لأنهم بأربع ساعات ترفع معدلك عالي جدًا ولو أهملتيهم تنزلكـ عدل

حابة تاخذي أكثر من 15 براحتكـ بس أنا أشوف 15 كويسة كونك بتحولي

الترم الثاني خذي إنزايم وعربي2 وثقافة2 ومادتين حرة وأمن وسلامة بساعة بكذا يكون 15 ساعة

أنا عمدًا قلت لك تاخذي كيمياء حيوي عشان تفتح لك إنزايم وتاخذيها عشان لو قدر الله وماأنكتب لك التحويل ماتضيع عليكِ سنة كاملة

لو أنتِ شطورة وفيه أحد المواد الموجودة في الصفحة الأولى وتشوفي نفسك تقدري تاخذيها وترفعكـ خذيها

[jorey2009]

شووووووكرا بايو ريحتيني خلاص حأمشي على هذا الجدول ^^
معدلي 4.37 وإن شاء الله ارفعه اكثر... شكرا مرة ثانية

[بيو كيميائية ^_^]

المشاركة الأصلية كتبت بواسطة jorey2009 شووووووكرا بايو ريحتيني خلاص حأمشي على هذا الجدول ^^ معدلي 4.37 وإن شاء الله ارفعه اكثر... شكرا مرة ثانية

ماشاء الله بإذن الله راح تتحولي

وبيكون فوق النص بس لا تهملين وتنزلينه

يوميًا ذاكري عشان تحولي

[جووووووري]

المشاركة الأصلية كتبت بواسطة بيو كيميائية ^_^ الله يعافيكـ إحنا كيمياء حيوي ماينزل لنا إلا بعد ماندرس بس الكيمياء نزلت والأحياء تنزل بس مو أول يوم بعدين بس قبل مايسكر الحذف والإضافة فتوكلي على الله والله يكتب لك الخير

يعني مو على كيفي أختار شعب الأستاذات إلى أبغاهم !!!
يعني راح أزبط جدولي وأنا مو عارفة مين راح يدرسني !!
لاا بالله مستحييلللللل !! كده بالحظظظ !!

[جووووووري]

عندي عدة استفهامات !

الكيميا العضوية chem 230 و الأحياء bio 202 (( اربعة ساعات ))
يعني كم محاضرة في الأسبوع تكون ؟
وكمان اللغة العربية arab 101 (( ثلاث ساعات )) كم محاضرة في الأسبوع 3 ولا 2 ؟
آخر سؤال .. المعامل chem 281 و bio 281 مرة وحدة في الأسبوع ؟


والله يجزاكم خير يارب

[الشيمآء]

الكيميآء العضويـة و الأحيآء 202 يآ تآخديهـم سبت و اتنين و ربوع - المحآضـرة سآعـة - + معمل
أو أحد و تلوت - بـ سآعـة و نص - + معمل

اللغـة العربيـة نفس النظآم .. يآ تلاتة ايام كل يوم سآعـة , أو يومين بـ سآعـة و نص

و يب , معمل البيو281 و الكيم281 مرة وحدة في الأسبوع :) .