الشكوى ( الرسمية على سذاجة معهد العالمية)

[سلطان بن محمد]

بأختصار وبدون مقدمات

اليوم اختبرنا في حراج

مو قاعة اختبارات

تخلف بأم عينة من عقليات امتزجت بالسذاجة زعدم احترام الاخرين

والشكوى ليست على الجامعه

لانهم وللامانة تميزو بالخلق الرفيع والتعاون الواضح

ولكن موضفين معهد العالمية الذين لم يراعوا الجانب النفسيي ولا الخلقي لطلاب

وتكمن هذة الشكوى

في عدة محاور

اولها مكان القاعة ( موقع حفريات وكان الرياض ضاقت الا بهاذا الموقع )

ثانيها كراسي الجلوس ( اكثرها مكسرة ومستهلكة وقاعد اكتب على فخذي مو على طاولة )

ثالثها الوقت المسلوب منا ( اكثر من ساعة من وقت الاختبار راحت في التنقل مابين قاعة الرجال وقاعت النساء)

رابعها ( وجود فنان وطقاقه في قاعة الاختبار ماسك المايك وقاعد يحرج فوق روسنا كل خمس دقايق باقي من الوقت لي عندك ربع ساعة )
الاخ يبي يلحق على المقهى خرمان وعلى حسابنا يبي يضيع الوقت

اتمنى من الجامعه ان تقدر خاصة وانها نموذجية بجميع الامور

فاتمنى ان لاتفقد الجامعه ثقتها ومكانتها بتعاقدها مع معهد العالمية المتخلف بجميع منسوبية وواضح هدفهم المادي خاصة بالقاعة اللي ماخذينها ب 2000 ريال باليوم )

حسبي اللة ونعم الوكيل

راح وقتنا وفلوسنا وفي النهاية تختبر 60 سؤال بنص ساعة

انا من الترم الجاي راح اختبر بجدة لو اصرف 10 الاف بس ما نهان من منسوبين العالمية

اترك لكم المجال باضافة ملاحظاتكم

واتمنى ان ينظر بموضوعنا من قبل جامعتنا الغالية التي سلمتنا ل ............

واللة الموفق

[aziz1010]

والله انك صادق وحسبنا الله

[رهيب]

نضم صوتنا لصوووووووووتك وبقووووووووووه

مستحيل اختبر في الرياض بعد كذااااااااااا

لكن كيف نوصل الشكوى ؟؟؟؟؟؟؟؟؟؟

[فهد الحامد]

خل عنك سالفة الساعه تأخير اللي ا لواحد طفش وهو يحتري ورقة الاسئلة ومل من الكرسي وصرت اعبيها كيف ما اتفق من الملل ..


كل هذي كوم .. والفنان اللي كل شوي يستعرض بصوته بالمايك .. ويستلم المايك الفنان اللي بعده ويقول ( أحلى مايك من احلى شباب ) ويبدى يتفلس ........... كلها في كوم ثاني.

اخبر قاعة الامتحان صمت ررهيب .. من اجل التركيز .. هذي حراج موب قاعة ..


حسبنا الله ونعم الوكيل

[يلدرم]

تنبيه :

مدير الجامعة العنوان البريدي : almodyr@kau.edu.sa رقم تلفون المكتب/ 6952011 ، 6952008 ، 6952009 رقم الفاكس / 6951996 ملاحظة : يستقبل مدير الجامعة المراجعين بمكتبه الكائن بمبنى الإدارة العليا بالجامعة بالدور الرابع: طوال أيام الأسبوع بمواعيد تتم بالاتصال بمكتب السكرتارية. كل يوم سبت من الساعة الواحدة ظهراً حتى الساعة الثالثة عصراً بدون مواعيد. عمادة القبول والتسجيل البريد الالكتروني ( شطر الطلاب ) : admreg@kau.edu.sa ايميل مدير القبول والتسجيل الدكتور عبدالفتاح مشاط asmashat@kau.edu.sa

[!! ابوشداد !!]

كان السؤ التنسيق واضح بين المراقبين والمشرفين

والدليل على ذالك كل التوجيهات للمراقبين كانت عن طريق المقرفون ... والمفروض كانو عارفين الشغله قبل كذا

على العموم ... المسؤليه تضيع اذا اوكلت لغير اهلها ... وهذا اللي سوته العالميه

ولاهي اول مره ... درس كم من مره دورات عن طريق العالميه ... فاشله بدرجة الشرف الاولى

حسبي الله ونعم الوكيل

[طلال عبدالله]

وانا اضم صوتي معكم


بصراحه ماكان فيه تنظيم ولا الواحد يقدر يركز من كثر ما هم يتكلمون علي المايك تقول مطلوبين منهم يتكلمو على المايك وكل واحد يتكلم بيخذ هديه اخر اليوم وكل واااحد يستهبل علينا باقي 10 دقايق شوي يقولك لا باقي ساعه وبعدين معك يخليك تخلص بسرعه وفي الاخير ما عندك احد والمراقبين ما يدرون وش السالفه لو تساله كيف اكتبي اسمي على الورقه يقولك مدري اجل وش واقف تسوي تخاف احد يغش ياخي الناس بتخاف من ربها ما بتخاف منك


وبعدين الا انا ااذكره ايام الثانويه القاعه تكون هدوا ع شان الواحد يقدر يركز في الاختبار ؟ هذولي يستخدمون التليفون وفاتحين السبيكر وانت تختبر تسمع اصوات انجليزي وغصب عنك تقطع تركيزك

بصراحه هذي اول واخر مره اختبر في الرياض اجل يروح من الوقت 30 دقيقه ع شان احصل موقف اوقف سيارتي ولم اجي عند الباب واشوف الطلاب في البرد وااقفين برا تقول بندخل بنك اايام الاكتتاب


وعلى قولة اخوي صاحب الموضوع لو تكلفنا طلعت جده 10 الف ريال بنطلع جده ان شا ءالله ولا نختبر عندهم


تحياتي للجميع والله يصبرنا الباقي من الايام