كُلِّ مَا يَخْتَصُّ بِالْدَّوْرَةِ التاهيَلَيْهُ (الطلاب فقط)

[good_boy]

المشاركة الأصلية كتبت بواسطة مشاكس هادي السلام عليكم ورحمة الله وبركاتة اخواني الي ما حضروا ...... انا حضرت اليوم بمقر الجامعه ...وهذا مختصر للي اقدر اقدمة لكم بالترتيب مادة الانجليزي ...الاستاذ\محمد خليل >>>مصري الجنسيه >>انسان حبوب واخلاقه عاليه كتب لنا قطعه تتحدث عن نفسه .......وقال ان هاذي القطعه مهمه جداً وفهمها يعتبر شي مهم لانها تحتوي على قرمر وكلمات وغير كذا النقاط المهمه للمادة الانجليزي 1- ذكر الاستاذ انه من الضروري جداً شراء الكتب وحل التمارين 2- ذكر الاستاذ ان هذه السنه ربما يكون بالاختبار ((كتابه))يعني الطالب يكتب نبذه عن نفسه .. طبعاً انا استغربت كلامه وسالت شلون يا استاذ >>قال راح تجي قطعه وناقصها كلمات ولابد من اختيار الكلمات الصحيحه>>يعني خيارات ((هذا على حسب فهمي ..وللاخوان الي حضروا التعليق)) 3- ذكر الاستاذ ايميله ورقم جواله .....وذكر من يريد يسال عن شي معين فهو بالخدمه 4- شرح الاستاذ الافعال الماضي والمضارع وشرح ممتاز جداً بس مشكلتة سريع وسلامتكم مادة الاحصاء حضر لنا الاستاذ فهد النقاط المهمه في مادة الاحصاء 1- ذكر الاستاذ ان امامننا خيارات اما الكتاب او الرابط الموجود في موقع الجامعه ...وسالته هل الرابط الموجود بموقع الجامعه يغني عن الكتاب وقال نعم (((وياشباب الكتاب افضل بالتاكيد )) 2- ذكر الاستاذ اله حاسبه معينه وهي((fx-82-.ms)) وذكر انها بحدود 33 الي 75 ريال على حسب نقاط البيع >>>طبعاُ انا اشتريت fx-991-edوسالته هل هذه الالة توفي بالغرض وقال نعم وزيادة 3- ذكر الاستاذ ان المادة تحتاج للفهم 4- شرح الاستاذ التكرار النسبي والمتوسط الحسابي والوسيط والمنوال وقفنا هنا وسلامتك مادة مهارة التعلم حضر الاستاذ ((على ما اعتقد اسمه فرحان اذا ماني غلطان))او مفرح...المهم اسمه مكتوب في كتاب مهارة التعلم والتفكير الي اصدرته الجامعه ((طبعه جديده)) 1- ذكر الاستاذ ان هذه الدفعه محضوضه لان المنهج بسيط وكله عباره عن مذكرة تلقونها بالمكتبات الي حول الجامعه((بقيمه عشرة ريال)) 2- شرح وقصص وتمثيل رائع ..يشكر عليه 3- ما فيه شي محدد اقدر اذكرة الا انه يقول لازم تجيبون 100% باذن الله شباب سامحوني اكتب هذا الرد وانا طافي وتعبان ...واستبيحكم عذراً اذا ماقدرت ادخل النت هاليومين ((اخواني الي حضوووورا اذا فيه تعقيب على الكلام اطرحوه يمكن نسيت شي ولا شي كلنا نكمل بعض ونفيد بعض)) تحياتي

مافصرت كفيت ووفيت

بالنسبة لي الانجليزي كويس انه في سؤال مقالي يعطيك فرصه تكتب واحتمال الخطاء فيه اقل من اسئلة الاختيارات والصح والخطاء

[ABDULHADI1]

السلام عليكم ورحمة الله وبركاته
الاخوه الي حضرو الدوره الله يعطيكم العافيه
بالنسبه لمادة الانجليزي هل المقرر جميع الكتب اي 4 كتب
الاحصاء وننتظر من الاخ سلطان انه يزودنا بالمتوفر لديه الله يكتب اجره ويشكر سعيه
والمادتين الثانيه هل المقرر كله معنا ولا تم حذف بعضه
ولكم جزيل الشكر والله يعطيكم العافيه جميعاً

[أبوحسان المكي]

حبايبي أنا خطة أ وكنت حاضر الدورة في قاعة 207

بالنسبة لمادة اللغة الإنجليزية كان شرح الدكتور جدا رائع وهو من الجنسية التونسية .
ووعدنا بأنه يعطينا ملخص نهاية الدورة خاصة به . بس الغريب انه يبغانا نشتري كتب الإنجليزي الإثنين ( الكتاب الأخضر والأحمر + كتابين للتمارين ) يقول هذا هو منهج 101 والله حوسة . بس إن شاء الله الدكتور ما يقصر.
وذكر اننا في هذه السنة يكون عندنا إختبار سماعي ( ليسن ) من عشرة درجات .

بالنسبة لمادة الثقافة الإسلامية الدكتور يقول المنهج من الجلدة للجلدة


اتمنى اني أكون افدتكم ،،،،،،

[عبدالله ابراهيم المسعود]

المشاركة الأصلية كتبت بواسطة أبوحسان المكي حبايبي أنا خطة أ وكنت حاضر الدورة في قاعة 207 بالنسبة لمادة اللغة الإنجليزية كان شرح الدكتور جدا رائع وهو من الجنسية التونسية . ووعدنا بأنه يعطينا ملخص نهاية الدورة خاصة به . بس الغريب انه يبغانا نشتري كتب الإنجليزي الإثنين ( الكتاب الأخضر والأحمر + كتابين للتمارين ) يقول هذا هو منهج 101 والله حوسة . بس إن شاء الله الدكتور ما يقصر. وذكر اننا في هذه السنة يكون عندنا إختبار سماعي ( ليسن ) من عشرة درجات . بالنسبة لمادة الثقافة الإسلامية الدكتور يقول المنهج من الجلدة للجلدة اتمنى اني أكون افدتكم ،،،،،،

ما غريب الا الشيطان هذا الكلام بس يبونا نشتري الكتب عشان يستفيدون وبالنهاية بتلقى الملخصات فيها كل شي والاختبار راح يكون اغلبه منها وسع صدرك