( ليلة السقوط الكبير ) - اختبار الكمي .. زود همي - "الاسباب والمرئيات"

[المهندسكو]

والله إني ذاكرت واجتهدت وحفظت القوانين وكل هذا كان قبل شهر
ولكن لما وصلت للورقة ،،،، تلخبط معلوماتي بسبب الفات إلي سووها
وكيف ساعة ونصف تحل أربعين مسألة ... كل مسألة يبغى لها حساب وتركيز

والله إننا في ذمة من حدد ساعة ونصف لإختبار التحليل الكمي
يعني علشان هي إختيارات يحطون لنا ساعة ونصف ...
حسبنا الله ونعم الوكيل .. حسبنا الله ونعم الوكيل
حسبنا ونعم الوكيل

[محمد3320]

المشاركة الأصلية كتبت بواسطة المهندسكو والله إني ذاكرت واجتهدت وحفظت القوانين وكل هذا كان قبل شهر ولكن لما وصلت للورقة ،،،، تلخبط معلوماتي بسبب الفات إلي سووها وكيف ساعة ونصف تحل أربعين مسألة ... كل مسألة يبغى لها حساب وتركيز

هلا اخوي و انا و الله مثلك مذاكر و مجتهد مرررره في التحليل .

ولاكن لما جات الورقه حاولت اتذكر القوانين ولاكن كل ماكتب قانون اقول اقول مو لهذي المسئله اقوم امسحه .
المهم ضقت مرررره لدرجة اني حاولت اسلم الورقه وأنا ما حليت شي و قلت خليني
اقراء المعوذات و آية الكرسي و اخذت 10 دقائق اقراء آية الكرسي والمعوذات .
و قلبت الصفحة . و جلست اسولف مع الى بجنبي . ريحت و بعدين رجعت للحل . و الحمدلله احس اني وفقت ..
ووفقت في آخر ربع ساعه بمراقب أبن حلال ساعدني في بعض الأسئله .

المشكله انه جميع المسائل مراجعها اليوم لدرجت انه حتى الأرقام ما غيرها


مع العلم بأن بأن ساعه و نصف لا تكفي ابــــداً للحـل .

لان الأجــابــه تـحتـاج من الطالب يحـل المسأله كامله لكي يتوصل للحل . ليست معلومه يستطيع الأجابه عليها من أول ما يقراء السؤال .

[حنين العاشقين]

المشاركة الأصلية كتبت بواسطة المهندسكو والله إني ذاكرت واجتهدت وحفظت القوانين وكل هذا كان قبل شهر ولكن لما وصلت للورقة ،،،، تلخبط معلوماتي بسبب الفات إلي سووها وكيف ساعة ونصف تحل أربعين مسألة ... كل مسألة يبغى لها حساب وتركيز والله إننا في ذمة من حدد ساعة ونصف لإختبار التحليل الكمي يعني علشان هي إختيارات يحطون لنا ساعة ونصف ... حسبنا الله ونعم الوكيل .. حسبنا الله ونعم الوكيل حسبنا ونعم الوكيل

و الله انك صادق يا اخوي
انا بدأت اذاكر هالماده قبل الاختبار بشهرين تقريبا
و اكثر ماده اخذت مني وقت و تعبت فيها
و كل القوانين حفظتها و كل شي درسته زين
و وقت الاختبار انصدمت من اسلوب الاسئلة
اسلوب الاسئلة مختلف تماماً عن اللي يجي بالكتاب
و غير انه ما هو كاتب المطلوب بشكل واضح
يعني حضرته ينتظر منا نستوعب وش يبي بالضبط
و الاسوء انه الوقت أبداً ما يكفي
خلص الوقت و انا لسى باقي لي 12 سؤال ما حليته
قمت احل عشوائي علّ و عسى يمشي الحال

ما اقول الا رب البيت كريم يسهل الامور كلها